¹ Yeso abeatoi na ntua na kalae. ² Babeya nde bae m'pa babangelea na ka kahangia lae namna labo ntua. M'pa esisilia na ngodea, ''M'pa, Inda boooni ema ndo puli? domi monongodea, Inda netee nde asaka kola tae makanga Gkpola.'' ³ Na abingo aliki atata mamba Mizeituni, babea nde bae aba bakanongoae kapiti baba luhua, ''Osongodee, ema sina ahobelea awasu? Ema sena ahangiano dalili la pia lao na sungia la leengo?'' ⁴ Yeso abe sisilia na abaengodea, ''Bogbame, nto kanga apia bungisisa lano. ⁵ Anga bato pulipu ba piano na iname. Ababa luhua, eme yeu nde Klisto, na bae bungisa bato si. ⁶ Bookano bia na mbino la bea. Bogbama kanga boika na somba somba, anga ma nde yonga ahobelimbe. M'pa na sungiali abimbe. ⁷ Anga mande taifa etino basanano na etino, ebwame na ebwame basanano. Abano na njaa na lingina amali puli puli. ⁸ M'pa elehe ndo puli ande kengetisa mona nyombo. Ndulu beetusono amona nyombo. ⁹ Anga bato bagbo beka ngeano kola nyombo la muana. Benu yano kabo lambo ngbokpu kola inomi. ¹⁰ Anga bato bamoanano na yaana ebo mayabo. ¹¹ Manabii bana mbela bakidano na temu. ¹² Anga bochede atodo kananu ekondi la bato asia. ¹³ M'pa iye nde avumilia mpaka kasungeli abamano. ¹⁴ Inde nde elapa la bobwame suba leengo ngbokpu kapengo usuhuda anga taifa ngbokpu na undo abano sungio. ¹⁵ Anga inde boonale edongi la bochede inde baluhuli na kukumu, oupe Danieli ame ama apu aloboa na upa; ¹⁶ M'pa bande bana Yuda ba tatee na mamba, ¹⁷ Na nde anatata enduae asimanai a dodo, kpa ema puli toa suba enduae, ¹⁸ Na nde anatio asianai kpa ngombe ndae. ¹⁹ M'pa ekala bande bana banii na bande ba ungisa suando! ²⁰ Memeani bende tatea lanu, abani sua heo, ao sua Sabato. ²¹ M'pa inde abale nyombo magbo inde abimbe menoanja la ombeana la leengo, na inda baleko. ²² Kusa sua ndo na inda bi ngbimisi nda bale na nto nde aela misa, m'pa anga balusume suando bangbimisale, m'pa suando kabagbisi, indale nto nde alama anga bateule suando abale angbi. ²³ Mbusa pulana bato aluhuale, onda Klisto aoo bolebeani elehe aee. ²⁴ Anga ba Klisto lambea na bakukumu nda mbea bapia na onesa ema latisa na yala mbea bapiale na ba yongale isala ndangbo, anga teme ana, m'pa nga tokekani na bateule. ²⁵ Monu ngodei mosalelehe ndo hobela. ²⁶ Anga indo abena ba nu ngodea, "Klisto ana ihwa. Ondani, asuba endu; kangabo lebea elehendo. ²⁷ Sinda munyo a mbua inde a henua toa nande mane a toa kane na henia nda atekwaha. Nda sinde suande apialene muna Adamu. ²⁸ Ama puuli oo nde ama tondana la bandia. ²⁹ M'pa anga bosama ndangbo inda suando, mane abale natoda, na meluan'da beta, helengwa ba kuale toa na kopa, na m'papa inda kopa alomana. ³⁰ Na m'pa ekumu la muna Adamu m'pa aba hobela, na kabila puuli inda leengo ba kamale. Baba mona muna Adamu na pia suba kopa inda m'pena na m'papi na ekala lae inda ngbo. ³¹ Aetea Bamalaeka nde bae a leso angbo la ntoi, nabo be tondanisa a m'pumoti na bato nde bae banja toa hala ini la leengo, toa sungia imoti na saka ato. ³² Upani elehe beleana na mee. Naye n'tapi a mee na kasa na ekpelea boupa kealabende mane apii. ³³ M'pabo, nae boonda ema ndo puuli botoa nabeupi keabende achito pii la pii la ekuku. ³⁴ Domi nenungodea, eboti nde n'do nyena nda inde elehe puli abano na hobeli. ³⁵ Kopa lengo anyena m'pa elehea Akodola n'da nyenale. ³⁶ M'pa beleana na suanda na ndambi n'da n'to n'de aupi nangebe Malaika nde banakopa, na ngebe nii, maha epaye nganga. ³⁷ Anga sinda inde abine sua Noa boo yeu abana pia la muna Adomu. ³⁸ Amande suba suando mosa la golika bato babi naba lea na noa, na mona na omana nda suande Noa angine suba Koko. ³⁹ Na n'da bi ba upa emali puuli ndande galika apii na kumbalabo na abano boa sua pia la muna Adamu. ⁴⁰ M'pa bato babale baba na tio moti bangane, na moti aska mbusa. ⁴¹ Bake babale baba naba n'koka a m'pomoti moti bakumba na moti abasaka. ⁴² Aboo ba bongba me anga n'da boupa sua sina apiane epa su. ⁴⁴ Aindo botoa nabobi pii, anga muna Adamu apia suande nda boupane. ⁴⁵ Ande mawini angalanu ande manja, na n'kobe nde mana muhakio, n'de apae a pa koko manji anga bande ba suba endu ae, anga epe elea a ndambi nde abe? ⁴⁶ Aanja awa n'kobe ndo n'de ape andonda na koli boo sua nde apiane. ⁴⁷ Domi monungodea anga mwame ambisa atata ema puuli inde nde indae. ⁴⁸ Abe na nde n'kobe nde mana ndundu na luhuu suba memae, "Epa adepi; ⁴⁹ Abakengeta beta ban'kobe nde bae, na baleana na noa. ⁵⁰ Mwame nde ma n'kobe ndo apia sunde nda upiliana, na suba ndambi nde nda upiliana. ⁵¹ Apae a tena kendo ibale na pisalae ama imoti sinda batoa kisolo, inde aba ugamo na lea munyo.