¹ To sooyjo no timpu, magaan on ka babuologan to paan no waro patulin no inngaranan to kawologan to pogligad. ² Ka mo panguo to mo pari hoy ka mo talagpanulo to balaod nigpammitow sikandan ko ogmonuwon dan poghimatoy si Hisus so nahaldok man kandan to mo otow. ³ Hoy migsolodan to maroot si Hudas no inngaranan to Iscariote no sagboka to sampulo hoy daruwwa no tinuonan. ⁴ Omba naan, mighondiyo si Hudas hoy nakigkita to mo pari hoy to mo panguo to mo gwardiya to timpulo to ogmonuwon dan pogbogoy si Hisus. ⁵ Nahulo sikandan hoy inkagiyan no ogbayjaran to soloppi. ⁶ Nig-uyjon si Hudas hoy namitow to maroyjow no timpo no igkabogoy din si Hisus diyo to kandan no kono ogkatagaan to mo otow. ⁷ Hoy mig-uma on ka aldow to kawolugan to paan no waro patulin no iyan ting iyow to mo nating kalniru no iyan ogkoonon to paniyapon to panawon to pangilin to pogligad. ⁸ Innangon ni Hisus si Pedro hoy si Huwan. “Hipanow kow hoy andama no ka paniyapon to pangilin to pogligad” ⁹ Hondoi doy inan og andamon soin? Nanginso kandan. ¹⁰ Nigkagi kandin, “Paminog kow! To pogsolod now to siyudad, ogmokotumo ko to otow no og-alap to banga no ogsoloran to woyig, sundola no sikandin diyo to baloy noghondiyo-an din. ¹¹ Hoy kagiyi no ka tagbabaloy, Nanginso ka talagpanulo. Hondoi ka og andaman to koonanan to paniyapon ta lawologan to pogligad duma to mo tinuonan ko? ¹² Nokoy naan, igpapitow rin kaniyo ka sagboka no dakol hoy maluag no koonanan diyo to ampow hoy hondiyo kow hoy andama ka tibo. ¹³ Nokoy naan, nanghipanow sikandan hoy nakita ran ka tibo no inpanggugud ni Hisus. Hoy in andam dan ka paniyapon. ¹⁴ To poghinguma to paniyapon, migpinnuu si Hisus duma to mo apostolis diyo to koonanan. ¹⁵ Hoy nigkagi si kandin , “Dakol amana ka kaliyag ko no naruma ko kaniyo to soin paniyaponto kawolugam to pogligad to kono a pad og-antos. ¹⁶ So ogkagiyan ko kaniyo no kono a iyan ogkoon to soin omba ko oghimuwon soin diyo to Gingharian to Diyos. ¹⁷ No migpurot si Hisus to kupa hoy nigpasalamat to Diyos hoy nigkagi, “Dawata soin hoy bayina now.” ¹⁸ So ogkagiyan ko si kaniyo no ligkat kuntoon kono ad on og inum to soin bino taman no oghinguma on ka Gingharian to Diyos. ¹⁹ Inpurot din ka paan hoy nigpasalamat kandin to Diyos, hoy inporipori rin sikan hoy in pamogoy diyo to kandan no nigkagi, “Soin ka kanak no lawwa no inbogoy para kaniyo. Himuwa now soin oyjow to pog suman-suman kanak.” ²⁰ Ponga to paniyapon, inpurot din nando ka kupa hoy nigpasalamat to Diyos. Inbogoy rin soin kandan hoy nigkagi, “Soin kupa, iyan ka bag-o no kasabutan to Diyos, timoilhan to langosa ko no nigtihis kaniyo. ²¹ Di angayjan iyan no ogkatagahan now no ka niglubos kanak kayi to soin lamisa! ²² So ogkamatoy ka anak to otow sumalo to pogtugot to Diyos di mokohohoy-u sikan otow no niglubos kandin! ²³ No nigpoinso-insoay sikandan ko hontow kandan ka niglubos ki Hisus. ²⁴ No nig paap-apuloy ka mo tinuonan ko hontow to kandan ka labow to tibo. ²⁵ Hoy nigkagi si Hisus kandan, “Ka mo hari to soini kalibotana nigsugo to kandan no mo ka ot-otowan hoy ka mo panguo no inngaranan to “Mo dangopanan to mo otow.” ²⁶ - ²⁷ Di kono no soin himuwa. Agad hontow ka ogpakadakol-rakol kaniyo kinangulan no ogpakigduma to kinahariyan hoy to panguo kinanguan ogpokoiling to suluguanon. ²⁸ Nig-unong kanak ka tibo no mo kasakit no kanak no nabayjaan. ²⁹ Hoy iling no ka Amoy nigbogoy kanak to katongod to poghari, iling dod iyan no igbogoy ku kaniyu ka katongod. ³⁰ Ogpangoon kow hoy panginom diyo to lamisa to Gingharian ko hoy ogpinnuu ko diyo to turunu oyjow to poggukum to sampulu hoy daruwa (12) no tribu to Israil. ³¹ “Simun, Simun! Bantoy ka ! Si Satanas intugutan to poggaram kaniyu tibo no ogkoiling to otow no ogloin to trigu ligkat to uhot. ³² Di nig-ampu a koykow, Simun, oyjow ko ka ogkaroug to koykow no pogtuu. Hoy to poglibod nu kanak, kinangolan no ogguhutan nu ka pagtuu to mo sulod nu. ³³ Si Pidru nigtabak, “Magbabayjo, andam a to pog-umong koykow poiling to pirisuhan hoy to kamatayjon. ³⁴ Nigkagi si Hisus, “Ogkagiyan ko sikoykow, Pidru to kono pad og-ukalo ka manok to soi no aldow to katatulu inhulus ad nikoykow. ³⁵ Hoy nigkagi si Hisus kandan, “To sooyjow inpohondiyo ku kaniyu nun-a no waro in-alap now no puntit hoy sandan. Duon naa nakulang kaniyu?” “Waro.” Migtabak sikandan. ³⁶ “Di kuntoon,” migkagii si Hisus, “To sooyjow duon puntil, kinangolan no og-alapon din. Ka sooyjow su waro kampilan kinangolan no ogboligya din ka kinabo hoy ka halin igboli to kampilan. ³⁷ Su kagiyan ku sikaniyu no ka kasulatan nigkagi, “In-isip sikandin no sagboka no makasasalo, kinangolan no ogkatuman kayi to kanak. Su ka nasulat bohin kanak natuman on.” ³⁸ Ka mo tinounan nigkagi, “Pitawa ka Magbabayjo, duon soun daruwa no kampilan!” Nigtabak sikandan, “Tumanon on sikan.” ³⁹ Mighipanow si Hisuss nighondiyo to bungtod to mo Ulibu sumalo to nabatasan dan. Migduma to kandin ka mo tinounan. ⁴⁰ To nighinguma on sikandan, nigkagi sikandin, “Ampu kow oyjow kono ko ogkaroug to mo pogsulay. ⁴¹ No nigpariyo sikandin kandan to kono no mariyu hoy migluod sikandin goy nig-ampu. ⁴² “Amoy, ko ogkaliyag nu, puruta soin kupa ligkat kanak. Di kono no kanak no pogbuot ko kono kay koykow row iyan. ⁴³ (Duon mo diwata no niglupo ligkat no ogbugoy kandin to kaholo.) ⁴⁴ No to amana no masakit ka in-antus din, no nig-ampu sikandin to malugot iyan. Inlimusongan sikandin ogpokoiling to dakol no tulu to langosa no nangaulug diyo to tano. ⁴⁵ Pogkaponga to mo pog-ampu, migsasindog sikandin hoy miglibod diyo too kandin no mo tinounan. Nakita rin sikanda no nangahirogo tongod to subla no pogkatalong. ⁴⁶ Hoy nigkagi sikandin, “Maniyo to nanahirogo kow? Unow kow hoy ampu oyjow kono kow kaoug to mo pogsulay. ⁴⁷ To niglalag pad si Hisus, duon nigpokouma no masulug no mo otow. Si Hudas no sagboka to sampulu hoy daruwa (12) no tinounan, nig-un-a kandan hoy nigdani ki Hisus oyjow to pogharuk kandin. ⁴⁸ Di si Hisus nigkagi, “Hudas, nalubosan no naan ka Anak to Otow pinabayjo to pogharuk?” ⁴⁹ To nakita to mo tinounan ni Hisus ka nayitabu nigkagi sikandan, “Magbabayjo, natigbason doy on buwa sikandan.” ⁵⁰ Hoy nasagboka to kandan ka migtigbas to uripon to panguu to pari hoy natampod ka kawanan no talinga rin. ⁵¹ Di si Hisus migtabak, “Olog on sikan.” Hoy in-gun-gunan ni Hisus ka talinga to uripon hoy noulian. ⁵² Hoy nigkagi si Hisus to mo panguu to mo pari hoy to mo upisyal to mo talagbantoy to timplu hoy ka mo panguu to mo Hudiyu no nighondiyo oyjow pogdakup kandin, “Tulisan a naan no nig-alap ko man to mo kampilan hoy to iglampos koddi. ⁵³ Matag aldow duma a kaniyu diyo to timplu hoy waro a no dakopa. Di to soin no timpu kaniyu hoy to goom no maroot. ⁵⁴ No indakup dan si Hisus hoy in-alap diyo to baloy to panguu to pari. Si Pidru migsinundul no nigpariyu do. ⁵⁵ To taliwaro to hawanan duon nigtotomug to hapuy hoy nigpinnuu si Pidru duma to mo otow no niglilimod. ⁵⁶ To pogkakita to sagboka no malitan no sulugoon ki Pidru no nigpinnuu dani to hapuy, nigtongtong sikandin ki Pidru hoy migkagi, “Soin no otow duma iyan ni Hisus.” ⁵⁷ Di nangubat si Pidru no nigkagi, “Boyi, waro a nokoila kandin.” ⁵⁸ To nalugoy, duon sagboka no otow no nakakita kandin hoy nigkagi, “Duma ka iyan kandan.” Di nigtabak si Pidru, “Hoy, kona an duma ran.” ⁵⁹ Hoy to pogligad to sooyjow no timpu, duon loin no otow no nigkagi, “Duma iyan soin to sooyjo no otow su taga-Galiliya man daan kandin!” ⁶⁰ Di nigtabak si Pidu, “Hoy, waro a nataga to inpanlalag no.” To nigkagi pad si Pidru, duon manuk no nig-ukalo. ⁶¹ Niglingi ka Magbabayjo hoy nigtungtung ki Pidru hoy nasumsumanan ni Pidru ka inpanggugud to Magbabayjo kandin, “To kono pad ogkaulo ka manuk kuntoon no aldow ighulus a nud on to makatulo. ⁶² Nig-awwo si Pidru hoy nigsinugow amana. ⁶³ Nokoy naan, inliyan-liyan hoy inlamposan si Hisus to mo otow no nigbantoy kandin. ⁶⁴ Inbagkosan dan ka mata rin hoy in-insoan, “Innangon nu ko hontow ka niglampos koykow?” ⁶⁵ Hoy mohon-in pad ka inkagi dan to pogliyanliyan kandin. ⁶⁶ To pogkamasolom on, niglilimud-limud ka mo panguu to Hudiyu hoy ka pari hoy ka mo talagpanulu to balaud hoy inpaalap si Hisus diyo to Labow no hukumanan. ⁶⁷ “Kagiyi koy,” migkagi kandan, “Koykow ba ka Misiyas?” Nigtabak kandin, “Ko ogkagiyan ku kaniyu, kono kow ogtuu kanak. ⁶⁸ Hoy ko og-insaan kow, kono kow ogtabak. ⁶⁹ Di kuntoon ka Anak to Otow ogpinnuu on to kawanan to Diyus no amnan no gamhanan. ⁷⁰ Hoy migkagi kandan tibo, “Ikow naan iya ka Anak to Diyus?” Nigtabak sikandin, “Inkagi nud on iya.” ⁷¹ Nigkagi kandan, “Waro kinow nigkinangolan to mo otow no ognangon to tutuu! Narinog tad ligkat to bubu din.”