¹ Powi wa sangkakala ne Sion, dondo deika wunda wa ne lete nggu a bi'a! Kawiduka ngara kuwa ne tana wanno, malla lodo na Mori natukke mba, hina takka lodo na Mori na danggeta mba. ² Lodo akapottana mono akapanduna, atudawa lodo arara adala iya lete-iya letena, a ia mandi'i aakalada langngu takana mono apawesi, nda'i bada ahina hitti pona to'ina, mono nda'i bana amarawi a ulluna dukki we muri wali- muri wali. ³ Ne aroda, anga'a di api, ne lirada, wenggara api amutu. Ne aroda, ne tana atunda we wanno Eden, takka lira nda mareda kikapa nda tudda tana akamara, mono ndai bana pa ele da wali hida. ⁴ Ta nda ne hida atudda ndara, mono ndara mbata ne hida ba malle. ⁵ Atudda li'i dokara apatauna, hida ba takeida-keidaka, ne ponu lete-lete amandetana a tuda li'i wenggera api, a nga'andi unu kua ba mutuna atuda wa aia mandi'i apa wesi. ⁶ Nie arona ia mandi'i-mandi'i nakandalaka ne mata deta da na wakata. ⁷ A tuda ata patauda hida malle, mono a tuda ata bani da hida apene na kangali. Hida akako pakita nda eleni larana. ⁸ Ne hida nda wata weki, kako dou-kako dou da bakao wi lara da, mba kede banimbawaina bendila, ne hida nda mbiata. ⁹ Ne hida mba kede ne wanno dana, bamalle neponu kangali, ne hida apenne ia umma-ia umma, hida nda liki nbina ndana apagai ata keduna. ¹⁰ Ne aroda, tana naka widduka, langita na goddoka, mata lodo mono wulla enga kapottana, mono mandumbu-mandumbu engnga matona wenggarana. ¹¹ Maromba Allah napa rengngedawe li'i na barada papa lewana aka lada langu takka, mono apa kakowe li'i apa wesi malla ne lodo na Mori aka lada mono mangngewala ekanggai! biana ngara kuni ad angi. ¹² "Ne hina we," Li'ina na Mori," Derra wumi mbara nggu wainge ate mu, mono maparre, ngi'o mono a milla. ¹³ Wuke ate mu, wuke kalambe mu, nderra wu mbara Mori Maromba Allah, malla nya amanawara, mono nya a olenggu, a malou ate na, mono apa dappeta manawarana abi'a, mono na milla oro asana. ¹⁴ Ba nggara kuni apande ngge, kana wali mono kana lolo, kana gaige kanengga, pawai maraka mono pamaraka tutu Mori Maromba Allah mu. ¹⁵ Po'iwa sangkala ne Sion, pabi'awe ne parre wekina nee arona Maromba Allah, mono kandenga wu ne lodo pakua pakassana. ¹⁶ Pakuani ata mono pabi'awe ne ngara dukkuna awaini Maromba Allah, pakua di ngara pa ama-pa ama, pakua di pa ana-ana, mono lakawa ki'i a engana asusu, paka loko ndi lakawa kabani ka dimba wee maringi, kalouso nee wali pandou nda, mono ngara lakawa mawinne ka dimba wee maringi ka louso wali korodana. ¹⁷ Ga'indi ngara pa'ama, palimma paw'ina Maromba Allah, ngi'omi ne nudu rindina ne pandou tunu wa'i maraka, patekkina "O Mori manawarai atamu. Kandao ga'i kandi do'u mu baka bali nda ndua, ga'i na ata ia pandou- ia pandou kanna terendi. Ka hina wangge ka hina ngge patekkina bara nda ata ia pandou-ia pandou, ngge ni Maronba Allah da hida?" ¹⁸ Maromba Allah naka aula ate oro ne tana na, mono namarawara milla ate wi ndouna. ¹⁹ Mori kana walewe, mono patekki nda barada douna awa'ini," Langgu mu, enga pangindi kigu bara mi pare, Anggura, mono wee lengi, mono enga malennawe bau ngandi , yaowa daku pakaloko domo nggu, mba kanisi kawu ne tillu ata ia pandou-ia pandou. ²⁰ Enga pamarro gowe a wali karape lodo utara awali mbara mu, mono ku saikara-tabarawi a ia tana mara mono aka ringngina, dalaran a arona sangga mbonnu Timora , dalara lirana na sangga mbonu barata,ba'u bawo namono nda dua enga panewa nawe ponu na, malla enga rawinawe panewe aka ladana. ²¹ Ndau ma ndauta kana ea wanno derikawa monno engge ndeta, malla na mori na rawingge a ndua aka iadana. ²² Ndau mandauta kana ranga-ranga hidi mareda dana, malla mareda ruta ne mareda dana amoro bana, wasu-wasu a uabana, baka wasu ara mono wasu anggura na yawe pote. ²³ Ata-ata Sion adondo deikawa, mono enge ndeta, deika alla mu, mala bana pa mburu ngguri urra ne wunga rapa a hina takkana, apa mburuni urra, urra kuwunga rapa mono urra kanduka rapa ahina na heti pana ulluna. ²⁴ Pandou-pandou papa dinaka wai enga ponu dandi pare,monno pandau pa bondala wai enga ma towodo anggura monno we'e lengi. ²⁵ Maromba Allah enga wungga nawe, pandou-pandou pawilli pakole enga nga'a ndi kabala elena, kabala ta koudaka, kabala panawita, kabala marowi, nya duwi kabani bani nggu akabadana pangindi nggu mbaramu. ²⁶ Ne wo'u enga mbabu dapanga'amu, mono engga bekutamu. Engandondo mu mbaramu, ngara nduka na awaingga ndana kolekina makke duki muri wali-wali. ²⁷ Ne wou pande ngge ba ne ingga tillu adenga na ata Israel, mono sauwa dona Mori Alla mu, nda'i domoki ngara wadeka. ²⁸ Lenga napa hinawe, enga dadina inga burringguni ngau erringgu mbarana ngara kuana ata. Ana-ana kabani monno ana-ana mawinne enga rawida tanda paka roba denga ata-ata kaweda enga kolenda kangga nipi, buamane-buamawinne enga eta dawe amatua. ²⁹ Louka, palimma-pawa'inggu, kabani-kabani monno mawine a waingga, enga burringguni ngau erringgu mbara da ia lodo-lodo. ³⁰ Enga nawi nggowe tanda-tanda pakaroba denga ne langita monno ponu tana, dara monno api, kabola-kabola mau api. ³¹ Mara lodo enga kabalina bana kapottana, monno wulla enga kabali ra'ana, toma dana tukkepo lodona mori aboto monno bibbita. ³² Monno, ngara kuana ata aka wulana ngarana Mori enga pasou dabi, malla ne letena Sion monno ne Yerusalem enga pasouda, a hinna patekkina Mori, mbarana ata-ata paka dengana Mori enga souda'.