¹ Paulo,ntumwa ya Yesu Kristu, kungerera obulonza bwa Lulema, kumanyisa echirangane ch'akalamo kugerera Yesu Kristo. ² Na Timoteyo, omwana wani muzigirwa : Olukogo, obonjo n'omurhula obihabwe muli Namahanga Darha na Yesu Kristu Nahamwerhu. ³ Namaderha koko emwa Nyamuzinda, Olala bashokuliza bakoleraga, nani yi nankolera omu murhima gwinja; ezuba n' obudufu kuyibuka esiku zoshi omu mahuno gani. ⁴ Na kandi, ndi nayibuka emiziga yawe,na nalonza nshubi kukubona, nyunve nyunjwire n' obushagaluke. ⁵ Olange ebiwajirirwaga omu buyemere buli omu w'oyo; bwaliri omu nyokokulu Loyisi na nyoko Enike, nayemezezwe nabo, bibe muwoyo. ⁶ Chechirhumire nkusezize kulanga enshokano za Namahanga wahabwagwa omukulambulirwa kwa maboko gani. ⁷ Bula Nyamuzinda arharhuhaga Omuka gw'obuba, aliko arhuhere Omuka gw'emisi,gw'obuzigire n'ogw'obwirhonzi . ⁸ Murhabaga n'enshonyi z'okuhamiriza enyanya za Namahanga werhu nani nyemushwekwa wage . Aliko olibuke haguma nani omuguhana omwazi guhyahya gwa Nyakasani. ⁹ Okubuhashe bwa Nyamuzinda wa rhuchungulaga anarhurhumira obuhamagale bushinganene arhali enyanya ly'ebijiro byerhu s'aliko kugerera omuhigo gwage gwinja , nakugerera olukogo lwage rhwahabwagwa omu Yesu Kristui embere z'esiku n'amango, ¹⁰ Byabonekana omu muchunguzi werhu Yesu Kristu, wahimire okufa , n'okuhira embere akalamo , n'orhafa kugerera omwazi gwinja. ¹¹ Che chirhumire gun'omwazi gwanjirire mwigiriza na ntumwa, nahabirwe kuyigiriza abapagani. ¹² Necho che chirhumire nalibuka n'ebyo bintu, aliko ntaherhe shonyi bulala menyere muli nde nayemerere na nyinji bwinja oku aherhe obuhashe bw'okulanga gulu kuhika olusiku luzinda. ¹³ ofarhe bwinja omu bunyemere, omu buzigire buli omu Yesu Kristo, lwiganyo lw'emyanzi minja,wa yemeraga kungererako. ¹⁴ Langa enguli bwinja, kugerera Muka mweru orhulimo. ¹⁵ Omenyere oku boshi bali omu Aziya bandekere , muli Fijelo na Herimojeni. Nahano alerha obonjo omunju ya ¹⁶ Onesiforo, bulala ana antuliriza buli mango,arhanayunva eshonyi enyanya ly'omugozi gwani. ¹⁷ Okuhandi amango arhenga Eroma anandosa bwenene n'obushiru ana mbona. ¹⁸ Nahano aguhe okuba n'obonjo bwage ago mango ,onamenyere kurhe akukoleraga omunjira y'Efeso.