¹ Nyawe, neahinna takkana, hitti loddo monno hitti waina, mbaku padua tora tutuda Yehuda monno Yerusalem, ² Yo'a kupakuwandi ngarra kuwa bangsa monno Kungindiwi hidda kaburru nee rabana Yosafat. Yo'a bana akatiti hidda nee, toranda ata-Gu, monno dou-Gu Israel. Orona hidda mba dau-dauwi ne tillu dongada bangsa-bangsa monno batibba-tibbara ne tana-Gu. ³ Hidda arawi bana sura barranda ata-Gu, bayani iya lakawa kabani atuba mawinne ndala, monno battai lakawa mawinne ga'i ne anggura kaenuge. ⁴ "Malla nebahinna, daimo appa-appada ne yo'u pangu yo'a, he Tirus, Sidon monno ngarra kuwana ne tana Filistin? Peina yo'u mupadunni mbaliga ne parawi-Gu? Ne yo'u barai mbali koge mbarra-Gu, Kumangangnguta baku pawalimbalidi parawimu ne ponnu katowa ndoumu. ⁵ Orona yo'u mundedewi omma kaka-Gu monno ndoka-Gu, monno mungindi bawi ndou-Gu apawellina nee tidi barramu. ⁶ "Hidda ata Yehuda monno ata Yerusalem mu mbattabadi barrada ata Yunani gaikupamarrodi hidda wali ne wanno'nda. ⁷ Ahinna takka na, enga pakeddeGudi hidda ata wali padou pabatta wa'imudi, monno Kupawalibalidi parawimu ne ponnu katowa ndoumu. ⁸ Monno, Kubatta ngarra kuwadi ana kabani monno ana mawinnemu ne limma dananda ata Yehuda, monno abattagudi anamu barranda ata Syeba, barranda iya bangsa a marro, hinnawe li'ina Maromba Allah." ⁹ Padukki ndawe nera ne tillu donga'nda bangsa-bangsa, pawenna wekkina kata patauna, pakeddewi ngarra ata tetakka. Nyaka ga'ikudi ngarra kuwa ata bani katukke monno kataburru! ¹⁰ Kora ne tabekamu kana kabali teko, monno ne keto pawatto waimu kana kabaliwe numbu; pakalokowi na ata dapawessi, kana panewe, "Kupawessi!" ¹¹ Ngettana monno ammigu, cou ngarra kuwa bangsa a'wali ngarra kuwa uppu-uppu na, pakuwana nee! Burru ngindi o, Maromba Allah, ata bani-ata bani-Mu. ¹² Keddewu bangsa-bangsa, monno kakowu ne rabana Yosafat. Hinna takka, nee nyawe pamadi'i wa'i-Gu baku kanikindi ngarra kuwa bangsa a'wali uppi-uppuna. ¹³ Waiyorage sabit, malla na rarabandi patodaka. Meiya, oppuwi, ne padou passuwa'i anggura na bonnubage. Nepadau-padou paka'passuwa'i naluwa tetakka badi, orona naluwa tetakkdi parawi'nda ndaduwa. ¹⁴ Mangeda ata, mangeda ata ne rabana papatabboka wa'i! Nyawe, na tukke bana loddona Maromba Allah ne rabana papatabboka wa'i! ¹⁵ Loddo monno wulla a'kapotta bana, madubbu-madubbu a'opibawe wanggara'nda. ¹⁶ Na Maromba Allah naka surruka wali Sion, Napareng'nge ngge li'i-Na wali Yerusalem, lapata langita monno tana kana'kadunduka. Takka Maromba Allah Nya'padou mawo'wa'i ndou-Na monno nukka pamawo wa'ida ata Israel. ¹⁷ "Nya'mbu pande ngge mba Yo'a, Maromba Allah, Maromba Allahmu, a'manege ne Sion, lete-Gu akaringngi malalana. Yerusalem na'maringngi malalage, monno hidda ata eka ndalipi'a mbana." ¹⁸ Hetti'pona namarawiwe lete-letena natorrokawi anggura kabo'una, kabundukana na kokorawe susu, monno garra kuwa uppu loko ne Yehuda nakokorandi wee. Mata wee nakokorawe wali ummana Maromba Allah. Monno napamenggelawi raba-rabana Sitim. ¹⁹ Ne Mesir enga' karingi banawe, Edom na'ndadi bamaredda a' kamara, orona katto katowada hidda barra'da ata Yehuda, orona hidda alegabana raana ata nda'sala ne tana na. ²⁰ Takka, ne Yehuda enga'ge mbadouge monno Yerusalem dukki murri wali-murri wali. ²¹ Ku tauge ndelu rekkana hidda dappa ndelu pugu, Maromba Allah namanege nee Sion".