¹ Ekashangi ko ke binwa bya, Yesu alotsa ko nyancha ye Galilaya, kandi aiahulwamo nyancha ye Theberia. ² Ekiphunga kinene kyali kumumwitsa kubushi bashungaa bishishalo byarakolaa ko bakoni. ³ Yesu mwairuka yaluulu ne yo luulu ko kitwa aikala yo ne sondumwa siwe. ⁴ ( Ne kiro kinene kye Pasaka kiro kinene kye bayahudi ni kyara hofi). ⁵ Yesu alungulira ya luulu ashunga ekiphunga kye bandu na kimuhikira, abwira Filipo, " Twangaya hai kwe shonda biryo bye banduba bangalire?" ⁶ (Ne Yesu aneena ebinwa bi kubwishi bya Filipo imushondya ko lwenso kandi nanechi byara kende kola) ⁷ Filipo amushubitsa, " ne biryo byo so dinari maana abiri bitango kochiche na buli mundu abaa tangalire ko kiche kike." ⁸ Andera, muuma wako ndumwa siwe muala bo Simoni Petro amubwira ⁹ Yesu, " hano hali mutsana muuma hano awete kumikati itana na fi ibiri, sangaira ki? ko bandu bangaha?" ¹⁰ Yesu abwira bo, " Mwikatse e bandu heshi" ( habyaa bunyatsi bungi chanducha); habya balume etufu itano abaikala heshi. ¹¹ I nyuma kwaho Yesu ametsimba mikati itano amehemeraro ne abira bo hobali bikere kandi ameshuba iabira bo safi kwewimitsanya na njala yabo. ¹² Babere bameuutha abwira bo sondumwa siwe, " Mushongye biche byobya meshaka, kubushi hatabaa kiherire." ¹³ Abashongya shongya bithonga ikumi na bibiri, na biche bya mikati bitano byashiri biche bya bishakitsa kubyo shabalya. ¹⁴ Babere bashunga bishishalo bi byakolaa aba neena, " iira uyu yo muhanutsi aahu lwaa mbwendehika mo kihuo." ¹⁵ Yesu abere amenya byo kobashondwa imutsimba ku bushi bamirire mo mwami wabo, ameishunashuna, ne uuka ko kitwa yona wene. ¹⁶ Kyabere kyoshondikika iolo sondumwa samekima ko nyanja. ¹⁷ Bameulukira mo lowoto babyana loasha buka ikapernaumu.(emwitsimya na mebya ho na Yesu natechi ahika ho bali). ¹⁸ Mondambi yo emuyaghaa mungi uihika na kaala kangi, ne nyanja ya mehecha kutsibu. ¹⁹ Kandi sondumwa siwe salisi wete ko ngahya mwakumi abiri natano ao makumi ashatu, abashunga Yesu na endera yoluulu we nyanja abere ahika hofi ne bwato, abaubaha. ²⁰ Ahika hofi naye amebwira bo, mutauhaa ingye. ²¹ Kandi babya bashonda imutwala mo bwolo, ne bwato abuhika ko kishbuko habali baya. ²² Bwabere bwakya ekiphunda kyame imane ko musike we nyannja abashunga na hatali bundi bwato ni hali bo Yesu abaoma ne ²³ sondumwa siwe. Babaa batechi baurukira mo bwato ne sondumwa siwe ni sitakiriho.(Esindi bwato asihuka itoka itiberia hofi na handu habaliraa amikate, mwakashangi nina kuwetu ahema). ²⁴ Ekashangi ekiphunga kyabere kya minya kwatali Yesu ne sondumwa siwebashabashungwa yo, bameheka so bwato sashi ne enda nato Kapernaumu na beyeshonda Yesu. ²⁵ Babere bamushunga ko mwishirya we nyanja abamubutsa, " Muhani wa hikaa kiro ki inemunda?" ²⁶ Yesu asha bitsabo, abwira bo, buholo, buholo, ngyo mushondwa, ingye ate kubwishi momwashungire bishishalo, kubushi mwalia mikati ne uutaa. ²⁷ Mulikule ikolera kalyo ko kabihire, kirenga ikola mulimo we biryo byo byangala ho ko biro byoshe ekalyo ko mwana wa Adamu endebaha. Kubushi thatha Ongo amehira kimenywe yoluulu kwiye. ²⁸ Hanyuma kwaho aba mubwira, "Twanga kola ki kubushi tukolere mirimo ya Ongo?" ²⁹ Yesu ashubitsa, " uyu amulimo wa Ongo: kubushi mumwimirire yanyituma." ³⁰ Bashube mubwira, " Bishishalo bwe twanga shubekola, sotwangashunga ko ne kwimirira? weshuba ikolaki? ³¹ Bo thatha mobalya nana mobweru, nkoko bwashakawa, "Ahaabo mikate itoka mumbingu kubushi balya." ³² Ho nyuma kwa ho Yesu ashubitsa bo, " Buholo, buholo, athe Musa yabahaa mikati kutoka mu mbingu, he thatha wa mu mbingu ya hanaa mikati mu mbingu. ³³ Kubera mukati wa Ongo watokire yo luulu ne hana buingo mwa kihuo. ³⁴ Itokaho aba mubwira, " Thatha utuhe mukati umo kashangi koshi." ³⁵ Yesu ashubitsa bo, " Ingye ngyo mukati wa buingo, buli mundu woshe yamenyihikira atende unfa nchela na yaranyimirire atende unpha nyota na kiro kiuma." ³⁶ Na kiro na babwira mbu, mwame nishunga, na kandi mutechi mwawimirira. ³⁷ Eboshi bo thatha anihaa bendehika kwingye, na bulimundu ya kende nyihikira ndendemuliite. ³⁸ Kubwishi nyemehika itoka yaluulu, hate ikola shashi sani, he anyikola shashi sa yara nyitumaa. ³⁹ Ne ti so shashi siwe yaranyi tuma, mbundahetsaya kiro na na mundu kubara nyihaa, he nende unfula bo mwa biro bya nyindiro. ⁴⁰ Ne ti so shoshi sa thatha nani, ineena mbu buli mundu yendemumwira andehabwa buingo bwa biro byoshe; nangye nyende muunfula mwa biro bya nzindiro. ⁴¹ Ho nyuma kwo ho ebayahudi mo baitongatonganya kubushi mwaibwira, " Mbu iwe yo mukati watokire yaluulu." ⁴² Abaneena oyu ate Yesu mwala wa Joseph, kubushi twechi ishe na nina uwe? byamebya bate na ame neena, " nyametoka yoluulu?" ⁴³ Yesu ashubitsa bo, abwira bo, " Mutaitongatonganwa mwe bene kubene. ⁴⁴ Hate mundu angahika kwingye iriatachi abirangira na thatha ni yanyitumaa, nangye nyende unfula mo kiro kye nzindiro. ⁴⁵ Kubwishi bimeandikwa na bahanutsi, " Bende hanwa na Ongo." Buli mundu ya unfaa ne hulikya na mehanure na thatha, na hika kwingye. ⁴⁶ Inee na mbuhate mundu yanga thatha, he yaratokaa kwa wa Ongo yashungaa thatha. ⁴⁷ Buholo, buholo yaramyimirire aethe ku buingo bya biro byoshe; ⁴⁸ Ingye ngye ngyo mukati we buingo. ⁴⁹ Bo thatha kulu mo balya mana mobweru, mobanfa. ⁵⁰ Oyu wo mukati watokire mu mbingu, ineena mbu ya kalya wo kiche chawo athanfaa. ⁵¹ Ingye ngyo we buingo wakimaa kwitoka mu mbingu. Buli mundu woshi amerya kiche kya mukate atendefe. Mukati wonye ndetonya ni mubiri ni kubusgi ne buingo bwe kihuo. ⁵² Ebayahudi mo batsibuka bo benekubo bene abaancha luhayo bo bene kubene, na neena, " Emundu yo angakochya bate ituha mubiri uwe tulyeo?" ⁵³ Aho Yesu mwabwira bo, " Imira, imira, muthalire emubiri wo mwana wa Adamu ne shoma sheema iwe mutangaba na buingo mu mwe. ⁵⁴ Bulimundu woshi ya kenderya mubiri uwe ne sheema iwe ali ne buingo butendehwe, nangye nyrnde munfula mo biro bye nzindiro. ⁵⁵ Ineena mbwe mubirini byo biro biira, ne sheema ni nikindu kyerishoma kye riira. ⁵⁶ Yu kenderya emubiri ni ne shoma eshiama ni aikere mwingye nangye nyiri mwiye. ⁵⁷ Ko thatha we buingo anyimaa, no kondi ho kubushi bya thatha, naye endebaho kwingye. ⁵⁸ Oyu wo mukati watokaa mu mbingu, yenderya omukati yu atendefe. ⁵⁹ Yesu aneena binwa bi nalimo buhemero bwe Kapernaumu. ⁶⁰ Ne sondumwa siwe sabere saunfa bi abaneena, " Elihano lilitsibuhire inde yanga kochya iimiralyo?" ⁶¹ Yesu mwaminyango ko sondumwa siwe sameitonga tanganya ekinwaki, abwira bo, ekinwa ki kimebatsitha bukya? ⁶² Byende bya bate mwashunga emwana wa Adamu akima itoka yoluulu asika yabaa? ⁶³ Emuka wanahana ebuingo; Emubiri tawite ebwina nyababwiraa wo muko na buingo. ⁶⁴ Hakine bandu batstsi bawimirira; "kubushi Yesu alyechi itokera yatendewimirira na yathende wimirira. Na ya kende musibula. ⁶⁵ Abwira bo, kyo kyalekaa nyibubwira muhate mundu angahika honyiri atabirangirwe na thatha. ⁶⁶ Babere bashunga bi sondumwa siwe nyingi sifuluka yonyuma abathashube iwemitsanya naye. ⁶⁷ Yesu abwira bo erikumi ne babiri, "Ne mwe amushonda ienda?" ⁶⁸ Simoni Petro amushubitsa, " Thathta tuye kwa wande twitsi kwiwe wo wete binwa bya buingo buthawete nchindiro, ⁶⁹ Kandi twamewimirire ne rimenya kwiwe we mubuya wa Ongo. ⁷⁰ Yesu abwira bo, " Iki ndabashombolaa imwe, ne muumanyu ni mulenda? ⁷¹ Aho abya nasimola kuwishi na Yuda, muala wa Simoni Isikariote, ku bwishi iyeye yabaa muuma wa rekumi na babiri, kubwishi iye yakende musibula Yesu.