¹ Napanewe maromba Allah mbarrana Abram, kahinani lousowu wali tana wannomu, awali ndu dadimu, mono umma amamu, mono kakowu ne wanno papatutugu. ² Yowa langge kurawigu bangsa akalada mono kupamaringiwu, ne langge ku padedo gowe ngaramu, ga'i kalede maringiwu. ³ Kupama ringiwa ata apama ringiwu, taka kuka muni ata aparada kawu. ⁴ Nya kana, kana kako Abram nadunda kage tana wannona Haran ahinana patekina maromba Allah mbarrana; Lot napa lolo ndengawi. Abram pittu kabullu lima ndouna mbana louso awali wannona Haran. ⁵ Nangindiwa Sarai, mawinnena, Lot ana kabinnena, mono napakuadi pottena, ngara ata papa wedena nee Haran. Nya, kakako Abram ngara ata papa lolo ndengana a aro nee tana Kanaan. ⁶ Abram nakako na li nee tana a iya pandou mbarra Sikkem hidi wasu terbantin nee More. Ne netti pona, bangsa kanaan hida andouge. ⁷ Ka ammini maromba Allah napa tingngo wekina barran Abram mono napanewe, "Mba langge ku yagowwe ne tana wanno mbarra nda wolla uwamu, "Nyaka, na Abram napa dede iya atura padeika wunda wa'i nai maromba Allah apa ninona mbarrana newe pandou. ⁸ Awali nee pandou, Abram na dikki ne bali letena timur Betel kana padede ummana nee. kaka padede ummana ka ne Betel neege tuma barat, mono Ai bali timur. Nee nyawe Abram mbana padede padou Atura tubana maromba Allah mono natabaiya wi maromba Allah. ⁹ Mba pa hinawe, Abram napa kitage kakona a'aro nee tana Negep. ¹⁰ Ne bahina, nadadiwe kareba aeka ga'i ne wanno nyawe Abram kana kako dangngi tundu malla napa eka gaiwe ne kareba. ¹¹ Nebana rengngewe ne Mesir, Abram napa newe mbarrana Sarai, mawinnena: "Rengnge wu, kupandegu yo'u mbama winne akambola ekegai wu". ¹² Monno mba etaku ata Mesira, enga hidage, 'Nati ma winne enga mawinne nai,' nenyaba mba pamate waga, takka aga'igu mba tolekawu. ¹³ Takka, lummuge mbarrada ne yo'u mba wotto gugu ga'i kandu wa dengaga orromu, mono kaenga lolo ngaugu orromu tubamu." ¹⁴ Nebana tamage Mesira, ata-ata Mesira aetawa Sarai mba winne akambolawa eka gaiwa. ¹⁵ Mono, waidi ata paretana Firaun aetawa Sarai, ka ndeika-ndeikawa nearona Firaun nyaka ngindiwa netana mbotona Firaun. ¹⁶ Na Firaun na elleta tetaka pama naawara ndenganai Abram, mala mbana mbeini na Sarai, kana yani bebe na Abram, sapi mangeda, keledai-keledai, atapapa wedena kabani mono mawinne, keledai-keledai mbei, mono unta-unta. ¹⁷ Takka, nyaka nama romba Allah, napadi ni pandadi ni podda mbalango aekagaina, tou ndetana Firaun moro ngara atana, orrona Sarai mawinnena Abram. ¹⁸ Balenga pahinawe, kana pamaiwa Abram na Firaun, kahinani apawi parawimu mbaragu? Appa kada tikki gawe Sarai, mbamawinnemu? Wottogu atta lummu nge, kada tekkiwa ¹⁹ Mbamawinnemu? Takka kudeke mbama winnegu, nawa mawinnemu, ndekewa mono kakowu. ²⁰ Lapata, Firaun nayadi pareta atana tu'bana Abram, kakomi kalapatauwa louso wali Mesira, palolo dengani Sarai mawinnena, mono ngara kuwa ndouda.