¹ Boas na kako ne'e binna kalada na wanno monno nama di'i ne'e. Mba dekukongge, na lawe wi a toddu'ge patekkina Boas. Hinnage Boas,"Anguwagu, me'iya'u neme, man'di'i wu newe." Ne nya, ammini ne'e nama di'i. ² Ne nya naka auladi a'ka bullu ata palima pawa'ina ne'e wanno dana, monno hinnage, " Mandi'iwu newe." Nyaka, newe hidda a'mandi'i. ³ Boas na tekkiwe mbarra 'nda atoddu'ge, " Naomi a wali nemme wanno Moab na mbatadi do'u da angu'nguwa'nda, Elimelekh. ⁴ Ne yowa kupange'ndage baku tekkigo," Wo'iwu tana ne aroda aman'di'i newe monno ne oroda palima pawaida bangsa gu. Nyaka be'ikoge toddu'ge, toddu amo kongge. Hinna mowa, nyaka ne yemmi banda bei kongge toddu'ge, tekki gawe barragu kaku pande'ge, nyaka nda'i ponguki ata a tagu toddu'ge monno mba'ba'nda yo'u monno mbawe yo'u, yowa." Ne nya na tekkiwe, " Newe Yowa kube'ige baku toddu'ge." ⁵ Hinnage Boas," Ne loddo nyemmi wo'i tana wali limma detana Naomi, yemmi kaina mi kolena Rut, Mawinne Moab, olle ummada'i ata a'mate ba, ga'i kanna kedde mbaliwe ngara'nda ata ne'e ponnu ndo'u takka'nda." ⁶ Wale we a toddu'ge, " Ne Yowa ndaku tagu toddu ki'ge ga'i ne yowa kadaku bokala dengngakadi hidda do'u do'unggu. Yemmi ko a toddu'nda, taka new yowa ndaku tagu todduki'nda." ⁷ Ne nya ba'i a domma hitti ulluna ne'e Israel ne mba toddu'ge monno ne bappa balingge, nyaka ne mbappa ndanggikowe a ia panewe patekkida, ia ata-ia ata napa sella'i kappe wa'ina monno na nya 'ndadi ata eka. Newe pata wuatanawe panewe nee Israel. ⁸ Takka, a tagu tod'nduge na tekkiwe mbarra na Boas," tod'nduge." Monno, ne nya napa sella wi kappe wa'i na. ⁹ Mbali nawe, Boas napa newe barrada palima pawai'nda monno ngarra kuwa ata," Ne Loddo, Yemmi ngarra kuwa mi pande'ge hik'nda ngarra kuwa pa do'uda Elimelekh, Mahlon, monno Kilyon mbabawi baku wo'i ndandi wali limma detana Naomi. ¹⁰ Nawa Rut mawinne Moab, olle ummana Mahlon, kuwai mawinne wi ga'i kanna patuwe ngara nda ata a mate ne;e ponnu do'u takka'nda. Nyaka, ngara'nda hikda ata ndamuwakina wali ngara angu'wa'nda monno binna wanno kalada da. Ne loddo, yemmi nbana a pandeng'ge." ¹¹ Ngara palimma pawa'inda monno ngarra kuwa ata a wa'ina ne'e binna wanno kalada a tekkiwe, "Yamme a pandeng'ge. Mori kowa a'rawina mawinne, ama'i ummamu, ahinna na Rahel monno Lea, hikda a dwa'da apakitage pa buru pawali tubana Isreal. Nyaka ne'e yo'u kaba'bu bayo ne'e Efrata, monno ngarramu napa ngarawe ne'e bEtlehem! ¹² Nyaka newe paburumu na tudda we paburuna Peres, papa 'anana Tamar tubana Yehuda, Na Mori na nyawib ngarra lawaka barramu a wali barrana na mawinne abo'u." ¹³ Nyaka, Boas nadekewa Rut, bana ra'i mawinne wi monno bana panggu ole dengnga wi. Oro manawara'nawe Mori, ne nya napa ti'a monno napa 'nda'ndi wi ia lakawa kabani. ¹⁴ Bali nawe, hikda mawinne a'tekki we mbarrana Naomi, " Deikawa Mori ndappa wa'ina mbarramu na ia ata atagu toddu'ge ne loddo. Pakaloga ngarana kanna o'udawe ne'e Isreal. ¹⁵ Nya'ndona apalageborang'gu dewamu monno a karawa wu nemme bakawe'ndawu. Wassemu hikda dona a yagu nya kapa anawi lakawa tubamu. Nya a louka panduwa, ne hikda a pitti ana kabanina." ¹⁶ Naomi na dekewa na lakawa, nyaka na ta'ini ne'e ponnu mba'bana, monno napa sussuwa. ¹⁷ Mawinne ngara ole mbarra ummana a yawi ngara na lakawa, Hik'ndage , " Na a'ia lakawa kabani na 'ndadi tubana Naomi!" monno hikda a'pangara'i na lakawa Obed. Nyadona amana Isai, monno Isai amana Daud. RUT MONNO 'NDU'NDA'NDINA BOAS V 18 Ne nyado paburuna Peres: Peres amana'i Hezron. ¹⁹ Hezron amana'i Ram. Ram amana'i Aminadab. ²⁰ Aminadab amanai Nahason. Nahason amana'i Salmon. ²¹ Salmon amana'i Boas. Boas amanai Obed. ²² Obed amana'i Isai. Isai amana'i Daud.