1
Kasa in'do Helode eki mbino kula Yesu.
2
Abatoka kabatue kumo lake, munte ndi Yoani mubatizaji asusukito tokasube ekua. Ebende ngufu in'do emuka lake.
3
Kangbuende Helode abingo ambedi Yoane abaanyanga na makala kesuba ngoli kangbua Helodia, kalima Filipo namake.
4
Kangbue Yoani aluhu kake, "In'dia bongali ba munde ba kalimake."
5
Hlode abika mualake alakini echi bakpa kangbue bamoni Yoani kukumu.
6
Kendene esela boko chana la Helode akidine mekali ma Helodia abini kangala bakpa aba abongilia Helode.
7
Kimande atoti nde aluhusan'de ba patani sebende apesionokamangboku nde amemiano.
8
Mbuso miendia a make atotikake, aba aluhu, "Omepesie ka kengu maha mua Yoani mubatizaji."
9
Mufalme aba aba ba nelungu ka memiande mekali mundo amemiei, lakini kangua malaka laka, kangua bondo ngboku babi ngobeka liana kumakadi naye abasosio sabende akolakane.
Aba eteka bakpa sobende Yoani atoke suba ngoli.
11
Kangue batene muake na bapikise kulengu aba baperio nekali munto na aba akerio ninjia a make.
12
Mbuso ba biga kake aba bapeko pikokumbo ngopo na mombo, mbuso miendo mande bakee totalika Yeso.
13
Kende aye Yeso kendene ekinendo aba atuka kumande abiabe aba adaha suba koko aba akasaka sakele etina. Kende ba kpakpeto be piko kumande abibeyi, mande bambilieyi na kepe tuka kanji. Mbuso Yeso apiki musa mabo mande eboni ba kpakpete. Abakuo ekalabo na lamiso sikida bo.
15
Santi akidi keteko, ka biya bapiki na njoke na luhuo, "Inde buto jangwa, na ese mbino nde akalu ba ngbole tundana kandua bendi ba keenanji aba basumba liaha kangua bo.
16
Lakini Yeso abatotakano, be kanga sekiokana njiobo. Bepese neliha.
17
Aba batotakano, besu na kitoko etano na ba suubale.
18
Yeso abaluhu, "Pikisoni kiami."
19
Mbuso Yeso aba atotakabo duoni buleki ka dodo ka nyasi. Aba apeda mukate na ba su ebale. Abendane neko nakupa, abopiso balaka kulina mikate aba akapa ka babea bake. Ba beya aba bapaka bakpa kpete.
20
Aba baliana ngboku na labo nakuto. Mbuso naba ba tundaniso butualiaha ngboku na tuniso so moko nebale.
21
Bunde baliani betangei ba balako elfu tano kanga tangia ba bali na miki.
22
Mande atatika ba beya bengie suba koko, san'do manda toti ba bakpa ngboku bake.
23
Musamo loka bakpa kpuete bundo, aba adaha ka mema eye nganga sande abine ka mane abimaha kuku eye nganga.
24
Lakini mbina nde sande koko abika umalibo nguekadengo kangua suso, kangua suso abi kpete.
25
Abai kangunde ababaka siaha aba Yeso ekidilio, ngue tamba kula libo.
26
Kende babaya bake ba moni nguekatamba kula liko abababane bako na hulu "Aba basangala" na dusio liso kuma mbela.
27
Yeso abatotakabowabe abaluhu susisoni mbuka manu! Endime! Kanga bochiani."
28
Petelo aba kisio na luhu mangese, kabongo endue, totakami imbike na njioko kula libo.
29
Yeso aba luhu, piko. Mande atuki suba koko mande atambi kula libo hana njio Yeso.
30
Mande petro inde enine bundu, mande asine boko, na tekeliso ndimo, ndimo suba liso na luhu, "Mangese omilamiso!"
31
Dia mande Yeso ananui njikake mande anengi Petelo, na tata kake, "Uwemana benge na dele, keke obine eboko?"
32
Mande Yeso na Petelo kendene bangiso ba koko, mande suso abobiane .
33
Ba beya suba koko mande ba abudue Yeso na luhu "Endi ningo wenti miki m'Akodola."
34
Na wakitinde basapine ba kidi subanji ya Genesaleti.
35
Nabato subanji babaiba mupili Yeso, ba bateya mbino, kila njinde api ambiti, na pia na bande babi na sekeda.
36
Bate mbina be pendimoha sese angombe ndao, na bande ba pedei ba balama.