¹ Koy naan, agad hontaw huntaw ka pad, so kuno kan angayjan nu logpad ka to duma so ko oglogpad ka to duma. Di nighimo kadaan to inhimo dan, inlogparan nu ka kaugalingon nu. ² Nataga ni nu olog ka Magbabayjo to pog logpad din to mu otow nu maruot ka hinimuwan. ³ Nig tuo kow buwa nu’g makalingkawas ka to logpad to Magbabayjo to inbagi nu ka hinimu to duma iyan daan ka inhina nu? ⁴ In-abusahan nu buwa ka kandin pogka muko huhuy-o hoy pogka mainantuson hoy pogka mapailobon? Waro ka ba mataga nu inkahid-owan ka to Diyos oyjow ka maka duromdom? ⁵ Di kuno ka’g pamminog? Koy naan inhimo nu ka kaugalingon nu’n logpad nu amana pad nu dakol asulom to Aldow nu ipapitow on ka kalabu hoy matarung nu poghukom din. ⁶ So og logparan to Diyos tagsgbuka sumalo to hinimuwan din. ⁷ Og bugayjan din to kinabuhi no waro ogtamanan sooyjo so ogparayjon nighimo to maroyjow oyjow ogkarayan to Magbabayjo hoyv og Bantugon. ⁸ Di ogpapitow to Magbabayjo ka kabulo din to mo otow nu nig suman-suman do to kandan kaugalingon og maka unong-unong ka kamatuoran hoy og himo to Madoot. ⁹ Ogbabaybajaran hoy og paantuson ka tibo nu nighinang to madoot, ananayjan ka. Ka mu Hudiyo hoy pohundiyo to kuno nu mu Hudiyo. ¹⁰ Di og ogbugayjan to Magbabayjo karaga hoy ogbantugon hoy ogbugayjan t karoyjawan to Magbabayjo ka tibo nu nig himu to maroyjow. An-anayjan ka mu Hudiyo hoy puhondiyo to kuno no mu Hudiyo. ¹¹ So waro pinalabi to Diyos. ¹² Ka tibo nu nakasalo nu waro nabugayji to balaod ni moisis ig pa-awo di kuno’n pinabayjo to balaod, ka tibo no nakasalo nu diralom to balaod og logparan pinabayjo to Balaod. ¹³ So kuno nu pinabayjo to pog pamminog to Balaod nu ka mo otow ogkuhimo’n matarong to tangkaan to Diyos. Ko kuno pinabayjo to poghinang to insugo to Balaod. ¹⁴ So agad waro nabugayji to Balaod to Magbabayjo ka kunu nu mu Hudiyo. Di ko kaugalingon dan panigkamot oghimo kandan to insugo to Balaod. Sikan ogkuhimon Balaod para kandan agad pad waro kandan masakop to Balaod. ¹⁵ Ka kininangon dan nigpapitow nu ka insigo to Balaod nasulat diyo to kandan pusong. K kandan mu konsinsya nigpitow daan no soi tutu-u. Su ogpaka suman-suman on kandan to maroyjow naan ka ka inhimo ran hoy ka maroot. ¹⁶ Sumalo to maroyjow nu Balita no inpamatbat ko iyan soi saulom ka’g kayitabo to sooyjo’n alduwa, nu ka diyos pinabayjo ki Hesu Kristo og logpad to hulos nu mo suman-suman to mo otow. ¹⁷ Di ikow nu ikow Hudiyo hoy nigsalig to Balaod hoy nigpa garol-garol nu Diosnon. ¹⁸ Hoy nataga ko nokoy ka kabubut-on to diyos para koykow hoy in-anad ko nukoy ka matarong sumalo to Balaod. ¹⁹ Nana mantaman ka nu ikow kag dumaa tu mo butod. Kalayag to sooyjo to karusilom. ²⁰ Mag-aanad to mu langog hoy to mu waro hanow. Nataga ka nu duon to Balaod ka kahupnganan to kahibalo hoy to kamalagutan. ²¹ Nig-anad kaman to duma mani tu kuno nu man og anaron ka ikow’n kaugalingon?nigpamatbat kow nu kuno ogpanakow, ogkaayjon naan nu ogpanakow kow? ²² Nigkagi ka man to igkuno ka’g panlibog. Ogpanlibog kow naan? ²³ Nangarol kaman to og tuman to Balaod to Diyos, ogpasiporan now naan ka Magbabayjo pinabayjo to pog supak now to Balaod? ²⁴ So nigkagi ka Kasulatan, “Tungod kaniyo to mu Hudiyo. Inpatahan ka kuno’n mu Hudiy ka ngaran to Diyos? ²⁵ Kog tumanon no ka Balaod ogpuus ka pog katuli di ko’g lapason nu ka Balaod Maroyjow pad ko waro ka nigpatuli. ²⁶ So ka mo kuno’n Hudiyo nu kuno’n tinuli nigtuman to insugo to Balaod.kuno ba ka Diyos og-ila kandan nu tinuli? ²⁷ Kandan nu waro natuli di ogtuman to Balaod, iyan ogmaka sipod di nasi nig supak kayi, ²⁸ So ka matuod nu Hudiyo kuno’n iyan Hudiyo to Langlangwon do hoy ka matuod nu pog katuli. Kono no diyo do to lawa. ²⁹ Ka tutu-u nu Hudiyo iyan ka Hudiyo diyo to pusong so ka tutu-o no pogkatuli iyan ka duon to pusong hoy oh himo soin to Espirito to Diyos kono to sinulat nu Balaod. Soinin Otowa og dayanon to Diyos hoy kono to Otow.