¹ Polo, aposutolu, toka kpara de, sidinga kpara nde toka fe Yezu Krisitu de Eme woni, ingi zokongi go kpi, ² de ondayi nde ingbo dema, go oekleziya na galatiyo: ³ ba grasiya de gungo atoteye feyi sidinga Eme woni de ngama kini Yezu, Krisitu, ⁴ ingi toteye meleye taka ositingo, yoka nasiyani tsiane karanga ositi, go malanga ka woni Eme, ⁵ fe da angbo mabebe fe okaranga de okaranga deangbo ba. ⁶ ma tetoto guama ba eyi diteyi ba djadja tokote kpara na ebukayi toka grasiya ka Krisitu, toka gulu tokote gara oluwu. ⁷ de toka anongbo de gara luwu, tano okpara la do ote djidjiyi, otema na yoro elu ka Krisitu. ⁸ tano dhunga eyi mini, dhunga azelu bili na kpe fagara elu to feno ingdje egulano toka sisitingo, tangbo diri de satu ilikengu. ⁹ ni fata nga woni, te matefa tokana go ghunga ne: te kpara bili fafeyi gara elu to teno inodje tala, aleke ba iluke ingi! ¹⁰ tsiane sene, atokakpara dhe mafaba, toka Eme? anga de no matema na kutema feo kpara? te matemele tokana ngo fe okpara, na ngbo gode moro tima ka krisitu. ¹¹ mate fafeyi, deyi, ba elume no temato emani ayite kpara dé ¹² tongo manoza de nadje sidinga kpara dé, engobilita mano tia nani go male ka Yezu Krisitu. ¹³ inombela enani, toka no, imbela inani baka mango edhoko go eklesiya kao yuda, bakana ma nati de na moro ekleziya ka Eme. ¹⁴ bakana mano ngbé enye fe okpara nde go Yudeya takana olibi okpara na onongbo de gala de mote kara, ono si desiti lidjadja toka oyime ka wuwu. ¹⁵ engobilita, dinga ingi tekoteye fe no ooma ededele bego ka yima, te ingi ya bukama toka garasia kaye, ¹⁶ na Eme ingaye tema,toka ma fa engo kangi esuga opagano,tsiane, ma tsia esode de ngoté, ¹⁷ te ma ile tokanadé go Yerusalema sidinga no engbongbo oaposutolu egilano fele, sono matoka arabiya. sidi magoga tokana go Damasa. ¹⁸ okarango bada sidi, male go Yerusalema, toka namele mabela ka kephase, te matiga ka okini bukpa buleve, sidinga ngi. ¹⁹ toka mano esuga o oposotolu de, tano ngbobi Yakobo, ndayi ka ngama. ²⁰ gonote ma eté feyi, angadeno egula Eme, mafiteyi dé. ²¹ maneke tokana go siriya bi go kiliyia. ²² so, mano mbela tema dé tedila o Ekleziya ka yudeya engbo go Krisitu; ²³ tiane, ingi nodjé otefa: karo no gara dhinga rngbo tia. efa tsiane male ingi ngbo ma moro. ²⁴ te ingi tonabebe Eme te elema.