¹ M'pa Yeso abaluhua natondana na anga babea ² Abaluhua ba ndindii na Mafalisayo bunde balikidi mbata Musa. ³ Iimba kima ndebeno sosieii kalali kaloiingo bwebunda kilikilii, mbaa kangobo bilia ndee bea kalali puende baluhukanonde kabakalemo. ⁴ Mingo babue kumbo onedo iinde kabatokeno kumbo ngoo beakumbiso bakpa kadoko doko abo ebo oma yabo kaba sekedise ata na dela kakumbo. ⁵ Kima sabo kpokpuu, bakalakano kpua bepipe kpwende ebo bekuakana basandukuabo notoda kaba subi busuluto nina ngomboabo. ⁶ Bakunao kana buleki kuma ndesilo liko kula mbata anzanza suba sinangogi. ⁷ Nosomianakuma moko, nabakpa likoweka lanubalim. ⁸ Iimbaa benu iinda benoweka balimu kpuendi benuna mualimu kadii, nabenu kpookpuu, enama ⁹ Kanga boweka kpaa ani kadunia kpuu ende apanu, emakadi enakupa. ¹⁰ Umba kanga bapiko uekala nu mwalimu kaa kpuende benu na mualimu kadimaha neye dulu Klisto. ¹¹ Munde ndimasi kangalanu abano twaha nyiso lanu ake. ¹² Munde edusieyii atitisiano namude etutisi obadusiona. ¹³ Bwende kilikili baa dindii Mafalisayo bapa mbela benu kapacho kaba kpaa ahee duama ana kupa, iingobenu kobotokeno ngio nasosio lanu bunde bangiano, kola bendo. ¹⁴ Luende misitali a moko nasina iinda ken'kana suba nakana anjaa, nakala atode musitali iindo mbuso ma musitali moko na sina wende badindi Mafalisayo bakekeiiyala kwende buemi di bamekusa. ¹⁵ Bwende badindia baa Bafalisayo bakekeiyala bosapi kupio libo, na kidopiko iikpa kadi alikibie elehende benu kaluhuali, kabengo abano yanu bakali kendo eebaale, miki majehenamu yanumayanu benune. ¹⁶ Buende kilii baongozi time time baluhu munde alipa subaheka endakima lakini munde alapiino kaabubu nabondo bakpekina kyopo ake. ¹⁷ Ebenu batimtim bakekeiyala kiinasino inde endiasi kendetio abubu ao hekalo apisi dhahabu na kyua Akudula. ¹⁸ Ma munde alapi kamadhabu iinda kima munde alapano kasadaka inde ekulake bakpaki na lapake. ¹⁹ Beenu batimetino kimosino ndiasi kendetio sadaka ao nadhahabu, iinde bapisi walfu sadaka bakapi ka Kundula. ²⁰ Iimba mude alapano kaa madhahabu alapi kendo, na kakima kpookpuu kulake. ²¹ Mamunde api bangali kamanjake. ²² Mamunde apii kakupa apii kambata Akudula na kiyo munde alikii kulake. ²³ Elunguanu Badindii na Bafalisayo, bato la kisolo! anga lehisa luha anga babodoa ema ndagbo aba bosikisa ema nde dee, Boenge na muhakio. M'pa indo atoanabi na bokoli nanda doa indato kanga sikisa. ²⁴ Benu bameimosa ndimendime benu nde bomona mboa nde ngamea . ²⁵ Elunguanu, Badindii na Bafalisayo, batoakisolo! anga mande bososa na n'senge la keke na n'senge la mbea, m'pa subi na tumi na n'kiki angbo na wa kanga uesikisa. ²⁶ Benu Bafalisayo, Bandimendime, boose suba keke na suba mbea, anga saka na senge nayo abe anja. ²⁷ Elunguanu, Badindiina bafalisayo, batoa kisolo! anga mande bososani na puuta nde ba bongisi na hemba amande na n'senge a oneana anja kesi atumi subi nde kua na ema chede inda ohoa. ²⁸ Aba babo benu na n'senge boneana bato toto mosala bato, kesi subanu ana kisolo na enjee. ²⁹ Elunguanu Badindii na Bafalisao, batoa kisolo! anga mande bohia puuta nda bakukumu nde ba Akodola na bongisili puuta bato toto. ³⁰ Benu boluhu sinda abenabi basuu bapasu mbe bi beba apu moti na nabo adua sama inda bakumu nde ba Akodola. ³¹ A indo aba bohangisi mayanu ka bende benu nde bana bande bibe moi bakukumu nde ba Akodola. ³² M'pa benu bomesi tumisa hala in abongi na loloi la panu. ³³ Benu Banjoa baana n'keti anga emasina botoa na botatei m'papi inda na ndaye? ³⁴ Anga indo, onda me tei anu bakukuni nde baAkodola, bato la mohakio na Badindii na bomoa na senga labo. Na mbu indo bookokotia suba n'tua indanu na bealabo toa subanji imoti na inda to. ³⁵ Hobebela sama puli inda bato toto inde aduani a leengo, ³⁶ Na domi monungodea elehe nde puuli inde akida eboti nde. ³⁷ Yelusalemu, uende wemoo bakukumu nde baAkodola na beta na etee bande ba etei na angwao! Kendo enga monu tondanisi Baanao monu tondanisi baanao apu moti siada inde koko etoudisana kane baanae kusi epupe lae, m'pa n'do lebei! ³⁸ Onda endu ao asaki sama. ³⁹ Na eme moongodea kengeta mbeno mbeno na keleanaka n'do mo mona, n'da inde a luhuane; a anja n'de apia a ina la Mwame.