¹ Hongkayi to nakapunga on si Hisus tog taloson do’t Sampulo hoy daruwa no binasbas din, nighipanow on kandin hoy nig andiya to duma rin pad no banwa para to pogpanganad hoy panlalag. ² Umba no diyo pad to pirisohan si Huwan no Tologbawtismo, hoy nakarinog si kandin to pigpahinang ni Kristo. Soini naan ka inpoondiyo din ki Hesus so mo binasbas din to igpapalintoka. ³ Woy nigpanginginso kandan, ’’Koykow buwa iyan ka innangon no Magbabayjo woy og tatagad koy pad to loin? ⁴ No nig tabak si Hesus diyo to kandan, ‘libod kow diyo to ki Huwan woy gugurin now kandin ko nokoy ka nigkita now hoy narinog now. ⁵ Guguri now kandin to ka mo butud hoy makita on, ka mo napulid og mokohipanow on, ka mo ibungon nonoulian on, ka mo bungol og makarinog on, hoy ka mo nanamatoy nonoujag on, hoy ka maroyjow no guguron igpanlalag on diyo to mo mokohihid-o. ⁶ Iyan mampo ka mo otow no waro migduwaruwa dini to kanak. ⁷ Umba no nalios on ka mo binasbas ni Huwan, nig insaan ni Hesus to mo otow mahitongod ki Huwan, ‘’to poghondiyo now ki Huwan diyo to mammara no banwa no kono ogkougpaan, nokoy-a ka nig im-imanan now no ogkapitow? ⁸ Ko kono, nokoy naan ka im-imanan now nog igpitow to poghondiyo now ki Huwan? Kandin buwan iyan ka nigkikinabo to maroyjow? Kono, so ka mo otow nog sasaluob to mahal to maal, diyo nongugpo to dakol no baloy to mo Hari. ⁹ Woy kagihi a now nokoy buwa iyan ka intatagad nog kakita now pad? Pagagano buwa? Hoo og kagihan ku kaniyu to Subla pad si Huwan tog magagano. ¹⁰ No si kandin ka nig sulat to kasulatan no mighohonduon, soini ka inkagi ko to Diyos, igpaalap ku kandin igpouna to koykow dow panaganayi to dalan para koykow. ¹¹ Duromdoma now soini, waro pad otow no nig labow ki Huwan no tologbawtismo. Di inggad pad ka amani nigpariralom to pogpangoo to diyos labow pad kono to kandin. ¹² Likat to poglalag ni Huwan poiling kuntoon, duon mo otow noglogos-logos nog sagul to pogngoo to Magbabayjo. ¹³ So ka tibo nog pagagano dow ka tibo no balaod ni Moisis poiling to panaawon ni Huwan, migpakagi mahitungod to pogpangoo to Diyos. ¹⁴ Kog kaliyag kow nog tuu to kandan nog lalag, si Huwan ka nigkagi tog magagano no kandin ka inkagi nog libod on si Elias. ¹⁵ Umba naan maminog kow ko duon talinga now? ¹⁶ Kuntoon, nokoy man ka kondi no igkanangon to mo otow kuntoon no panawun? Koiling da kandan to mo bato no iyan do kag manpinpinuu diyo’t buliyanan to mo soro, ka sabuka no pundok to mo kaliyag dan ug managois diyo to loin. ¹⁷ Niglilisag para to asawwahanan di waro mig sayjow? Nig ughong oyjow to lobong di waro nig maninogow? ¹⁸ Mig ondini si Huwan, nigsalang kandin dow waro nig-inom to binu woy nikagi kandan, ’Nigsoloran kandin to maroot?’ ¹⁹ Mig ondini ka anak to otow woy migkoon kandin dow mig-inom, woy mig kagi kandan, ‘pitawwa now soini no mo otow? Logoron soi to pogkoon woy polohubog, hoy solod pad kandin to mo otow no talagporot to salapi dow to mo maroot no mo otow?” Di natagahan to Diyos nigtoo ka tinuud diyo to niglibwas to soini. ²⁰ Dow nigsawwoy ka pogkamaroyjow ni Hesus ka mo banwa no doon din hinanga ka karakolan to kandin no mo kabolbolongan, ko ka mo otow diyo waro nig mansumansuman to kandan no solo. ²¹ “Koy-u nu, Korasin? Koy-u nu ka dalan, Betsaida? Ko mo kabolbolongan no nohinana diyo to kaniyo diyo nohinang to Tiro woy Sidon, ka mo otow diyo malugoy on puron nigsasaloob to sako dow nigbudburan to abo to kandan no ulo, oyjow og kailaan to nig-ongkod on kandan to mo salo dan. ²² “Woy doromdoma no to aldow to katamanan to ingod, Magbabayjo og kahid-o pad to taga Tiro woy taga-Sidon kono kaniyo? ²³ Dow koykow, Capirnaum, nanuman nog kakajow kad diyo’t langit? Kono. Igbanggal koro daan diyo to impirno? Di ko mo kabolbolongan no nahinang diyo to koykow diyo pad hinanga to Sodoma, dini pad puron soini poiling kontoon no aldow? ²⁴ “Woy doromdoma to aldow to katamanan to ingod, ka Magbabayjo og kahid-u pad to Suduma kono koykow?” ²⁵ Woy si Hesus nigkagi, O Amoy noy, Magbabayjo no diyo to langit woy tano, nigpasalamat a koykow so inlalag no man diyo to mo waro naman-maanan to soini no mo karoyjawan no koykow no inhulos, ligkat to matagsob woy mo utokan no mo otow. ²⁶ Hoo, amoy noy, natuman on soini to koykow no pogboot. ²⁷ ‘Ka kanak nu amoy nig bogoy kanak to tibo no karoyjawan. Waro nokoila to anak gawas to amoy dow waro nokoila to amoy gawas to anak. Woy ka mo otow nog kaliyag do’t anak nog mokoila to amoy. ²⁸ ”Dani kow kanak, kaniyu no napuraan woy nabogatan to inbaba now woy patumolajon ku kaniyu. ²⁹ Ingkoy ka kanak no yugu sunura a now su mohohoy-owon dow mapariralom to Espirito dow makatimoloy kow. ³⁰ “Masayjon ka yugo no kanak no in-angkoy ko kaniyo dow mahagkap ka ig-pababa ko kaniyo.