¹ Nyaka, na Abram kanna louso wali tana mesir sangga tana negeb monno nappa lolo dengawi allu ummana lappata ngara kuwa potena. Waikaini Lot pappa lolo dengngana. ² Na Abram na pote langngu taka, wa'idi rangana, wa'idi omma kakana, monno omma rara. ³ Nappa kita dommona banan kako wali tana Negeb dukki tana betel, pandou papa dede waina karekana hittina; barrana tana Betel monno tana Ai, ⁴ Ne nyabawe kawungnga pongnguna na Abram banna padede ne pandou pa ngindi wainandi maraka monno pandou pa nomba wa'inai Maromba Allah. ⁵ Nyakana Lot waikaini happa lolo dengngawi Abram lappata ha luawa langngu takkana potena, waindi ranga padawa mono pandou ndura wa'ida. ⁶ Ka orona, baw luawana rangadah hidda Abram bada lot ngge ka ndana tutu bawe ne tana pa ne'i wa'indi. ⁷ Na dukkiwe appa rikka bana ata kandi rangana Abram monno ata kandi rangana Lot. Ne nepona wa'ikaindi ata Kanaan monno ata Feris a ndangngi kaina ne pandouda. ⁸ Nyaka hinna ngge Abram barra Lot, "ka ndaikangge parikkana ne mbrranda, monno ata kandi ranga mu wou monno ata kandi ranga nggu yauwa malla ne ito ole dadi nda. ⁹ Ndu etakiwe ne tana ha nggaina mangedana ne arro matamu? ne binna nee katta ma sewa; bu sanggaku tuba bali wello wou, ku sanggako tuba wali kawana yauwa. bu sangga ku tuba balli kwana wo'u, yauwa kaku sangga tuba bali wello." ¹⁰ Nyaka na Lot kanna paserra kuwa ngge ne tana rabana Yordan dukkine ne tana zoar ba luana mata wee banna tudda kalio danana Maromba Allah, hinna kaina tana mesir. ne bana marawiwe nda pamodda kopowe wanno sodom na maromba Allah. ¹¹ Na Lot na pendewe ne tana rabana Yordan lappata kanna kako tuba lodo koka. ne nyaba bamma sewa. ¹² Abram na dangngi ne tana kanaan, takka na lot na dangngi wa,i ne rabana Yordan, ne nyawe papandede wainawe karekana mbarra wanno sodom. ¹³ hidda ata wanno sodom na dirraka langu takkawe parawida mbarraNa Maromba Allah. ¹⁴ Bah lengnganapa papewa Abram bada Lot, nyabawe banna panewe na Myori mbarrana Abram, lunggu hinna ngge " Keddewu kau ndede lappata kau etawi ne tana pawukkuna payagu, tana utara selatan lappata tuba lodo koka monno lodo male. ¹⁵ Kuya ngarra kuwa nggo ne tana paetamu monno mbarrada ngarra kuwada umbu aibamu dukki kandukkana. ¹⁶ Ku padadi gudi wolla uwamu lappata kukarawagudi a hinna wa,ina pau tana ndapa pande pakira. Nyaka bawai ko ia ataa pande pakirawe ne pau tana, hinna kaiwe hidda wolla uwamu bandai ha pande pakirawi. ¹⁷ Kedde monno ka kakawu lage kau deke kuwage ne pa payagu nggai kau pandege ba pirra gaiwe gellarana monno ma louna. ¹⁸ Nyaka na Abram kanna padikkingge ummana nee mbarra wasu kalada Mamre, ne Hebron. Nee nawe pandou padede wa,ina kareka pandou panomba wai nai Myori.