¹ Kono kow hukum to duma, oyjow kono kow daan oghukuman to Diyus. ² Su ko inmuno now tog hukum ka duma, iling dod daan ka poghukum kaniyu to Magbabayjo. Ko nokoy ka ingammit kaniyu no sokod, sikan dod daan ka sokod no oggammiton to Magbabayjo diyo to kaniyu. ³ Maniyo to ogpitow ka to bulog to sulod nu, nu waro nu pitawa ka bulog nu no karakol to toroso? ⁴ Og monowon nu tog kagi diyo to sulod no, 'ogawoon ku ka buleg nu,’ ko duo daan bulog duo to mata nu no honduon karakol to turuso? ⁵ Og papito-pitow ro?Hun-oyi nu pa to og-awo ka bulog nu no honduon karakol to turoso, oyjow og pa kamolo-molog ka no og-awo to buleg to sulod nu. ⁶ Kono now igbugoy ko nokoy ka maroyjow diyo to mo asu su ko ma ko ogkagaton kow ro ikandan, woy kono now idugpak ka mo mahal no mo baliog diyo to mo babuy su koma ogdi-diokan do nikandan. ⁷ Buyju kow dow ogbugayjan kow; pammitow kow dow makita kow; panoktok kow no dow’g abliyan kow. ⁸ Su soini so ogbuyju, ogbugayjan; woy soini so ogpammitow, ogmakakita; woy soini so ogpanoktok, oglukatan. ⁹ Sikaniyu so mo amoy, ko og buyo ka anak now to ogkoonon, ogbogayjan now naan sikandan te batu? ¹⁰ No ko ogbuyjo sikandan to ngalap, ogbogayjan niyu naa sikandan to ulod? ¹¹ No sikaniyo,di makasasalo kow,ogkatou kow rod no ogbogoy to moupiya diyo to mo anak niyu.no ka amoy niyu no diyu to langit,subla pad no ogbugoy yo maroyjow diyo to ogbujo kandin? ¹² Di ko nokoy ka karoyjow nou no oghimowon to mo otow diya to koykow, sika daan himuwa nu diya to kandan, su sika ka kaluwasan to balaud to Diyos woy to sinulat te mo puropita. ¹³ Sulod kow diyo to malig-ot no gumawan; su maluag ka gumawan to dalan poondiyo to karorootan woy malomu ro no ogbayaan. No mohon in ka mo otow no ogsulod to sikan no gumawan. ¹⁴ Piru malig-ot ka gumawan woy malisud no ogbayjan ka ogpoondiyo to kinabuwe no waro ogkatamanan. No doisok do ka nakabalok to sikan no dalan. ¹⁵ Bantoy kow to kaniyo untol no mo puropita. Oghundiyo kandan to kaniyu no og po-iling-iling to mo karniru, dukad to ogpukoiling manan sikandan to mabbulut no mo singgalung. ¹⁶ Ogkoilahan now kandan panabaylo to mo himu ran, iling to pogkoila now to kayu pinabaylo to unod din. Su ka buloynon, kono uunod to kapajas, no ka sapinit, kono uunod to bayabas. ¹⁷ No angod ma naan dod duo, ka maroyjow no kaju og uunod to maroyjow. Piru ka maroot no kaju og uunod to maroot. ¹⁸ Oguunod to maroot, no ka maroot no kaju kuno ug eguunod to maroyjow. ¹⁹ Ka agad nokoy no kayju kuna oguunod to maupiya, ogtampuron dow igdogpak diyo to hapuy. ²⁰ Di ogkoilan now ka kono nomauntol no mo purupita pinabaylo to mo himu ran. ²¹ Kono no tibo no otow no og-umow koddi, ‘Mababayjo’ Magbabayjo’ no ogmakasolud to Migharian to Diyos, ko kono, soini de so ogtuman to igkaliyag to amoy ku no diyo to langit. ²² To aldow to poghukom mohon-in ka ogkagi koddi, ‘Magbabyjo, Magbabayjo, migpamatbat koy to lalag to Diyos pinabayjo to ngaran nu, woy migpanglow koy to mo busow pinabayjo to ngaran nu, woy mohon-in ka mo koin-inuwan no nohimo noy. Pinabayjo to ngaran nu? ²³ Piru ognangonan ku sikandan, waro a nokoila kaniyu. Pariyu kow koddi, sikaniyo so maroot no mo otow? ²⁴ Di ka woy hontow no ogpakarinog to koddi no lalag woy ogtuman kayi, ogpokoiling sikandan to matagsob no otow no migbabaloy no batu to pabunsuran. ²⁵ No migdagsang ka uran, no miglanog ka woyig, woy migdaapot no duso duso to kalamag ka sika no baloy di waro soini napolod tungod su nakapabunsud to batu. ²⁶ Hoy ka otow no nakarinog to koddi no lalag woy kono ug tuman kayi, ogpokoiling kandan to otow no na bislay-bislay no migbabaloy no diyo ipos-ok to pantad. ²⁷ No migdagsang ka uran, no mig lanog ka wuyig, no migdaapot. No induso-duso to kalamag ka sira to baloy woy napulod o woy natamtamanan nahuhus.’’ ²⁸ Pogkapunga ni Hisus to miglalag, noinu-inu ka mohonin no mo otow to kandin no pog panudlo. ²⁹ Su duo goom to pogpanudlo din, woy kono no iling to mo talagpanudlo to Balaud to Diyos.