¹ “Ka Nigharian to Langit iling to Soini: Duon kamunoy to sagbuka’n kamot no nighipanow soyjo no masolon oyjow ogpammitow to mo otow nog patarabawwon din. ² Nig-uyjun kandin nog bogoy to saktu no suhul to sagboka no dinaryu ka kara aldow woy inpaalap kandin diyo to kandin kamot. ³ To alas nuwibi on to masolom, nig hondiyo do naan kandin to mirkado woy diyo din nakita ka matag sagboka no mo otow no nigmanasindog no waro mo trabawo, ⁴ hoy nigkagi diyo to kandan, man trabawo kow daan to kamot ku, hoy bogayjan ku kaniyu to sakto no suhul. ⁵ Hoy nighondiyo mando kandin to pog alas dose to moudtu woy pog alas tres to maapon iyan gihapun ka inhimu rin. ⁶ To marani on ka alas singku to maapon nig hondiyo on kandin to mirkadu woy nakakita kandin to pila no mo otow no waro mo trabawo woy nanginso kandin to kandan, "Maniyu man to nigdaraat now ka tibo no aldow? ⁷ Hoy nigmanabak kandan, iyan man ka waro nigpatrabawo kanami. Hoy nigkagi kandin to kandan ‘Ko iyan sikan, trabawo kow daan to kodi no kamot. ⁸ To pogsolupot to aldow, ka kamunoy nigkagi to duma rin nog mantrabawo, “Umawa ka mo trabahanti woy bogayji kandan to suhul dan. Hunnaa suhuli ka mowrihan nig trabawo woy ipahuriyan ka nahun-a nig trabahu." ⁹ Ka matag sagboka nig sugud on nigmantrabawo to alas singko to maapon in suhulan to sagboka no dinaryo. ¹⁰ To pog dani on to mo otow no nahun-a inpatrabawu, nigtuu kandan no labow pad to sikan kag karawat dan, di ka matag sagboka kandan nigbogayjan daan to tig sagboka no dinaryo. ¹¹ Inpurut dan ka kandan no suhul woy nig-al-amolong kandan diyo to agalon. ¹² Nigkagi kandan, "Soini no otow no mowriyan no inpatrabawu, nigtrabawo ro solod to sagboka no oras. Soi kanami nigtrabawo koy to tibo no aldow woy narampil to aldow agad pad to soini in bogayjan no iling no suhul no koykow’n inbogoy kanami. ¹³ Ka agalon nigtabak to sagboka kandan, "Pamminog ka, waro a nigholos koykow hoy nig oyjon ka man to suhul no sagboka’n dinaryo ka aldow. ¹⁴ Kuntoon puruta ka koykow no suhul woy uli kad diyo to kaniyu. Iyan ku og kaliyagan ka soin mo otow no naworiyan inpatrabwo bugayjan to iling no suhul no inbogoy ku koykow. ¹⁵ Waro naan buwa katongod ku nog gamit to koddioy no salapi iling to kodi nog kaliyagan? Ko naayjat ka buwa kodi su maroyjow a to duma ku? ¹⁶ Hoy inhiponga ni Hisus ka sampitan to pog kagi, "Hoy ka namowriyan og kohun-a woy ka nohun-a og kowriyan. ¹⁷ To nigtakorog si Hisus poiling to Hirusalim, nigloloin kandin woy ka sampulu hoy daruwa no binasbas din woy nigkagiyan din kandan. ¹⁸ Pamminog kow: Og poiling ki diyo to Hirusalim, woy diyo ka anak to otow igbogoy to mo karakdakolan to mo pari woy to mo talag-anad to balaod. ¹⁹ Og bantaanon kandin og hihimatayjan. Woy hangkuwan igbogoy on diyo to kono mo Hudiyu, sosompaliton kandin woy gugupian woy iglansang to koros, woy igkatolu no aldow og uyjagon kandin. ²⁰ No yaka asawa ni Sebidiyo nighondiyo ki Hisus duma ka mo anak din, nigluud woy nighangyu to sagboka no botang. ²¹ Nanginso si Hisus kandin, "Nokoy naan ka koykow nog kaliyagan?" Nigtabak kandin, “Ipangolibot nu kodi no soini daruwa ku no anak ogpapinuuwon nu to koykow no kawanan woy gibang no bolad ko koykow on kag pangolo." ²² Si Hisus nig tabak kandan, waro kow nataga to kaniyo no inpamuyju. Mokohimu kow ba nog inom to kupa woy og-antus to kono og kalugoy kanak nog inomon? Hoy migtabak kandan, “Hoo, mokohimu koy.’’ ²³ Si Hisus nigkagi kandan, “Kaniyu mokohimo iyan ligkat to kodioy no kupa di waro katongod ko nog pili ko hontow ka og papinuuwon ko to kodi no kawanan woy gibang. Soini no mo kagihonon iyan do nig andaman to Amoy ta no Magbabayjo. ²⁴ To pogkarinog soini to sampulu hoy daruwa no binasbas din, nangabolu kandan do’t daruwa patalahari. ²⁵ Hoy in umow ni Hisus kandan tibo dow nigkagiyan, "Namaan kow ka mo nigligkat to soini ingod nigpalabowlabow woy ka mo karakdakolan kandan tibo ka og angkon to gawom. ²⁶ Di kono soi iyan pamaagi no ogsunuron now. Ko sagboka kaniyu no ogkaliyag no ogdakol kinangolan ogtarabawu kandin to tibo. ²⁷ Ko sagboka kaniyo nog kaliyag og palabow to tibo kinaanglan nog pouripon kandin kaniyo. ²⁸ Iling to anak to otow no waro nighondini nog alagaran ko kono iyan ka og trabawu woy og bogoy to kandin untung woy og luwas to tibo no otow.’’ ²⁹ To pog-ongkod dan to Jerico, mohon-in otow no nigsunud ki Hisus. ³⁰ Duon daruwa no butud no lukos no nigpinuu daplin to dalan. Nakarinog kandan no si Hisus hapit og ligad hoy nigpangiyak kandan, “kaliwat ni David’’kohoy-uwi koy on." ³¹ Inpahagtong kandan to mo otow di nigparayjon do iyan kandan og mampapangiyak, “kaliwat ni David, kohoy-uwi koy tibo.’’ ³² Nighonong si Hisus woy nanginginso kandan, “Nokoy man ka ogkaliyagan now no nog himuwon ku kaniyu? ³³ Nigtabak kandan, “Sil, kaliyagan noy poron nog makakita koy.’’ ³⁴ Nohoy-u si Hisus kandan dow insamsam ka kandan no mata dow malugoy-lugoy nakakita kandan dow nigduma kandin.