¹ Tengngarrana Rahel mbanna eta mbandanna yawi ana Yakub, na kagulangau mbarra allikana, Lea. Hinnage Rahel mbarra Yakub, "Ya ngga ana, mba kandakku mate kanna!" ² Mbani mbanna Yakub mbarra Rahel monno hinnawi, "Youwa Allah nya a rainggu mbu wotowu? " ³ Na wale Rahel, "Na Bilha, ata nggu. Ndura 'ndeng ngawi, ngga'i kanna yaga ana. Nyakaku inawangga wali mbarrananya." ⁴ Nyaka, Rahel na yawa na Bilha mbarra Yakub ngga'i kanna ole ummani.Monno, Yakub napa iya ndengngawi Bilha. ⁵ Nyakanna pati'a monno kanna pa'da'dini a iya ana kambani na Yakub. ⁶ Kahinage Rahel, "Allah mu rengnge takagawe tabayyagu. Na wyata we mbanna yagai a iya ana mbaranggu.' Nyaka, na lakawa napa ngarani Dan. ⁷ Nappa pati'a ndommo Bilha monno na yawi ana ka'ndua'ndanna Yakub. ⁸ Hinnage Rahel, "Ne youwa kupata'di ndengnga mbai ka'anggu, monno ku taluwangga." Nyakanna pangarai na lakawa Naftali. ⁹ Naetawe Lea mba ndanna kolembanna ana. Nyakanna yawa atana, Zilpa, mbarra Yakub kanna ole ummawi. ¹⁰ Mbage, Zilpa napa anawi iya ana kambanina. ¹¹ Hinnage Lea, "Ne youwa na kaladangge atenggu." Nyakanna, pangarani na lakawa Gad. ¹² Zilpa nappa ana pi'a ndommoni anana wadde. ¹³ Hinnage Lea, "Na kalada pongngu ngge ategu!Hinna ne'e ngara kua mawinne ka hiddangga kalada ate." Nyaka napa ngarawi na lakawa Asyer ¹⁴ Ne rapa makeni pare,ka nettini Ruben neti oma ndana monno kanna tabboka patodakkanna a ngara na dudaim. Nyakanna ngindiwa mbarra inana, Lea. Takka hinnage Rahel mbarra Lea, "tuluga ya kaingga youwa dudaim pangindina anamu." ¹⁵ Kanna wale Lea, "Mu dedembanggai la'inggu, ndanna tutu ndommo kipponya? Monno ne mbahinnawe mu ndengngi ndommopogai dudaim na anagu?" Takka hinnangge Rahel mbanna walewa, "Mbu yakonggai na dudaim anamu mbarranggu, nyaka ne gede mbola 'ndengngaku Yakub." ¹⁶ Tengngarra ammi Yakub wali oma ndana ne gedde, ammini Lea a renggawa. Hinnangge Lea, "Ndura 'ndengangga ne gedde, orona ku kasewa winggu dudaim anagu." Nya ne gedde Yakub kanna dura ndengngawi Lea. ¹⁷ Mbage, Allah napakalokoni Lea mbanna pa'da'dini ana kalimma na. ¹⁸ Kahinnage, "Allah na ngga wellina orona mbakku yawa atanggu mbarrana la'inggu." Nyaka, napa ngarani ana na Isakhar V 19 Lea na pati'a ndommo nya kanna pa'da'diwi ana kaennena. ²⁰ Hinnage, "Allah na ya 'mbangga a ndua mbarranggu. Mbahinna ne'e, Yakub enga ndeimbanangga orona ku yambawi enne ana kambani." Na pangarani na lakawa Zebulon. ²¹ Mbage, Lea na pa'da'di wi iya ana mawinnena. Na pangarani Dina. ²² Nyakanna, Allah na lolowa Rahel. Na rengngena tabayyana Rahel monno na yawi ana. ²³ Na pati'a monno na pa'da'diwi iya ana kambanina. Hinnangge, "Allah na weitakangga makkenggu." ²⁴ Rahel napangarawi na lakawa Yusuf, monno hinnage, "Mbanna ma pandendo Mori kanna yaga ana kambani wadeka." Yakub Na Akkalawa Laban V 25 Mbalina mbanna 'da'di Yusuf, hinnage Yakub mbarra Laban, "Mbahinna ne'e pakalokoangga mbakku mbali wannonggu. ²⁶ Ya nggandi mawinne-mawinnenggu monno ngara ana-ananggu mbarramu. Kukole mbandi orona mbakku pawilli mbarramu. Mu pandengge ne youwa mbakku liwe ne a ndua." ²⁷ Hinnangge Laban mbarrana, "Nyaka ne mbau manoto ndonna, pakaloko 'ngga mbakku tekki e ne a sodina. Ku pandengge na Mori mbanna pamaringngiangga oromu wo'u. ²⁸ Tekkigandi appa we wellina kaku ya nggundi mbarramu." " ²⁹ Na wale Yakub, "Mu pande ngge mbakku ndopanna pawilli mbarramu. Haida rangamu a uwa mbabarambanna ne mbakku nda'wawi. ³⁰ Ne mba ammingga, pote monno ndoumu yodi kidu. Mbahinna naida potemu a luwa langngu takka mbanna. Ne ponna mbakku pawillingge ne a sodina mbarramu, Mori na pamaringiwu. Kapirraponna mbakku pawilingge toranggu?" ³¹ Na tuwa Laban, "Mbage, appa kowe pawukku payadanggu?" Na wale Yakub, "Ummanna pataungge wellina langngo kasodiko, takka enga ndunni mbali ndunggu mbaku kalokko ndi simbi monno mbembemu melle mu ndeimbawe ne patekkinggu" ³² Pakalokongga mbaku kako padawa wi ka'bab'ba rangamu ne loddo. Monno kaku tia wi ngara ndukkada mbembe a gokkona, monno a metena monno ngara kua simbi a palara monno a kadu'tulla. Nya 'mbawi kasewanggu. ³³ Nemilangge, mi kolengge a malewara welina a tindina. Ammi kunni pandengge ahinna takkana mbarranggu. Ammiminggi monno etanggandi ka'ba'ba ranganggu . Wa'i kundi mbembe a gokkona monno a metena, kai pandengge mba ata kedukoangga? Na wale Laban, "Ne a hinnana ku wainggu. Yamme ma pawelinggo ne pandengngimu" ³⁵ Takka, neti loddo Laban na tia wi ngara simbi mane monno mbei simbi a kanduttulla. Iya ndommo na tiyawi ngara kuwa mbembe a metena. Laban na pamai ana-anana ka ndawa wi mbebe-mbembena. ³⁶ Mbage hidda ana-anana ka'indi ngara kuwa rangan a ka ndutulla ne'e pandou eka. A kako touda loddona. Yakub engawi neida ranga a enga ponna ³⁷ Mbage, Yakub na puddika na kara'a wasu a morona wali a hinna wa'ina iya wasu cemara monno badam. Nyakanna induwa na kara'ana nyaka wa'ingge a matirri-tirri ne kalita wasu deta. ³⁸ Na mbondalla wa'indi haida ro'o wasu ne aroda ka'ba'ba ranga monno padou enu wa'inda wasu. Ne mba ammikundi mba enu nya kaiwe ne'e paka iya wa'i'da ³⁹ Mbage, tengngarra ka'iyada haidi simbi-simbi mbarra ro'o, da'di mbaddawe a kaduttulla, a matirri, monno a metena. ⁴⁰ Yakub na tia wi haida ranga a kaduttulla monno a metena. Na tia wi 'ndouna wali mbara ranga ndou'na Laban ⁴¹ Tengngarra ka'iya da ranga a louka pawessi pamalala, Yakub na ta'idi kara'a wasu arroda. Haida ranga apa ka'iya wa'ina ne mbarrada kara'a wasu. ⁴² Takka ranga a nda ndukkana malala, ndanna ta'ikindi kara'a wasu ne'e. Nyaka ranga a 'da'di wali mbei a ndakke ndounandi Laban. Monno ranga a 'da'di wali mbei a pawesi ranga nandi Yakub. ⁴³ Nyaka ne ahinna yakub kanna luwandi potena. Nyakanna luwandi ka'ba'ba rangana, ata na a luwana, unta-unta, monno keledai-keledai