¹ Mbusali Yeso aba kengeta lapela labo amakoko. N'to aba akona tiola Mizabibo, abatimbisa, na tonga boso amamwenge. Abahia endu nde nda na mbusa abedolea bande tema tua mizabibo. Mbusa aba katamba kolaha. ² Na inde a kidine, aba tea n'to nde maeawa batemi nde batemaka Mizabibo bondeo toa a wabo mbusa maya la tua Mizabibo. ³ M'pa aba baba mbeda, baba beta na baba bea kanga ema. ⁴ Abatea abo n'to mato, aba babotisa a moae na kolelae ilolo. ⁵ Aba n'tea nde mato, nandema motindo aba ba moa. ⁶ Abi na n'to moti n'de ba tea, nii nde Bakondi. Na iye abi ndungo n'de btei. Aba luhua, ''Basikisa nami.'' ⁷ M'pa na bande ba iki suba endu baluhuani ibo mayabo, ''N'de yeu nde pakumi. Piani, m'pa bemae, na mwando aba indasu.'' ⁸ Aba batimba, aba bamoa na maalae na n'senge la tio la mizabibo. ⁹ Abende, m'pa! Akola emasina n'to nda onda tio la mizabibo? Apia na tindisa bateni la mizabibo na akangano tio la mizabibo abande ba to. ¹⁰ Nabo loboimbe edindio nde? ''Eteende inde bahii bakomi, ababa eteenda mbamba. ¹¹ Inde atoi na ngwa Mwame, kalali a iso asu.'' ¹² Abiba kabi peda Yeso, m'pa babatia bika bato, anga abibaupa anga bi baupi na luhuu makoko anga bo. Aindo babadoa aba Bakaindabo. ¹³ Mbusa ababa etea la mafalisayo na mahelodia a wae anga lekalae elehe. ¹⁴ Inda bakidine aba Bangodua, ''Mwalimo, beupa bende n'do bemea elehe puli na n'do hangisa kondela a solo abato. Olapa ahe Akodola suba domi. Ande domo! leha kodi anga kaisale ao m'pa kanga beleha? betoa na belehi kanga beleha? '' ¹⁵ M'pa Yeso abi aupi kisola labo aba engodea ''angae bomokengisi? Bomopeni kiyoa ne mondene.'' ¹⁶ Baba mbia na moti awa Yeso abaengodea, '' Ande swa mawani na Badindii na inde aani ande inda ni? Aba baluhua inda kaisale.'' ¹⁷ Yeso aba ngodea, ''Opa kaisale inda kaisale na Akodola ema nda Akodola. ''Aba babanga. ¹⁸ Mbusa Masadukayo Bande baluhuu n'da na toa suba poota aba bangelea. Ababa ulia, baba luhua, ¹⁹ ''Mwalimo, Mosa abi a dindii asu Abe nende n'tabae na n'to naku na doa n'ke mbusae, m'pa n'da du nii, N'to angba n'ka n'tobae, na we ekapea banii anga n'tata n'tobae.' ²⁰ Abi bama ketoba subi alalo, nde ma mosa abia ngbe n'ke na mbusa aba kuua, n'da edu Banii. ²¹ Busa n'de ma ibali aba kuua n'da boti. Nande ma isalo ababa malua boo. ²² Na nde ma subia alalo abiaku kanga doa nii. Na sungia na n'ke aba kwa. ²³ Sua chuchua na inde bachuchua noha Abano N'ka mawani? Amande bando pulanabo sobia lalo abi ba munyae.'' ²⁴ Yeso Abi engodei, Inde nda kwe tiwa la pombisa anga n'da boupa dindio m'paka inda Akodola? ²⁵ Swa chuchua toa na poota N'da ba onuana na ngia eyamani, Baba sinda Bamalaeka nde Bana kopa. ²⁶ M'pa, anga Banda baku bande bachuchu, Inda bolobai toa suba mapapasea inda Mosa suba mbinola muulo sinda inde Akodola sinda inde Akodola a luhuune na ngodea, ''Eme nde Akodola nde ma Bolahimu, na Akodola nde ma Isaka nande ma Yakobo? ²⁷ Iye n'da Akodola nde ma Bakuu, iye nde Akodola nde ma bande ba heuma.'' ²⁸ Moti la Bandindii Abia pii na okeana elehe nda bo, Abi aoni bende Yeso abi esisili kilikili. Aba mulisa, ''M'pa nde anuuli sina yeu aanjakpe suba puli?'' ²⁹ Yeso aba n'sisila Inde indanja oka, Isilaeli, Mwame Akodola nde masu, Mwame moti. ³⁰ Ande kua bende okoude mwame Adola nde mao, A'leso na mimao puli, na mohakio, na m'paka lao puli. ³¹ Amuli nda ibale ainde, 'Ande domi akonde manjao sindande ookondine owe nganga.' n'dabeli amuli angbokpe nyena la indo.'' ³² Dindii aba luhua, ''aanja Mwalimo! Oluhuu domo kea bende Akodola ande moti na n'da nande a nyeni. ³³ Bokondeni na moyoanu puli na m'paka lanu puli na kondatao sinda oe nganga, ni aanja nyena beombo na nyena boembo le heleli.'' ³⁴ Na inde Yeso a onine bende an'sisilina bondo abangodea, ''awe nda kolaha la ebwame inda Akodola.'' na mbusa waa n'da be na n'to moti ndeakengisi ulia Yeso eleheli pu. ³⁵ Na Yeso aba luhua na Inde Yeso aba alapane suba n'tua aba luhua, ''Badindii baba luhua keabende ande muna Daudi? ³⁶ Daudi iye suba mbua meema nda pu, abialuhuu; Mwame abi makokpa, na pisa batonde boma mbua mema achede kusi a ipelao. ³⁷ Daudi ye mayae kuka klisto Epa emende muna Daudi boni? Na tondana angbo. ³⁸ Suba lapandae Yeso aba luhua bongbame naba dindii bande bakonditamba na ngombe nde nda na somomoalae ama soko. ³⁹ na ika ama mbata nda Mangese suba n'tua na suba sua ndangbo inda Bamangese. ⁴⁰ M'pa baluana sube endu aba mekusa na baba mema emenii enda anga bato ba emone. Bato nde Babondea ekale nda ngbo. ⁴¹ Mbusa Yeso abia iki a dodo apitia ndekele la boembo suba bolambo la n'tua; abi na emanda bato Bande babi ba pisa mabuna ndabo suba ndekeke. Bato Bangbo bato a luha biba pisi lua edee la mabuna. ⁴² Mbusa n'ke mekusa Mosama abi apii na aba pisa hala ibale, la sengi. ⁴³ Mbusa aba ekoka ba beande bae na aba ngodea, ''Lebea monungodei, n'kende mekusa apisi ema angbo nyena la nu sinda inde bakapi suba ndekele la boembo. ⁴⁴ M'pa pula na bo ango bakapi anga belea na ebie labo. M'pa Mekusa nde toa suba bosama lae aba pisa mabunaa, ndae puli inde biatoa na n'kunyi.