¹ Duon mo parisiyu hoy pipila no talag-anad to balaod no nakauma ligkat to Hirusalim hoy nig lilim-limuran si Hisus. ² Nakita ran ka duma no hibatoon no nigkoon waro nig panlolo to bulad dan. Hoy supak to in anad to parisiyu. ³ So ka mo parisiyu hoy ka tibo no mo Hudiyu, kono ogkoon ko kono pad og maka panlolo to mo bolad dan sumalo to toluuwon to mo kaap-apuan dan, ⁴ kono sikandan og koon to ligkat to tindahan ko kono pad og makapan lolo.Mohon-in pad ka tumanon dan angod to pog panlolo to buong, koron, hoy mo sugba-anan no mo tumbaga ⁵ Hoy na nginso ka mo parusiyu hoy ka talag-anad to balaod, "Mani to waro naka sunod ka hibatoon to mo tulomanon to mo kaap-aapuan ta? Nigmangoon no waro nig manlolo to mo bolad dan?" ⁶ No pigtabak kandan ni Hisus, "Tutuo ka pigkagi ni purupita Isayas. Mayitongod kaniyo no tibal do ogpatuo-tuo. Mahitongod to insulat, nigkagi ka Magbabayja, 'Soini no mo otow nigtahod kanak to bobo do di ka goyinnawa ran madiyo kanak.' ⁷ Waro polos to pogsimba dan kanak so kain pan-anad hinimo ligkat to mo otow.' ⁸ No nig ongkoran now kasugo to Magbaybayjo hoy ka intuman now ka tuluowon to mo otow. ⁹ Nigkagi pad iyan si Hisus, “Maroyjow kow no ogsamsamili to sogo to Magbabayjo oyjow og kasunod now ka tuluowan. ¹⁰ Sumalo ki Muwisis no nigkagi, “Tahora now ka amo hoy inoy, hoy ka ogkagi to maroot to amoyhoy inoy kinahanglan og himatayjan.’’ ¹¹ Di iyo no nig anad to otow no duon igkabulig to amo hoy inoy, hoy nigkagi kandan, “kurban soini’’ (Ko itapa, soini para to Magbabayjo) ¹² waro now on pa ag agari no og bolig kandan. ¹³ In waro now on polos ka lalag to Magbabayjo, pinabayjo to pogpanunod to tumanon, hoy mohon-in pad to soin inhinang now." ¹⁴ Pig umow dayjon ka mo otow noy pig kagiyan din, “Paminog kow tibo kanak, hoy sabuta now ka ogkagihon ko. ¹⁵ Kono no iyan igpakasalo to otow kag kakoon din, ko kono kaglibuwas to bobo din no ligkat to gohinawa rin. ¹⁶ Kinahanglan no og intungan now soini ogdinogon now." ¹⁷ Pogkaponga nig-awo kandin diyo to mo otow hoy nig sulod kandin diyo to baloy. Aman nakasulod on nig-inso kandin ka mo hibatoon din mayitungod to panag-ilingan. ¹⁸ Nig kagi si Hisus kandin, “Mani, waro kow pad buwa masabot? Waro now pad man maintungi? Waro now pad maintungi to agad nokoy no og kakoon kono no iyan makapaligsom to otow? ¹⁹ Su waro sikan makasulod to pusong din, ko kono, diyo do to gotok din hoy oglibowas do diyo to gotok din." To pogkagi ni Hisus to soini, ka tibo no ogkakoon. ²⁰ Nig kagi ro naan kandin, "Ka oglibwas to bobo di iyan makapaligsom kandin tangkaan to Magbabayjo, ²¹ so diyo og ligkat to ginhawa rin ka pogsumansuman nog panghibot to kono din no Asawa, ogpanakow, ogpangimatoy, ²² panlibog, hanhanon, poghimo to mo maroot no hinang, pogpangubat, pogkaagkoy, to pogkaayjat, pogkagi to maroot to isigkaotow, hambugon, kalalongan. ²³ Soini tibo no maroot no hinang ligkat to guyinawa’t to otow, hoy soin kag makapaligsom kandin." ²⁴ Hoy nighundiyo si Hisus to banwa to Galiliya no sakop to Tiro. Diyo nigparagas to sagbuka on baloy. Kono poro’g kaliyag no’g katagahan to mo otow no diyo kandin, ²⁵ di kono iyan kandin igkahulos. Kuntoon, duon malitan no kono no Hudiyo no nakadinog no diyo si Hisus. Soini no malitan taga Finicia no sakop to Sirya hoy ka kinagiyan dan Griyigo. ²⁶ Duon anak no malitan no inlunaan to maroot no diwata kaling nigdalapak kandin ki Hisus, hoy nigluluhod hoy og pohoy-o hoy-o ko no’g kabaloy ka maroot no diwata diyo to anak din. ²⁷ Di nigkagi si Hisus no nanampit, “Kinahanglan nog pahunaon og pakoona ka mo anak so kono no maroyjow no’g puroton ka pogkoon to anak hoy igsunggod to aso." ²⁸ Hoy nigkagi ka malitan kandin, "Tutoo sikan Ginoo, di agad ka mo aso og makoon to’g kangaragdag diralom to lamisa. Nigtabak ka malitan, “Di ka Agalon ingad ka mo aso diyo to diralum to lamisa og makoon man to mo kabatoon." ²⁹ Hoy nigkagi, “Tungod to pogtambal no, mokouli kad on. Ka madoot no Espiritu no nigawo on to anak nu.’’ ³⁰ No nig-uli on ka malitan hoy naumaan din ka anak din nog hibat-hibat diyo to lantawan, hoy ka moroot no Espiritu nigawo on kandin. ³¹ Ligkat to mo dapit no sakop to Tiro, nigligad si Hisus diyo to Sidon, hoy to probinsiya to Dicapolis. Pogkaponga, nigparagas kandin diyo to lanow to Galiliya. ³² Duon otow diyo no bongol hoy omow pad iyan no pig-alap to mo otow diyo ki Hisus. Nigpohoy-u-hoy-u kandin no nigdampo ka bolad din diyo to ulu. ³³ Impaawoy kandin ni Hisus diyo to kahan-inan, hoy pigdagkutan din to tinoro din ka talinga din. Hoy inpunas din to dila to lukos ka ngingi din. ³⁴ Miglunghag si Hisus diyo to langit hoy nig go goynawa to mahagbot hoy nig kagi kandin, “Iffata,’’ ka boot pasabot, “Matukas ka.’’ ³⁵ Pogkaponga to sikan nigdinog din ka kararo no nigkagi. ³⁶ Nigpatahanan ni Hisus ka mo otow to kono ogkagi to agad nokoy no nayitabo. No nasion mohon-in ka namaan. Mohon-in amana ka no ino-ino no mo otow. ³⁷ Nigkagi kandan, “Maroyjow amana ka pighimo rin. Su agad ka mo bongol pighimo din no mokodinog hoy ka mo omow ogpakakagi-on."