¹ Kawungnganna, Maromba Alla na rai'ngge tana monno langita. ² Ne tana ndanna marawi kuwa kipowe, monno nda'i kippo i' nana, na mbonnu pongge kapotta mette, monno na Ng'ngau Allah engani mbanna lera ponnu we'e.7 ³ Mbage hinna ngge Maromba Allah, "Dadi wu mangewala" nyakka ne mangewala na dadi we. ⁴ Allah na eta we ne mangewala mbanna dua we, nya kanna tia we mangewala monno kapotta. ⁵ Allah na pangara ngge ne mangewala "loddo" monno ne kapotta "gedde". Dadi we remale monno kapugede. Ne nyaba loddo a ka'ianna Loddo a ka'ndua'ndanna- Kasoba ⁶ Mbage, hinna ngge Allah, "Dadi wu kasoba ne ponnu we'e kanna matia we we'e monno we'e!". ⁷ Nyaka, Allah nappa dadi 'ngge kasoba monno natia we we'e a wa'inna ne ponnu kasoba monno kabu kasoba. Nyakanna dadi mbawe. ⁸ Allah ka hinna'ngge ne kasoba "langita". 'Dadi wu raimale monno kapugede. Ne nyaba lodo a ka'ndua'ndanna. Loddo a katou'ndanna- Tana monno ngara ndukka 'nda a timbu. ⁹ Mbage, hinna ngge Allah, "Ne we'e a wa'inna kabu langita kanna pakuwangge ia pa'ndouna ngga'i ne tana mara kanna ouda we". Nyakanna dadi mbawe. ¹⁰ Allah nappa ngarangge ne a mara "tana" monno ne we'e a pakuanna nappa ngarangge"mbonnu". Nya mbanna etawe Allah ngara kuanna na'nduwa we ¹¹ Hinnangge Allah, "Ngga'i ne tana mara kanna patimbungge kalungnga; ngara a timbu ka pan'dan'di na togona, monno ngara kuwa wasu a uwa a mang'nggu togona ndekungge papata ndounda ne ponnu tana." Nyakanna n'dan'di mbawe. ¹² Ne tana nappa timbungge kallungnganna, monno ngara kua'nda ruta, wasu a mangnggu togona monno a hinna wa'i kaina polana, monno wasu a uwa a mangngu togona, ngara kuada a hinna wa'i kaina polana, monno na Maromba Allah na etawi ngarra kuwanna na ndu'awe. ¹³ Na n'da'ndi we remale monno na n'dan'di we kapugede. Hidda loddo a ka'tou'ndanna. Loddo a kapatanna-Loddo, Wulla, monno man'ndubbu ¹⁴ Mbage, hinnangge Allah, "N'dan'diwu lannge ngarra kuwanna amangewalla ne langita ndeta, ngga'i kanna mabagiwe loddo a walinna gedde monno, Gaikudilage ngara kuada hidda tadana bata pau dege rapa-barapawa, loddo ba lodowa, mono do'u ba do'uwa. ¹⁵ Gai lage ngara kuana awalina ne langita deta kai pamangewalawi ne tana". Monno kana dadiwi. ¹⁶ Maramba Allah naraidi a dua amangewala aka ladana; nemangewala alouka pakaladana a taguga ne loddo nemangewala kuna na taguge gedde. Nenya kana raidomodi madubbu. ¹⁷ Maramba Allah natai domodi hida amagewala ne langita deta gai kana mangewala ne tana, ¹⁸ Gai kana taguge ne loddo mono gedde. Mono gedde, Mono, natibarawe nemangewala a wali kapota dana. Na Maramba Allah na etawe nadua we. ¹⁹ Nadadiwe raimale, monno nadadiwe kapu gekde. Nyawe a loddo akapatana. loddo akalimmana - Ia monno Keila ²⁰ Hinna, dommogi, Maramba Allah, " Gailage paka lokoge ne wee kana bonuge ngara kuana atoleka, monno gaikadi lage ngara kuada keila alera neponnu tanah, kana woletage ne ama rai kabu langita." ²¹ Nyaka, Maramba Allah na rai ndommo ngara kuada ranga a nena wee dana, aka ladana mono ngara kua touda a toleka mono akawikduka mono aka wodeka aponnu we monno ngarakua keila alera neti bodo. Mono Maramba Allah naetawe bana dua we. ²² Maramba Allah napama ringgi, ngara kuada da atoleka. Nyaka hinage Maramba Allah, " Paanami lage gak'i kanna ma ngeda ne ponnu tanah." ²³ Namarawiwe raimale, mono namarawe kapugede. Ne yawe loddo akalimmana. Loddo a akaenenna - Ranga a nena Tanah mara mono Ata pia ²⁴ Hinnamoge, Maramba Allah, "Gaikoge ne tana kana timbudi ngarakuada atoleka apa sama dengga'ge ndedena, ranga a moupa amma tomba appa sama denga kaidi dededa." nama rawiwi. ²⁵ Nyaka, Marambah Allah nama rai domodi ranga amma tomba asama, ranga ama'upa asama, mono ranga apa lawe asama. Monno, Mrammba Allah bana etawi ngara kuada adua. ²⁷ Nyaka, Maramba Allah naraidi ata pia nadekuge touna-Nya. Nyaka naraidi kabani mono mawinne. ²⁸ Maramba Allah napa maringgi we mono na tekkida, " Paana mi langge mono kama tamba mangeda kaponnuwe ne tanah mono kaka lokkoge. Kuasadi ngara kuada ia anekna bonnu dana mono ngarra kuada keila anekna mbodo. Kuasadi lage ngarra kuawana a toleka, aka wokdeka ne ponnu tanah." ²⁹ Bage, kahinnage Maramba Allah," etawi, mbarrami baku nyamingi ngarrakuada ruta, wasu atimbu amangu togona awak'ina ne ponnu tanah mono ngarra kuada wasu auwa; ngarra kuwada hikda nyawi pa ngnga'ami. ³⁰ Mono, ngara kuwada ranga anekna ponnu tanah, Mono keila a nekna mbodo, mono ngarra kuwada ranga apalawe tana dana; ku yangudi ngarra kuada ruta wasu a morona, nyawi parai pangada." Nyaka kama rawi. ³¹ Mono, Maramba Allah naetawi ngarra kuada paraina mono ngara kuwada naduwa langgu takka'i. Nyaka nama raige raimale mono na dadiye Kapu gekde. Nyawe loddo akaennena.