¹ Hinna mbawe tanah mono langita, mono ngarakuana inawe mbaparaige. ² Na loddo haka pituna, Maramba Allah na mbakuawi ngarakuana papwilina, mbage na ngngou haka pittuka ngarrakuana appawi papa willina. ³ Na dukki, Maramba Allah mbana pamaringgi pama lalawi ngarakuana orona loddo pa ngauaina ngarakuana hitti papa willina. Kawungngana Ndede atta pia ⁴ Hinnawe lara palina we neti langita mono tanah mbana raige Maramba Allahh. ⁵ Nadukki daipongkipo iya kalembu ruta hatimbu ne ponnu tanah mono daikipo iya wasu ha timbu neti mareda dana oro na Maramba Allah ndana paburupu na urra ne ponnu tanah, mono oro dommonawe mbadaikipo ata hapa willingge ne tanah. ⁶ Na nduki dommowe, wak'ige kawuta louso wali tanah dana hapa menggela ngarakuana ne ponnu tanah. ⁷ Na ndukkiwe, Na Maramba Allah mbana raidi ata pia wali ponnu tanah mbage na powiwe ne ngngou moripa ne korru ndanana na dukkiwe ata pia mbana moripa. ⁸ Na ndukki dommo we, Maramba Allah mbana rai domo ge haida kadawu nee nee bali Timur ne Eden; Na dukkiwe nyawe patawainadi ata pia paraina. ⁹ Tanah ndana, Maramba Allah mbana patimbu kuwadi wasu hadua mba etawi ne mba ngaadi; wasu pa moripa dengga neida ne kadawu ndana, hinna kaiwi wasu hadua ponggu ndandua. ¹⁰ iyana loko ha kokora wali Eden ha kokora ha nduki kadawu ndana, mono wali dommo, na loko namma mbagi na paka pata dommona. ¹¹ Ngarana loko haka iyana ngara loko Pison na loko na kokora padu dukki tanah Hawila, pandowu mangguna doka. ¹² Doka pakolle ne tanah, Doka nduawawi. Monno waidi wasu damar mono togo watu krisopras. ¹³ Ngara loko haka dwadana Gihon, na loko na kokora ngarakuana ne tanah Kush. ¹⁴ Ngara loko haka toudana domona Tinggris, na loko na kokor domo ne bali Timur Asyur. Dakki dommo na loko haka kapatana ngarana efrat. ¹⁵ Maramba Allah na taidommodi ata pia ne kadawu Eden kapawili ngge mono ka urusawi. ¹⁶ Maramba Allah na yadi pa tekki mbarada ata pia, "ne yok'u ngaa amadi ngarakuwa wasu waina kadawu Eden, ¹⁷ Mbage ne yok'u nda ngaakadi hiddi wasu pateki hadua ponggu wasu patekki ndandua, mba dukikongge mba ngaadi ne you mbamu mate. Na ata patak'ida mbarra tidina Adam ¹⁸ Nadukkiwe, Maramba Allah mbana panewe, " danna duwakiwe ata pia mba nyaka nuako; Maramba Allah napa newe kuraidommokana ata pia hatuba denggani Adam." ¹⁹ Maramba Allah na raikuadi ngara kuana haka wokdeka ne ponnu tanah keila halera ngarakuana wali pak'u tanah dana mono Maramba Allah na ngindi kuawi haka wokdeka mbarana ata pia peipattana nyadi ngaradanemme ngara kuana mba appawi hitti me papa yana patekki Maramba Allah ne barrada ne ata pia neme pa be'i ate hikda. ²⁰ Nyawe, ata pia na yakuadi ngarada hidi ranga, keila a lera mono ngarakuana hiddimehamma ndomba. Na ata pia ndana kolekina gokbana pakako denggana. ²¹ Nadukiwe, Maramba Allah mana raini ata pia mbana durako naka ngoruka, mbage dukki mbanna dura, Maramba Allah na dekewa ruwi karapena ata pia, na todiwi waige ka'naana. ²² Nadukiwe, Maramba Allah madaraini ata mawinne walina ruwi karapena awali mbarrana ata pia dukiwe bana ngindiya mbarna Adam. ²³ Nyaka, napa newe na ata pia, "na'nya ruwi awali ruwingu, ne kanak'a a waliwe kana'kgu ; nenyawe mba tekkiwa 'mawinne' orona mba dedewa na ruwi awali mbarra kabani.", ²⁴ Nenyabawe kabani mbana ndundakadi ama mono innana, mbaka pa iya dengga'i mawinnena mbage lappata ka'ia kanakda. ²⁵ Ata pia mono Mawinne hakagola, nyakido nyakodi ndapandekige makke.