¹ To soinkan no higayon ka mo otow binasbas, ‘Hontow-a man kag towhoron diyo to kapangolohan to langit’ ² Si Hesus nig umow to sagboka no bato hoy inpasasindog din diyo to tangkaan dan. ³ Dayjon nig-iling kandin, ‘Iyan soin totoo; gawas kog ka rayjon kow iling to mo bato, kono kow on iyan og makasolod to kapangoloan to langit. ⁴ Ka amana no nigparilalom to mandu to Diyos iyan ka pogpoubus to kandin no kaugalingon hoy iyan kag koilingan to soikan no bato-a. ⁵ Hoy ko og dawwat to kasagboka no bato no iling to soin to kanak no ngaran, og dawwat kanak. ⁶ Agad hontow nog koyimo no maka salo soin no doisok no mo bato no nigtoo kodi-oy, maroyjow pad nog hikotan to dakol no galingan no batu ka kandin no liog hoy igdogpak diyo to tonga to woyig. ⁷ Pogkawaro ka kalibutan su duon man soin nomo himan no og maka-amung to mo otow to pogpaka-salo? Soin no mo butang ogkatuman iyan konlayjon di moko hihid-u ka mo otow no nighimu to soini. ⁸ “Ko ka koykow no bolad hoy ka paa maka-amung koykow to pogpakasalo, pungula soin hoy igbanggal. Mas maroyjow pad kog-solod ka to untung no waro katamanan no sagbuka ro no bolad hoy sagboka ro no paa su agad duon pad bolad nu hoy paa di igbanggal ka ro to hapuy no kono og koobukan. ⁹ Hoy ko ka mata nu maka-amung koykow to pog-pakasalo, logita now soin hoy I banggal now. Mas maroyjow pad solod ka to untung no waro katamanan no sagboka ro ka mata su agad duon pad mata di ig agbul ka diyo to hapuy no kono og koobukan. ¹⁰ - ¹¹ Nongnongi now no kono kow og paminog agad sagboka to sion no mo bato no nig-tuu kodioy. Sug kagiyan ku kaniyu no ka kandan no mo diwata diyo kun layjun to tangkaan to Amoy ko no diyo langit. ¹² To kaniyu no pogsumansuman, nokoy man kag himuwon to songo otow kog kaworo-an kandin to sagboka to kandin no songo gatus no kalniro?Ongkuran din iyan ka kasi-aman hoy siyam no og gagalas diyo to bubungan hoy-oghipanow kandin to pogpamitow to nalaag. ¹³ Ogkagiyan ku kaniyu no kog kakita rin on soin og koholo pad kandin amana tongod to soin no kalniro kono to soin kasi-aman no waro na laag. ¹⁴ To iling no pamaagi, ka Amoy now no diyo to langit kono kandin og kaholo no duon og ka laag agad sagboka to soin no mo bato. ¹⁵ “Ko ka sulod nu og makasalo koykow hondiyo-i nu kandin hoy ipapitow no ko nokoy ka salo din, di hiluwasi no kandin no koykow ro daruwa. Kog pamminog kandin koykow, duon on maroyjow no hirilasyon now. ¹⁶ Di ko kono kandin og pamminog koykow, alap ka to sagboka hoy ko daruwa no otow hoy ka karaag nangon kandan og katuuwan to daruwa hoy ko tatolu no titigus, iling to innangon to ka sagboka. ¹⁷ Di ko kono kandin og pamminog kandin, igugud ka tibo diyo to simbahan, sumsumana nu kandin no sagboka no kono no magtutuu hoy kono no talagtingil to buwis. ¹⁸ Hoy ogkagiyan ku kaniyu tibo, "Ko kaniyu no ig-ongkod dini to tano, ig-ongkod daan diyo to langit hoy ka ig-tugut dini to tano, ig-tugut daan diyo to langit. ¹⁹ Hoy kagiyan ku kad iyan kaniyu, "Ko daruwa kow kayi to tano og kasagboka to pagmamoyjo agad nokoy no himan, soin igbogoy kaniyu to Amoy ku no diyo to langit. ²⁰ Ko duon daruwa hoy tatolu no ogkasagboka to koddi no ngaran, duon a duma kandan.’’ ²¹ Hoy nigdani si Pedro ki Hesus hoy nanginso, "’Magbabayjo, ko ka kanak no sulod kun layjun og makasalo kodioy, kapila ku man kandin taman og pasaylowon, kapitu buwa?’’ ²² Si Hesus nig tabak, ”Kono no kapitu, ko kono kapituwan no pilu. ²³ Su to diralom to pogmandu to Diyos ka kahimtang iling to sagboka no hari no nighusoy to utang to kandin no mo suguanon. ²⁴ To pog sugod din to pog husoy,nig alap diyo to kandin ka sagbuka no sugu-onon no noko utang kandin to dakol amani no kantidad. ²⁵ Warad iyan igkabayjad din to utang, woy nig sugo ka agalon no igbaligyo kandin duma ka asawa rin hoy ka mo anak din hoy ka tibo no kandin woy kag maka bayjad kandin to utang. ²⁶ Nigluud ka suguanon diyo to tangkaan to agalon din woy nig pokimaluuy no nig kagi, sil, kono nu pad bag ana-anaa su ogbayjad a ro tibo ku no utang. ²⁷ No hid-u kandin ka agalon agad ka nig awo ka utang to suguanon din hoy nigpamitow din. ²⁸ Nighipanow soini suguanon hoy nokog-lambag kandan to songo duma rin no suguanon no nokoutang kandin to doisok do no kantidad. In-gongonan din dayjon soini hoy nigloklok hoy nigkagiyan, “Bayjari a nud to utang nu. ²⁹ Di ka duma rin no suguanon nigluud hoy nigpohoy-u hoy-u kandin, kono a nu bag an-a-naa so ogbayjad a ro koykow.’ ³⁰ Di waro kandin migsugot.In papiriso din soin taman nog maka bayjad to utang din. ³¹ To pog ka-pitow to duma no sugu-onon to nayitabo,natalong amani ka tibo. Naman hondiyo dayjon kandin to agalon dan hoy in panggugud dan ka nayitabo. ³² Hoy naan inpoumow to agalon ka suguanon hoy nigkagiyan, "Waro iyan apuru nu. Nig-awo ku ka utang nu su nigpahoy-uhoy-u ka man kodioy. ³³ Angayjan ka poron nog kohoy-u iling nu no suguanon, iling kodi no nahoy-u koykow. ³⁴ Nabolu amana ka agalon hoy pigpapiriso rin ka suguanon oyjow taman maka bayjad kandin to tibo din no utang.” ³⁵ Dayjon pigponga ni Hisus ka kagihonon to pogkagi, "Iling daan to sikan kag himuwon kaniyu to Amoy ku no diyo to langit ko kono kow ogpasaylu to kaniyu no matag ka otow to kinasing-kasing."