¹ Yonyuma we binwa bi Yesu mwa enda i Galilaya, mwatachira iya mo buyahudi kubushi baliabakola nzira serishonda imwita. ² Ekiro kyo ekiro kinene kye Bayahudi, kiro kinene kye bibanda, kye bya hofi. ³ Ekashangi ko baala ba bo abamubwira sawe sishunge mikolere yo rekola. ⁴ Halali mundu woshi yanakola buno mbo aliye wene ashonde iikandya kushe. Nakiro wakola bi, uikangye yo wene mo kihuo. ⁵ Na baala ba bo batamwimira. ⁶ Aho Yesu abere bwira bo, " Ekashangi kani katechi kahika, aliko sandambi senu siriho ko ndambi soshi. ⁷ Ekihuo kitangako chyakwe mikolera yakyo itakwirire. ⁸ Muuruke muye mo kiro kinene; ingye ndiye yo kubushi ekashangi kani katechi kahika. ⁹ Abere amemala ineena ibinwa ku bo, aayeikala ikalaya. ¹⁰ Na lino, baala babo ni meenda mo kiro mo kiro kinene, naye ameenda, mu bubisho ¹¹ Ebayahudi bali bamushonda mo kiro kinene ne neena, " Alihayi?" ¹² Habya buhaka bungi kubushi naye. Na bandi baneena, Mundu akwirire" na bandi baneena, " Kiro,kubwishi batinde ekifunga." ¹³ Hate kira na mundu ngaikangitse kwiye kwe reubaha ebayahudi. ¹⁴ Ekiro kinene kyahika mokati, Yesu airuka yoluulu mo buhemero aanja ihana bandu. ¹⁵ Ebayahudi bali bashishala ne ibutsa, " Kubwishi bwaki emunduye echi bindu bingi? athechi aingira mo masale." ¹⁶ Yesu ashubitsa bo ne bwira bo, " Emahano mani ate mahanoni, he matokire kwa thatha yakyi tumaa. ¹⁷ Iri hali undi ashonda ikola emikolere iwe yo wene endeminya kwetsukira mahano ya, nga motokire kwa Ongo, ao nganyi neena njo wene. ¹⁸ Bulimundu ya shonda mahano mewe aishondera ihalambwa yowene, he yashonda ihalabwa lya thatha ya nyitumaa, emundu yu ni wi ira, na mwiye hatali ikola kitakwirire. ¹⁹ Musa mwa ha emiomba? na kwi mwe hatali emundu ya kwamire imiomba. Amushonde inyitira ki? ²⁰ Ekifunga akishubya, " Uwi chwire muka mubi. Inde yashonda ikwite?" ²¹ Yesu ashubitsa bo ne bwira bo, " Nyamekola mulimo muuma, na mwe boshi mwa meshishala kubwishi nao. ²² Musa mwabaha ichibwa ko " ite neena mbuitore kwa Musa he itokire ko ndungo" ne mwe kubwishi naki amwerecha ko bandu mokiro kye lihuka. ²³ Iri emundu angachibwa ko mo kiro kyeriluhuka, ineena mbwe miomba ya Musa itanfaa, kushi bwaki mwanganyitsibira kwilamya mundu mo kiro kye reluhuka? ²⁴ Mutachira lubanja kwe lola lyenyu muche elubanja kwi ira. ²⁵ Ebandi bandu eritoka Yerusalema mo ba negena ate yoyu yo bashonda bomurite? ²⁶ Tashunga kwa simola butayibisha kaadi bata negenire kindu busha naye akuti abami banechi koyu ni Kirisito? ²⁷ " Unechi omundu oyu ngaa hulukaa hai, Kirisito endebehika hate yo wende minye hende huluka" ²⁸ Yesu abyaa nia hambala mo mulengu uwe, mo kisomo nia fundisa neri negena!" Imwe boshi mu nyechi; nangye nyechi yo nyitokan, ndahikire kwi shasha lyaye, he yusha nyituma ni wa kwenene kandi mutamwechiye. ²⁹ "Nyi mwechiye kubushi anyitoka yali nayu nituma" ³⁰ Babyaga niaba shondieri mutsimba he hatali na mundu muuma ya watangaa atsimba minwe iwe mbwa mutsimbe, kubushi endambiiwe yati nitechi ya hika. ³¹ He bangi bamo kikembe kye bandu mo ba mukiritsa mo banegena;"Kirisito endebe hika ende kola bishishalo bingi kubyo mundu oyu akola?" ³² Abafarisayo mo banrwa kikembe kye bandu niye ki huma huma ebinwe bi kubushi Yesu ne baheri ba kulukulu na bafarisayo mo batuma bachungi mbu bamutsimbe. ³³ Nino Yesu anegena" niri nimwe ko biro bike nimo nyafuluku kuyusha nyituma. ³⁴ Mwe nyishondya he muti nyishunge;"neyo nyiya mutanga ko chya ihikiyo" ³⁵ Kwekyo ebayuda mo bahere bwirana ibokwibo emundu oyu eya hai kubushi tuta mushunga ko endeya kubo bamaliri shanjabana mo kali ke bayunani nako bahandiki bayunani? ³⁶ "Ni kinwa kiheki kya anegega:" Mwende nyishonda he mutiende nyishunga eyo nyiya mutanga ko dya erihikayo?" ³⁷ Ekiro kyetsindiro, ekiro kikulu kye sikukuru Yesu mwimana amelaka mulenge ati!" Obuli mundu yunfire nyota alhike honyiri alye mechi" ³⁸ Yo ama nyikiritsingye ngako setoka mondaiwe. ³⁹ Ekinwe ki mwanegenakyo busha na mutima, bo bende mukiritsa, babende mupokera besha mutima akomire nyatechi angibwa. ⁴⁰ Bandu bangi mo kikembe babere bomonfua kinwe ki mo ba negena;" kwenene mundu oyu ni mulautsi" ⁴¹ Ebandi mo ba negena:" Oyu ni Kirisito" he ebandi mo ba negena:" bate Kirisito" angatoka Galilaya?" ⁴² Mashako ata negenire ko Kirisito enda toka mo lubuto bwa Daudi neritoka Bethelehemu mo muyi wo Daudi abyaa kere? ⁴³ Aho naho hame huluka eriabana amokatikati ke kibu bushaa naye. ⁴⁴ Ebandi mokati kabo mobashonda eri mutsimba he mo hatabya mundu weri mutsimba. ⁴⁵ Ebahandiki mo baendera baheri bakulukulu ne bafarisayo; bame bwira bo:" bushanaki mutamuletire?" ⁴⁶ Esondumwa sameshubwa:" hataki mundu yu negena ngako mundu oyu anegena. ⁴⁷ Ebafarisayo mobashubitsa bo:" ni mwe batyo mwame yitinga?" ⁴⁸ Inde mo katikati ke bakulukulu ne bafarisayo bo bame mwikiritsa? ⁴⁹ He kibu kyabo batechi mugambo bame takirwa. ⁵⁰ Nikodemu amebwira bo yo wahikaa homwe lumbere mo kiro iyi ni muuma wa kubo. ⁵¹ Emigabwetu inosohe mundu niame mali tonda neriminya binwa byosha kola? ⁵² Mwashubitsa bo neribwira bo:" mbe nawe utoka Galilaya?" ushonde nerishunga ngakuno Galilaya yamaliri toka mulautsi. ⁵³ Buli mundu mwatoka ho ameya yomwe.