¹ No inkagiyan ni Hisus ka mo tinuonan din, “Ka mo butang no og maka-among to mo otow to pogpakasalo ogkayitabu iyan din mokohohoy-o ka mo otow no tongod kandin ogkayiatbo soin no butang. ² Maroyjow pad kandin no oghikutan ka liog din to sagboka no dakol no galingan no batu hoy igbanggal kandin diyo to dagat oyjow kono ogmaka among to sagboka to soin no malilintok no batu to pogpakasalo. ³ Sikan na-an tanud-tanud kow! “ko ka ikow no iling no otow ogmakasalo, sapari nu sikandin hoy ko og pamoyjo to pasaylo, pasayluwa nu. ⁴ Ko ogmakasalo kandin koykow to makapito sulod t sagboka no aldow hoy to oglibod sikandin no ogkagi, “Pasaylua” kinaanglan iyan no og pasayluon nu.” ⁵ Ka mo Apustulis nigkagi diyo to Magbabayjo, “Timuli ka kanami no pogtu-u.” ⁶ Hoy ka Magbabayjo migtabak, “Ko duon pogtu-u no iling kadakol to unod to mustasa, ogmakasugu kow to kayjo nu sikomoro, ‘Kabarut ka hoy halin ka diyo to langit! Hoy soin ogtuman kaniyo. ⁷ Ko duon sagboka kaniyo no duon sulugo-anon no nigdaro hoy nigtanol to mo kalniru. Ko ogpoko-uma kandin diyo to kamut inkagiyan no buwa sikandin, “Inagpas ka duon oyjow makakoon ka.” ⁸ Kono iyan! Ko kono ogkagiyan no nasi sikandin, “Andama ka kanak no paniyapon, hoy babakos ka hoy silbiyi a ko ogkaponga ad togkoon koykow mandu! ⁹ Ka sagboka no sulugo-anon kono iyan ulog no og pasalamatan tongod to pogtuman din to sugu, kono iyan! ¹⁰ No iling ko rod mandu ko nokohimo kow on to tibo no insugu kaniyo, kagiya nu, “Mo sulugo-anon koy hoy nighimo kow rod to ulog no oghimowon doy. ¹¹ To nigparulog si Hisus to Hirusalim, nigbayja kandin to tamanan to Samarya hoy Galiliya. ¹² To nigparulog kandin diyo to sagboka no banwa intagbo sikandin to sampulu no kugangon. ¹³ Nigpanguloy sikandan Hisus, talagpanulu! Kohoy-owi koy bag!” ¹⁴ Nakita sikandan ni Hisus hoy inkagiyan, “Hipanow kow hoy hondiyo kow to mo pari. No diyo pad sikandan to dalan naulian sikandan. ¹⁵ Ka sagboka to kandan, to pogkakita rin no nouli-an sikandin, niglibod kandin hoy nigdayjan to Diyus to makusog no lagong. ¹⁶ Migluwod sikandin diyo to paa ni Hisus hoy nigpasalamat kandin. Samaryanhon sooyjow no otow. ¹⁷ Si Hisus nigkagi, “Kono ba no sampulu ka otow no naulian? Hondoi na-an ka si-am? ¹⁸ Maniyo t waro sikan miglibod oyjow to pogpasalamat?” ¹⁹ Hoy nigkagi si Hisus, “Sasindog ka hoy hipanow! Ka koykow no pogtu-u iyan nakauli koykow.” ²⁰ Duon mo Parisiyu no nanginso ki Hisus ko kon-o og hari ka Diyus. Migtabak sikandin, “Ka poghari to Diyus kono no butang no ogkakita no. ²¹ Waro ogmokoiling, ‘Soin dod! Hoy, sooyjo rod! Su ka poghari to Diyus duon to sulud no.” ²² Hoy nigkagi sikandin to mo tinuonan din, “Ogpokouma ka panawon no to sooyjow no aldow ogkaliyag kow no ogpitow to Anak to otow di kono kow iyan ogmakakita. ²³ Duon mohon-in no ogkagi no, ‘Sooyjow diyo! Hoy soin kayi di kono kow hondiyo oyjow to pogmaan-maan. ²⁴ Iling no ka kilat uglayjag diyo to kalangitan ligkat to sagboka no bayin to soin diyo to limang no bayin, iling iyan ko ogpoko-uma ka Anak to otow. ²⁵ Di un-a to tibo kinagulan no ogkabay-bayjaran aman sikandin hoy igbalagad to mo otow no nig-ugpo kuntoon no panawona. ²⁶ Iling to noyitabu to panawon ni Nowi, iling da-an ka ogkoyitabu to Anak to otow. ²⁷ Nigparayjon ka tibo pogpangoon hoy pogpanginom hoy pogpaa-asawaay poiling to aldow n nigsulud si Nowi to arka no pog-uma to lunop hoy inpanguntok sikandan tibo. ²⁸ Ogpoiling da-an soin to panawon ni Lut ka tibo ogparayjon ogpango-on hoy ogpanginom, ogpamuli hoy ogpamaligya, pogpamula hoy poghimu to baloy. ²⁹ To aldow no miglagoy si Lot to Suduma, ka hapuy hoy asupri nig-uran ligkat to langit hoy nigbunbun kandan. ³⁰ Iling dod da-an ogkoyitabu to aldow no igpakita on ka Anak to otow. ³¹ Ka diyo to ampow to baloy rin t sooyjow no timpu kinangulan no kono ogpamanuo hoy ogsulod to baloy oyjow pogpurut to kandan no mo butang. Ka diyo to kandan no kamjut kinaanglan no kono og uli diyo to baloy. ³² Sum-sumana no ka nayitabu to asawba ni Lot. ³³ Ka ogkaliyag no ogluwas to kandin no kinabuyi, ogkaawa-an na-an iyan. Di ka og aawo to kinabuhi din ogluwas to soin. ³⁴ To sooyjow no ka karukiloma, duon daruwba no otow diyo to hirogo-anan ogpurotan ka sagboka hoy kadangup igbulin. ³⁵ - ³⁶ Hoy duon daruwa no malitan no manggagaling ogpurotan ka sagboka hoy ka dangob igbilin. ³⁷ Ka mo tinounan nanginso kandin, “Hondoi man, Magbabayjo?” Si Hisus migtabak, “Kuntoon ka lawwa to minatoy diyo da-an og lilimo-limod ka mo Agila.