¹ Suba suando Yeso aba toa suba endu na ika a kpalo a ibo. ² Ngungu mangbo baba tondana anga timba, aba ingia suba koko na ika subi. Ngungu a bato puli baba ma a kpalo a ibo. ³ Mbusa Yeso aba luhua elehe angbo la makoko, aba luhua, ''Onda, n'taami akeeka kona. ⁴ Abi na kona mboo abi aku a kpalo ahe na Bamba Bambabu ba pii babe lea. ⁵ Mbuo ato aba kua a n'tata balabala. Abi ateli kilikili m'pa nobusali aba kakala anga ndabi atondi dodo nda nza inde na ibo. ⁶ M'pa mane achongine aba sumba anga indabi na miiki abi a omi. ⁷ Mboo atoo abi aku asoloamee inda kua. Mee inda na kua abi ende aba bomba. ⁸ Mboo inda too aba kua ama dodo inda nja na bota mbua, inda, angbo yena imoti nyena,inda to yana sobialala na yana isalo. ⁹ N'de mana etue a oke. ¹⁰ Babea baba pia babangodea Yeso, ''anga emasina oluhua na ngungu na makoko? ¹¹ Yeso aba esisila aba engodea, ''Mompi ekondo la upa esomi la ebwame inda na kopa, awabo ba kapi mbe. ¹² M'pa nde angbania, batodisae nyena, na aba ba na ema angbo. M'pa nde nda ngtami na ngebe ine ane ba muta. ¹³ Amande aboo ne luhua naba na makoko anga amande onda, kanga ba upa domi. Na abe naba oka baoke m'pa kanga upa. ¹⁴ Ekukumu inda Isaya. Akidi awabo, inde bi aluhu . ''Abe na booki bo oke m'pa sinda puli n'da bamoka; suande bo onale botoe onda m'pa sindali puuli kanga domi ba upa. ¹⁵ Na bua mema botonde achito na todaya, ande motanali okalabo, m'pa badeki iso abo, anga kanga ba onda na iso abo, na oka na etue labo, na upa suba memabo, anga boo bi bahuliana, na abi na monulamisa. ¹⁶ M'pa isuanu a bongi, anga a ondo na etualanu anga oka. ¹⁷ Domi menungodea ba kukumu bangbo na Bato a domi babi na sei a onda ema ndo inde boonda, nanda biba toi onda . Bobi na seia oka elehe ndo inde booka, inde baokimbe. ¹⁸ M'pa okyenai makoko la nyonyo. ¹⁹ Ndambi li puuli ooka elehe la ebwame na inde nda upa, na m'pa n'to machede apii na kumba na indeebakoni suba memea. Inde nde mboo inde bakoni a kpalo ahe. ²⁰ Inde bakoni a balabala ande nde aoki elehe na kpa dia echelo. ²¹ N'da na miiki subae, a okyana ndambi edee mbusa. Nyomba na kaba hobela na elehe achede asakade na kua. ²² Inde bakoni subaha n'kua ndo nde oki elehe m'pa yeyeka la leengo na temea na la luha aba bomba elehe anga kangaba n'de aoki elehe m'pa yeyeka la lengo na temeana la luha na bomba elehe ndo kanga bota luha. ²³ N'de akoni adodo anja , Nde nde ndohu n'de aboti mbua naka naa bota mbua na kaa indae bota imoti nyena yana indato yana aobialalo, indato ekomi isalo. ²⁴ Yeso aba epa mokoko ato, Abaluhua,''Mwame nde mana kopa asosani na n'to nde akoni mbo anza suba tio ae. ²⁵ Na inde bato lene, njiu ae aba kona mboo inda chede a solosola a ngano mbusa abaka ae. ²⁶ Inde ngano ateline na hobisa mbua na apa mboo achede aba hobela. ²⁷ Na bato nde ba pakona tio baba pia aba bangodea Epa n'do koni mboo anja na tio ao? Ande boni suba tio hobela mboo achede? ²⁸ Aba engodea, ande njiu akoli indo. Bato nde bae ba bangodea, ''Aindo okondi bende beke be hue? '' ²⁹ Pakomatio aba luhua ''Aba koma nae bo huu mbo inda chede kesi bo huu na ngamo. ³⁰ Bo doeni a mote apumoti be huale apumoti. Sue kupa ne luhuane na bato akupa, Bokengete hua mboo inda chede na suba li, m'pa botondise ngano na pisali n'endu.'' ³¹ Mbusa Yeso akapi kabo makoko etino. abaluhua,'' ubwame la kopa akengeisani na mbua la hone inde nt'o aia kumbi na kona na suba tioae. ³² Mboo nde ande edee, anye na mboo puli nda tio, m'pa inde atanine m' pa nyena mboo pulinda tio,nda tio, Indo ne, aba lenga ump'a nbabu nda kopa bapia ka hia enduabo kola tapia. ³³ abaengodea makoko etino ha. Ubwame n' ta kopa ende sinda hone inde bapidisa ka na mwenge inde n'ke absi tadisana anga kebisa ama Isalo nda mbusu. ³⁴ N'do puli Yeso abia luhui soba kungu sinda makoko na kaluhuu ema ndo. ³⁵ Indo abi anga ema puli inde baluhui akalulio nabi akolane,ama nde aluhuu,''ne ukwano nyo sa mi suba makoko na luhua a bato elehe nda ngbo inde asomwi tekelesana misengi alengo.'' ³⁶ Mbusa Yeso aba dwa tondana na kaa soba endu. babea nde bae m'pa bangelea na luhua, kabanimakoko ma gugu nda tio.'' ³⁷ Yeso m'pa sisilia na luhua '' ukono mboo anja nde mana ma Adamu ³⁸ tio nde leengo; na mboo nda nja. bande nde mana buchede,, naadui Inde n' krti ibilizi akoni, ³⁹ M' pa manuno nde sungio leengo, na bato a mawuno nde malaika. ⁴⁰ m'pa inde magugu inde ba pisi ama imoti basu mbano suba n'sa, indo yeu abano sugea nji. ⁴¹ muna Adamu ateano malai kamae, na pisa amaimoti toa suba obwane ake ema puli inde odu eloloi la bande bato nde bakola eloloi masi ⁴² Banomaano ngongbu soba taneiu la n'saa, a abe abano lea minyoao. ⁴³ M'pa bato toto balolono ya mane soba obwame ma pabo. munde ena kitoi aoko. ⁴⁴ ubwa me ana kopa e sinda ndekele inde ba somi suba tio. ⁴⁵ Ako, obwame ana kopa inde ya nto nde asonbisa ema na kaba sanga anja. ⁴⁶ Suande aoni thamani abaka, kasamba inde abi ngua sombisi. ⁴⁷ Obwame ana kopa inde sinda sibo inda ahehea ema puli nda suba Ibo. ⁴⁸ Saa nde atumi aba nto nde apisa sibo abahodia na bisa ema puli, m'pa ema nja abapisa na maa nde achede. ⁴⁹ Abano boo sua sungia eengo malaika bapiano kanga bato abuchede. ⁵⁰ Na maa eabo suba tanulu la n'sa inde abano nyambo toisa labo. ⁵¹ boupi ema ndo? babea ump'a bamulisa, '' domi.'' ⁵² Mbusa Yeso abaluhua'' kila dindii abe munde nde babea ba obwame ake ngeani na endu inde ana nde kele a emakipwa nda kala ⁵³ Ndambi nde Yeso akidi suba makoko ndo puli, abatoa na kaa hala etino. ⁵⁴ Mbusa Yeso abakidia suba mokoa ndae na aba lapa na bato suba n'tua. matokoa ndo ump'a ebangisa bato na luhua, '' andeoni nt'o nde apati apati bongisa na ema la bangisa. ⁵⁵ n'to munde inda miki ma musemala ? In'da mchamaamae ? na ahwae inda Yakobo, Ysefu, Sumona mpa Yuda? ⁵⁶ NA ahwae nseka be ani? mpa nto munde atoisi ema ndo puli oni? ⁵⁷ Abaelemea m'pa Yeso abaluhua, nabi kabe keno na bongisa into puli? ⁵⁸ na inda toki kola bongisao si angaenda bi na boenge.