¹ Ligkat ni Pablu no iyan suluhuanon ni Hisu-Kristu hoyin-alam no tinounann hoy in-umow to Diyus oyjow to pogpanlalag to Maroyjow no Batbatonon. ² No nigsaad dongan ka Magbabayjo pinabayjo to mo Purupita no diya to matolos no kasulatan. ³ Mohitongod to soin to Kandin no anak no Kanak no Magbabayjo no si Hisu-Kristu no kabuwaran ni Dabid ⁴ mohitongod to matulus din isip no Magbabayjo to pog-uyjag Kandin pinabayjo to gohom Din. ⁵ Pinabayjo ni Kristu no naporot on ka ligkat to Magbabayjo no oyjpw ogkaroyroy Sikandin. Nohimu koy no Apustulis on tongod to Kandin no ngaran no maroyjow no Magbabayjo hoy nigpalintutuu hou ogtuman kandin. ⁶ Su kaniyu no matig-Ruma in-umow to Magbabayjo oyjow ogkasaboka duon ki Hisu-Kristu. ⁷ Hoy insulatan a kaniyu tibo no matig-Ruma no niggoynawaan no in-umow to Magbabayjo no ogkohimu no mo koot-otawan Din. Ka kohuy-o hoy karaysawban no ligkat to Magbabayjo no Amoy hoy ki Hisu-Kristu ogkaangkon niyu. ⁸ Hun-a to tibo, ogpasalamat a to Magbabayjo pinabayjo ki Hisu-Kristu tongod kaniyu tibo su nalalag on diyo to tibo ka pogpalintuu niyu. ⁹ Ka Magbabayjo ka talagpamalohot ku no layun ku sikaniyu iglagkos to pog-ampu ku. Sikandin ka Magbabayjo no impamakoy ku pinabayjo to pogpakannokal ku to pogpangugud Maroyjow no Batbaton mohitongod to anak Din. ¹⁰ Layun a og-ampu diyo to Kandin no igtuhut din porom no ogpakapanumbaloy ad duo to kaniyu. Su naluhoy o ¹¹ no amana ad iya ogkoupian no ogpakigkita kaniyu oyow ogpakapanulu a kaniyu to katuonan puun to Ispiritu to Magbabayjo oyjow no ogyjow ogkoohot ka pogpalintutuu niyu. ¹² Iyan ku igpasabut no ogmabagbaggotoy ki oyjow ogkoohot ka pogpalintutuu ta langun. ¹³ Mo sulod, ogkeupian a no ogkanongnongan niyu no kamasalig ad migbobontaan no ogpanumbaloy duon to kaniyu, piru duon ogpakabalag koddi taman kuntoon. Ogkoupian a no oggondue su oyow duon o man-o porom mo duma niyu duo no ogkouyan ku no ogpalintutuu o ki Hisus, iling te innimu ku to kono no mo Hudiyu diyo to duma no mo ingod. ¹⁴ Su ka katungdanan no koilangan no oggimuwon ku iyan ka pogpangguhud to Maroyjow no Batbaton diyo to tibo no otow no nokoiskuyla hoy ko waro nokoiskuyla, hoy diyo to matagsob woy kono no matagsob. ¹⁵ Sikan naa ka ogkabaggot-baggot ad iya doma no ogpanggugud to Maroyjow no Batbaton kaniyu no matig-Ruma. ¹⁶ Su kono ku igkoyilow ka Maroyjow no Batbaton, su sika gohom to Magbabayjo to pogluwas to langun no ogpalintutuu, an-anayan ka mo Hudiyu hoy poondiyo to kono no mo Hudiyu. ¹⁷ Su pinabayjo to Maroyjow no Batbaton, impanongnog to Magbabayjo ko immuno rin to pog-isip no matarong ka mo otow. In-isip din sikandan ne matarong pinabayjo ro to pogpalintutuu, su sumalo to nasulat to Kasulatan, “Ogkauyag ka otow no matarong pinabayjo to pogpalintutuu rin. ¹⁸ Impanongnong to Magbabayjo no diyo to langit no ogkalangotan sikandin to mo otow no ogsupak kandin woy maddoot so hinumuwan, su ogkabalabahan ka kamalohotan to maroot no hinimuwan dan. ¹⁹ Su ka kamalohotan moyitongod to Manama, nasabut dan o su sikandin mismu ka migpasabut kandan. ²⁰ Minsan kono ogkitoon ka Magbabayjo, impapitow rin kanta ka karoson din no waro ogtamanan hoy ka pogka-Magbabayjo rin pinabayjo to immangimu rin. Amana ogkasabut soin puun dongan to poggimu to kalibutan. Sikan naa, kono iya sikandan ogpakapanalayo no ware nakasabut. ²¹ Su minsan noilaan dan o ka Magbabayjo, piru waro dan sikandin sayjaa hoy pasalamati isip Magbabayjo. Ko kono, waro karuan to ogsumsumanon dan woy warad moupiya no tahu to ulu ran. Sikan naa ka konad sikandan ogsabut to kamalohotan. ²² Kahiyon dan no mo matagsob sikandan, kunalog to ogkongoungol. ²³ No waro dan sayjaa ka Magbabayjo no waro ogpatayjan, ko kono, iyan dan insimba ka diyus-diyus no impoiling to otow no duo kamatayon, hoy to manuk-manuk, mo mananap hoy to mo ulod. ²⁴ Purisu imparuyunduyunan o sikandan to Magbabayjo no oggimu to mallindit no igkoupii to suman-suman dan, sikan naa ka migparulun-dulunan dan o ka langun no malindit no himu no ogpokoyilow to mo lawa ran. ²⁵ No waro sikandan migpalintutuu to kamalohotan moyitongod to Magbabayjo su iyan dan impalintutuuwan ka ubat. No iyan dan insimba hoy impamakey ka innimu ro to Magbabayjo hoy imbalahad dan ka Talaggimu no iyan porom olog no ogsayjoon to waro ogtamanan. Molohot iya! ²⁶ Puun duo, imparuyun-duyunan o sikandan te Magbabayjo no ogparulun-dulun to mokoyilow-hilow no igkoibog to mo lawa ran. No agad ka mo malitan, konad no lukos pad ka ogguliron dan su ogmool-olinoy o. ²⁷ No iling dod doma ka mo lukos, mo baliyuton o sikandan hoy kono on no malitan ka ogguliron dan su ogmool-olinoy o doma. Sikandan so migparulun-dulun kayi to mokoyilow-hilow no hinimuwan, ogdusaan sikandan sumalo to salo dan. ²⁸ No puun su waro karuan kandan ka pog-ila te Manama, imparuyun-duyunan din o sikandan to mallindit no suman-suman dan hoy to hinimuwan no kono porom no olog no oggimuwen. ²⁹ Noolin naan do iya no maroot ka ogsuman-suman dan no oggimuwon. Maddoot sikandan, mo halamlamon, mo talagdoroot, mo iimmoon,, mo talaggimatoy, mo using, mo limbungon, so ogsumsumanon hoy salupoton. ³⁰ Mo id-iranon sikandan hoy ogdumut to Magbabayjo. Malangit ne ogpanlolalag, ogmapitow-pitow ro hoy mo hambuhon, layun ogsuman-suman to maroot no oggimuwon hoy talagsupak to amoy hoy inoy ran. ³¹ Ogkongoungol sikandan, kono ogkasalihan, waro goynawa ran diyo to duma hoy kono no hiid-uwon. ³² Minsan nanongnongan dan o ka Balaud to Magbabayjo no likos to kamatayon ka oggimu to iling dutu, piru imparulun-dulunan dan dod sooyjo no oggimuwon hoy indayan dan pad ka dum no oghimu to iling dutu.