¹ Nig-alukoy mandu si Hisus doot mo tinuonan din, duon suguonon to datu no nig saligan din dot mo kabtangan din. Kuntoon duon nigkagi dot datu no ka lkabtangan no nigdaraat do dot sinaligan no nu sulugoon. ² Koy na-an ka inpatawag din hoy nigkagi, nokoy man ka nigdinog ko no nigdaraat nokon ka kabtangan ko maroyjow pad og bilangon ko ka kabtangan ko so pogkatapos, igpaawo kod koykow. ³ Su og paawoon-on kandin dot agalon din nigkagi kandin to kaugalingon din nokoy man ka og himoon ko kona a og mokohimo to mabugat no tarabaho iling to poglulungag hoy og kasipod a nog pamoyjo. ⁴ Aw natagahan kud ko nokoy ka oghimuon ku agad igpapaawo a kayi to agalon ku di duon pad ogkaranihan ku no ogpurut kodi diyo to baloy dan. ⁵ Ka inhimo rin tagsagboka rin in poomow ko nuko utang dot agalon din nanginso kandin dot nohun-a, pila ka noutang no dot agalon no? ⁶ Nigtabak kandin 100 ka taro no lana to olibo. Nigkagi kandin hoo soini ka listahan no, pinoo ka hoy isulat np nu 50 ro no taro. ⁷ Pogkatapos nanginso kandin dot igkarowa, pila man ka noutang no dot agalon ko nigtabak kandin 100 no sako to dawwa hoo soini ka listahan no isluat no nu 20 ro no sako. ⁸ Pogkamaani dot agalon no iyan inhimo rin nigdayjan din ka limbongaros no sinaligan to kaabtik din no naug andam to nokoy ka og moko-uma kandin so ka mo otow no iyan in palabi ka mo butang dini to ingod no malipagos no og pakigduma duma so in lamdagan on to Diyus. ⁹ Koy na-an ka og angonan ko kaniyo, gamita now ka bahandi now oyjow to pog pakigduma duma, oyjow to pog-uma to aldow no og koobos on ka inggoranon no bahandi dawaton ka ran diyo to ogpaanan no waro katapusan. ¹⁰ Ka otow no og kasaligan to malintok no butang og kasaligan mando to dad-dakol no butang hoy ka otow no limbongan to malintok no butang mas limbongan pad to dad-dakol no butang. ¹¹ - ¹² Koy na-an ko kono kow ogkasaligan to bahandi no dini to kalibutan no kono no kaniyo huntow man ka ogsalig kaniyo dot ontol no bahandi no in andam purun kaniyo. ¹³ Waro sulugoon no og makatuman to daruwa no agalon og supakon din ka sagboka no ka sagboka og tumanon din og kampig kandin dot sagboka og dooton din ka sagboka kono now og dinogon ka pog-alagad to Diyus hoy ka bahandi. ¹⁴ To pogdinog to mo Parisiyu nigsumpalit dan si Hisus, su og manalapi man kandan. ¹⁵ Nigkagi si Hisus kandan to pogpitow to mo otow kaniyo matarong kow di namaan ka Magbabayjo to goynawa now to pogsuman-suman to mo otow no bililhon di atubangan to Magbabayjo waro polos. ¹⁶ Ka balaud ni Muysis hoy ka mo sinulat to purupita taman do to panahon ni Huwan magbubunyag ligkat duon in panaysay ka maroyjow mno balita mahitongod to gingharian to Diyus hoy nigbarog oa matagsagboka to pogsulod. ¹⁷ Di magaan og ka awoo ka langit hoy ka tano di ka mo kinagiyan to Magbabayjo konog kaawwo. ¹⁸ Ko huntow ka og ongkod to asawba hoy og asawba man do to loin makapanlibug noka og asawba mando dot amlitan no nig ongkoran dot lukos og makapanlibug man do. ¹⁹ Duon sagboka no datu no otow no nigkikinabo to mahalon no kinabo hoy nig ugpa no mampo matag aldow. ²⁰ Duon mando sagboka no otow no mokohohoy-o no nigngaranan ki Lasaru ka lawba rin napuno to kugang. Nighibat-hibat kandin diyo to dani to gomawan to datu. ²¹ Namansob ko duon tiloon no og kangatagak ligkat to lamisa to datu nandani mando ka aso hoy nigdilo to kugang din. ²² Hoy namatoy si lasaru hoy in-alap to Diwata diyo to dani ni Abraham ka datu namatoy mando hoy inlubong. ²³ Hoy nig-antos amana diyo to hadis hoy in gimolat din ka mata rin hoy nigkita rin diyo to mariyo si Abraham duon dani rin si Lasaru. ²⁴ Koy na-an ka nangiyak kandin diyo ki Abraham, “Amoy ko kogoy-owi a hoy ipaalap no si Lasaru kai oyjow ig dodo din ka tudlo din to wohig hoy igpatulo din to dilo ko so nig-antos ad aman to koinit to hapuy. ²⁵ Di si Abraham nigtabak anak sumsumana no nu diyo kapad to ingod mampo ka to tibo no maroyjow no butang di si Lasaru tibo kandin ka kasakit kandin naantiyan di kuntoon mampo on kandin kayi di koykow duon og antus. ²⁶ Gawas pad to soini tibo duon maralom no bong-aw no nigpariyu kanta oyjow waro og makalapas ligkat kayi hoy diyan. ²⁷ Ka datu nkigtabak ko iyan sikan amoy hangyoon ko koykow no ipaalap no si Lasaru diyot kanami. ²⁸ Su duon pad mo sulud ko nob lalima no lukos pohondiyo in no oyjow og kanangonan oyjow kono kandan og mokohondini kayi to kasakitan. ²⁹ Nigkagi si Abraham diyo ki Muysis hoy ka mo Purupita no og angon kandan, kandan on ka balagad no og paminog to kagiyonon ni Muysis hoy to mo Purupita. ³⁰ Nigtabak ka datu di amoy kono pad sikan no tumanon ko duon og batonon no og hondiyo kandan og ongkod iyan kandan to mo salo dan. ³¹ Di nigkagi si Abraham ko kono kandan og tu-u ki Muysis hoy ka mo Purupita kuno kandan ogka luwas agad pad duon og batonon.