¹ Sagboka no aldow to tagood to ogpanulu si Hisus to mo otiw diyo to timpulu. Niglopow ka mo agalon to mo pari hoy ka mo talagpanulu to mo Hudiyu. ² Nigkagi kandan, “Nangoni koy ko nokoy ka katongod nu hoy hondoi ligkat ka gohom nu to poghimu to soin?” ³ - ⁴ Pigtabak kandan ni Hisus no nigkagi, “No kuntoon og-inso a kaniyu hoy nangoni a now. Hondoi man nigligkat ka katongood ni Huwan no talagbawutismu, diya to Diyus hoy ko diyo to otow?” ⁵ Hoy pigsumansuman dan sikan, “Nokoy naan ka igkatabak ta to sikan? Ko ogkagi ki to, ‘ligkat diyo to langit,’ ogkagi man kandin,, ‘Maniyu man to waro kow mogtuu ki Huwan?’ ⁶ No ko ogkagi ki, ‘Diyo ligkat to otow!’ Ogkaaldok ki ko ogkabanggalan ki to soin no mo otow su aman kandan nigtuu no si Huwan sagboka no purupita.” ⁷ - ⁸ Nokoy naan nigtabak kandan no nig-iling, “Waro koy kataga ko hondoi ligkat soin.” ⁹ Hoy pigbalagan kandan ni Hisus no nanampit, “Duon otow no duon kamot din, no pigpamulahan to paras, hoy pigtalaoran din to loin no otow hoy nighondiyo kandin to loin no banwa. ¹⁰ No pogkouma to timpu no ogkohinogan on ka mo ubas duon inpohondiyo din no suluguon din diyo to inpatalagaod din oyjow ogmakapurut kandan to bahin din. Di piglalamposan da ka inpohondiyo no suluguon hoy inpauli dan no waro pig-alap. ¹¹ Koy naa ka loin da man no suluguon ka inpahondiyo, di piglalamposan mando duon to nigtagaod hoy inpasiparan dan mando hoy inpauli dan no waro in-alap. ¹² Dayjun nigsugu mando kandinn to ikatulu no suluguon, pigbarasan dan sikaindin hoy in-alap dan diyo to libwasan. ¹³ Dayjun nigkagi ka kamunoy to parassan, ‘Nokoy kandin buwa ka oghimuwon ku? Ow! Iyan ku igpohondiyo ku ka pinalanggo no Anak ku oyjow ogtahuron dan kandin!’ ¹⁴ Di pogpitow kandin duon to nigtalagaod to parasan, nigpamoin-insooy kandan, “Soin on ka Anak to Kamunoy. Ondini kow on su oghimtayjan tad kandin oyjoe ogkakanta on soin parasan!’ ¹⁵ Dayjun pig-alap dan kandin diyo to libwasan to parasan hoy pighimatayjan dan. No! Koy on buwa ka oghimuon to Kamunoy to Parasan to nigtalagaod?” Nanginso si Hisus, ¹⁶ “Oghondiyo on din ka nigtalagaod hoy ogpanghimatayjan din hoy loin mando ka igpatalagaod din duon to parasan.” Pogdinog duon to mo otow to sikan, nigkagi kandan, “Kono poron ogkahitabu sikan!” ¹⁷ Dayjun pigkagihan kandan ni Hisus, “Nokoy naan ka kaluwasan to soin no kasulatan? Ka bato no insasamilian to tagbabaloy, nasi no nohimu no bato no mahinungdanon. ¹⁸ Ka tibo no ogkabaloy no ogdaog to soin no batu, ogkalopuan, di ka ogkaulogan to soin to batu ogkalupot iyan.” ¹⁹ To soin no timpu ogdakopon on poron si Hisus to mo talag-anad to balaud hoy to mo agalon to mo talagpanubab. Su nassabut dan no kandin ka nighisgut duon to panag-ilingan, di nahaldok kandan to mongo otow. ²⁰ Sikan naan, nigtantanuran naan da kandin, hoy inpoondiyaan to mo otow no talagpaniid. Ogpauubatan kandin no maroyjow su tuud dan no ogpamanghaon to salo no inpanlalag din, oyjow kanangonan dan diyo to Gubirnadur hoy ogpohukuman. ²¹ No nig-inso ki Hisus sooyjo so talaglipat, “Talag-anad, nakarinog koy no tutuu ka inkagi nu hoy ka inpan-anad hoy in-anad. Nakarinog koy no waro in-amani nu, ko kono, inpan-anad nu ka karoyjowan mohitongod to igkaliyag to Magbabayjo to mo otow. ²² No, pannangoni koy ko og-atu naa to balaud ta ka pogbayad to buhis diyo ki Sisar no Impiradur, hoy ko kono?” ²³ Hoy natagahan do ni Hisus no ogsalurupon do kandin, sikan naa ka nignangonan din kandan, ²⁴ “Papitawa a now to salapi. Hontow no alung hoy ngaran ka nakatahu kayi? ²⁵ Nigtabak kandan, “Ki Sisar no Impiradur.” No nigkagi si Hisus, “To iling soi, ibugoy now diyo to Imparadur ka kandin, hoy ibugoy now diyo to Magbabayjo ka kandin.” ²⁶ No waro iyan kandin nakaliot kandin diyo to tangkaan to mo otow. No nig-onong-onong sikandin. Su noinu-inu kandan to tabak ni Hisus. ²⁷ No duon mo otow no Sadusiyu no nigparani ki Hisus. Sikaandan ka nigkagi no kono ogkauyjag ka nammatoy. No nig-insaan dan si Hisus. ²⁸ “Talag-anad, nigsulat si Muwisis kanta to balaud no omun ko duon mo otow no ogkamatoy, ka kakoy din no waro pad nakaanak. Umbo su ogbawbaluwon ka ipag din oyjow duon dod anak to kakoy din no namatoy on. ²⁹ No duon pitu no mataltalahari no noulin no lukos. Nakaasawa ka panganoy hoy namatoy no waro nakaanak. ³⁰ No inbabalu kandin to niggiba no ipag din. ³¹ Hoy namatoy no waro nakaanak no iling dod ka nigtamanan to igkatulo no lukos. Naubos ka pitu mo mataltahari no waro nakaanak. ³² To nataman, namatoy do ka malitan. ³³ No to aldow no ogkaoyjag ka mo minatoy, hontoiw naan ka asawa din no maniyu to noubus man ka pitu no nakaasawa kandin?” ³⁴ No intabak kandan si Hisus, “Ogmaas-asawooy ka mo otow to soin no timpu, ³⁵ di sikan no in-sip to Magbabayjo no og-oyjanon hoy og-oyjamonon diyo to langit konad ogmaas-asawooy sikandan. ³⁶ Konad kandan ogpatoy so ogkoiling on kandin to diwata to Magbabayjo. Anak on sikandan to Magbabayjo su in-uyag sikandan. ³⁷ No tongod to pogkouyjag to mo minatoy, agad si Muwisis nigpamalogot kayo nigsulat kandin, ‘Tongod to malalab no sabinit ko hondoi nig-ikagi ka Magbabayjo no Kristu no kandin ka Diyus ni Abraham, ka Diyus ni Isaak, hoy ka Diyus ni Hakub.’ ³⁸ Iyan nignangon no kono no kandin ka Diyus to minatoy, ko kono, kandin ka Diyus to nanauyjag. Su ka tibo no mo otow no manokal diyo to kandin no pogsumansuman.” ³⁹ Duon talag-anad to balaud to Diyus no nigkagi, “Maroyjow ka pogtabak to talag-anad.” ⁴⁰ No waro on ogpaum-umalag no og-inso kandin. ⁴¹ No nigkagiyan sikandan ni Hisus, “Maniyu man no nigkagi kandan no ka Kristu kabuwaran do ni Dabid? ⁴² Su agad si Dabid, nigsulat kandin diyo to libru to mo Salmu, ‘Ka Kristu nigakgi diyo to Magbabayjo ku: Kayi ka pinnuu to kawanan ku!’ ⁴³ Taman ko oghimuhon ku no giokanan no ka kablang nu. ⁴⁴ Di ko inngaranan ni Dabid ka Kristu no Magbabayjo, ogmonuwon naan to Kristu no ogkohimu no ogkabulahan ni Dabid?” ⁴⁵ Tagoud no naminog kandin ka tibo no mo otow, si Hisus nigkagi to kandin no mo hibatoon, ⁴⁶ “Bantoy kow to mo talagpanulu to balaud no ogkaloyag no ogsuruysuruy no mamatikang ka mo gumit. Kaliyag daan kandan ogtuworan diyo to Mirkadu hoy ogpili to loin no pinnuuwan to mo sinaguga iling to maroyjow no dapit to kasalanan. ⁴⁷ Ogmanlupig kandan to mo balu hoy ogmangilog to kandan no butang hoy oyjow ig-olot to soin, nighinang kandan to malayjat no pogdayjan! Amana pad makahahaldok ka silut kandan to Magbabayjo.”