¹ Amango Yesu arhengaga omu Kanyamuzinda, muguma omu begirizwa bage amubwira: Mwigiriza, lola mabale machi n'obumbasi buchi! ² Yesu amushubiza: Kobwene obu bumbake bukomere? Harhakayorha ebale okulindi lirhahenyezwe. ³ Ayikala oku musozi gw'emizabibu, embere ya Kanyamuzinda. Na Petro, Yakabo, Yowane na Andreya bamubaza omw'ihwe. ⁴ Orhubwire, mangochi ebyo ndibyahika, na Kimanyiso gichi ndikyayerekana okunji byaba? ⁵ Yesu arhondera kubwirabo: mumenye omuntu ndi arhabarhebekaga. ⁶ Bulala bantu banene ndi bayinja oku Zino lyani. N'okuderha: nyono nye Yesu. ⁷ Ndibarhebeka bantu banene. Hano ndi muyunva ebirha n'olwamo lwe birha, ndimurhahezaga obwenge, bulala bihemere okuhika. Syaliko burhankaba buzinda. ⁸ Olubaga ndiliwayumuka kulwisa olwindi, n'obwami ndibwayumikira obwindi; ndi haba e misisi hantu hanene okwigulu, enzara. Ndi gwaba murhondero gwa malumwa. ⁹ Ndimuchilange mwenyine. Ndibabahira omukabuga, ndimwashurhwa omubishagala, ndi mwahekwa embere z'abarhegesi n'abami enyanya zani omukumpamiriza. ¹⁰ Bihemerere emyazi y'obuholo eyigirizwe burhanzi okubantu boshi. ¹¹ Hano ndibaja kubalenganya, ndimurhacibazaga bichi mwaderha, ndi mwashambala ebindi mwahabwa aho hanaho bulala arhali mundi mwaderha, s' aliko Muka Mweru. ¹² Omuntu ndyahana mwene wabo bamuyirhe, omulume omwana wage, abana ndibalwisa abazere n'okubayirhisa. ¹³ Ndimwashombwa naboshi enyanya w'ezino lyani, aliko owundiwalembera kugera okubuzinda njachunguka. ¹⁴ Amango mwabona amabi gamaja ahantu hachesibwa, owasoma ayunve, obwo abali omu chihugo che Yudeya balibirhire omu misozi, ¹⁵ n'owundiwaba okunju arhamanukaga n'okurhola echintu omunju yage, ¹⁶ n'owundiwaba omumashwa arha galukaga kurhola e gorhe lyage. ¹⁷ Buli buhanya oku bakazi balibukule n'abalikuyonsa mwezola siku. ¹⁸ Muhune ezo siku njizirhahikaga omu mango gy'emboho. ¹⁹ Bulala ezo siku njizaba za malumwa marhaziba kurhenga egulu liremwa na Nyakasani kugera zene, chiro marhaka chibaho. ²⁰ Nanka Nahano arhayufuhyaga ezi siku, ntaye wakachungukire, aliko aziyufuhya enyanya z'abantu alondwere. ²¹ Eyo muntu akababwira: Kristu ali hano, changwa, ali halira, murhamuyemeraga. ²² Bulala njihaboneka ba Kristu b'obubeshi n'abalebi b'obubeshi; nji bakola ebisomerene n'ebitangaza by'okurhebeka n'abalondwerwe, nka byakashobokere. ²³ Mube mesho, namalire kubabwira byoshi embere. ²⁴ Aliko, mwezo siku, enyuma z'amalibuko, ezuba ndiryazima, omwezi ndigwazima, ²⁵ Enyenyezi nji zarhoga kurh'empingu, emisi eri omu mpingu nji ya bula obuhashe. ²⁶ Ago mango nji babona Mwene Omuntu ayinjire omu bichu n'emisi yage Yoshi n'obukuze bwage boshi. ²⁷ Ago mango nj'arhuma bamalaika, ndyanahira abalondolwa bangambo ene z'egulu, kurhenga okubuzinda bw'egulu kugera okubuzinda bw'empingu. ²⁸ Muchiyigirize oku lwiganyo gurhengere oku muzabibu. Eryamarhabi gage eyigalemba n'ebibabi bikamera, mwana menya okw'echanda chiri hofi. ²⁹ Nantyo hano nji mubona ebi bintu bihika, mwanamanya oku mwene omuntu alihofi, okulunvi. ³⁰ Mbabwirire ebyokunali, obu buko burhakagera, evi birhanahika. ³¹ Empingu n'egulu njibyagera si emyaziyanierhakagera. ³² Okubilolere olusiku changwa, ebichanji ntamuntu obiyinji changwas bamalaika omumupingu changwa omwana, alike Eshe Yenyine. ³³ Mumanye, mutarame mwnahune, bulala murhayi nji amango njibyahika. ³⁴ Njibyaba nko mulume wajaga lugenzi, aleka enju yago, ahano obu rhagesi okubakozi bage, abwire buli mun tu akasi kage n'okurhegeka omulanzi wownvi alange. ³⁵ Mube masi bulala murhakamanya egihe nyinenju nji ahika, changwe egolo, changwa ahagarhi k'obudurho changwa okulubiko l'oluhazi chan gwa esezi. ³⁶ Muyubehe njiarhabashimara muhro. ³⁷ Ebi mbabwirire, mbibwirire bashi: Mutarame.