¹ Yeso abiatamba tuuwa na hekalu, moti laba biya nde baye baba mulisa, ''Mwalimu, u'nda itehende ambangisi eheya!'' ² Abangudia, ''Ooni eheya ndo aangbo? N'danite ndiaika antata taya buuli akuwa na dodo.'' ³ Wakati nde abia ikine a mamba la Mizeituni mbusa hekalu, Petelo, Yakobo, Yoani na Andrea baba mulisa a siri, ⁴ ''Usungudie, elehendo abano suwa sina? Abano alama sina bionano?'' ⁵ Yeso aba kengetisa ngudia labo, ''Bukingemane angaa n'to mato kanga ba nutima. ⁶ Bangbu bapia na inami baba luhuwa, 'emi yeu,' bitima na bano bungisano angbo. ⁷ Abena booki biya na dengisa la biya, kanga butiya; ande elehendo ba upe, lakini sungialinda inda. ⁸ Taifa amano antata taifa nda too, na ebuame antata ebuame. Babano na weliana nganga nganga, na nja. Indo nde kengetisa mateso. ⁹ Nabenu buundeni. Mayanu bana kanone na tuwa, bano komano ama Sinagogi. Bano mesano musala ba tawala na ba muame antata mi, bubano ba shuuda nde. ¹⁰ Lakini elehe l'Akodola lazima batu yote ba oke. ¹¹ Wakati nde bano pedano na kuwa kabidi, kanga butiya inde bo luhuwa. Suba ndambi nde, bubano elehe nde bo luhuwa; i'nda ba benu nde bo luhuwa, makanga Mbua mema apu. ¹² I'ntu bao asitakiano i'tu baye akuwe, epa na naye. Baa naye bamano mbusa pabo na kaamusisa labo ekuwa. ¹³ Kila n'tu ba nyano antata ina mi. Lakini andi tunde abe muvumilivu, itundi abano na okovu. ¹⁴ Wakati nde boonano chinanaima nda chiidi na mi andi mandi inda biamabeli (i'tu nde asomi aupe), ndipo ba bine suba Yuda baba tatiya na mamba, ¹⁵ I'nde adahi antatendu inda sima na a dodo sube ndu, au kakumba buuli buuli na senge, ¹⁶ Inda bi na tiyo kangasiana kaakpa ngombe ndaye. ¹⁷ Lakini ole wao bakindi bana lemi na bandi bemungisa suwa ndi! ¹⁸ Memani kanga kubila suwa hiyo. ¹⁹ Kwani babano na mateso ndangbo, andi imandi akidimbe, wakati nde Akodola awombi leengo, mpaka ndiende, indana ima, ao indakida. ²⁰ Mpaka suandi Apwai akbutusani suando, indaba nangupondi alama, lakini antata ba biya, inde esombola, akbutusano suando. ²¹ Wakati nde n'tu yoyote banu ngudiano, onani, Klisto aani!' ao anani aohi!' kungu libiya. ²² Kwani Waklisto lambeya na ma nabii lambeya ba hubano na ba luhuano elehe nda ngbo, angaa, banu time, hata na wateule. ²³ Nabenu buundeni! aaye munungudei indo puuli musaa lilihi. ²⁴ Lakini mbusa mateso ndeapiya suando, nani abano natudaha, amelwa i'nda lula, ²⁵ Ba lelengwa ba kuwatuwa niku, na ekpako ndia tuwa na kupa aba dengisa. ²⁶ Ndipo ba monano Muna Adamu saandi apiane na kupa ni kpako laye na utukufu. ²⁷ Ndipo abitiya ba Malaika ndi baye na etudanisano apu moti wateule wake tuwa saka ini la leengo, tuwa mwisho leengo na kupa. ²⁸ Kwa mtini miindi bujifunze. Abe natapi ndeaweza hobisa kasa indaye, ndipo boupano kiabende kiangazi epiiya. ²⁹ Andi mahabo, wakati nde boonano ima namuna indo hubeli, boupe sianalami akidii, aisuendu. ³⁰ Domi, munungudei, ebotinde i'nda nyena kulaha elehendo akidimbe. ³¹ Kupa na leengo anyenano, lakini eleheami indanyena. ³² Lakini kida suando ao saando, inda na tundea upa, ata ba Malaika nde mana kupa, hata Nii, lakini Ipa. ³³ Nabenu buundeni, undani, anga inda boupa saandi akidane. ³⁴ Andi sinda n'tundia kiitamba: aba dowa entuaye, na pisa n'kobe ntimae ba n'tonde aba unda entuae, kila n'to nekumo ndaye. Na palakobe abeiso. ³⁵ Aindo bubeiso, anga n'ta boupa suande apa kumendu akidane nendu, saatoo atekwaha, solosolo akiiha, wakati nde koko aosane, ao umaumatu. ³⁶ Abe na kidi diiya, kanga utunda nuletoo. ³⁷ Inde nuhuwa awao u'ma nuhuwa akila n'to: Bumemani!''