¹ Duon mo otow no namatbat ki Hisus mayitongod to mo otow diyo to Galiliya no panghimatayjan ni Pilato to duon nog talapag to mo ayjam. ² Nigkagi si Hisus kandan, “Atuk nigsumansuman kow to noytabo sikan kandan no makasasalo on iyan kandan kono to duma no mo otw no taga Galiliya. ³ Di kono sikan no iyan! Di ognangonan ko iyan iyu noko kono now og ongkoran ka salo now, kaniyo tibo kow da-an og kamatoy. ⁴ Hoy kamo sampulu hoy walu no mo otow no natogbanan to tori to Siloam hoy nangamatoy, atuk nigsumansuman kow da-an no kandan ka pinakamaroot to batasan no taga Hirusalim. ⁵ Di kono sikan no iyan! Nokoy na-an kag kagiyan ko iyu noko kono kow og ongkoran ka salo now; Iyu tibo og kangamatoy da-an.” ⁶ Hoy pigkagiyan kandan ni Hisus to sagboka no pamasabggiloy. Duon sagboka no otow no duon inpamola no higera diyo to kandin no kamot. Pighundiya-an din ka inpamola din hoy pig pitow din ko nangunod on. ⁷ Nokoy na-an ka pigkagiyan din ka talagtamong to kamot din, “Tatolo no tuig kapog libud-libud ko diyo to pogpitow ko nangunod on ka higira, di waro iyan kandin nangunod. Maroyjow pad ko og pungolan nud on sikan su ogkaraat ka kalambug to tano. ⁸ Di nigkagi ka talagtamong, agalon, ogbalagaron tapad sulod to soin tuig so og kaliyan ko kapalibut hoy abonowan. ⁹ Su atuk ko’g pangunod da to sunod no tuig. Ko kono pad iyan og pangunud og pungulon tad.” ¹⁰ Songo aldow to tinghimoloy nighondiyo si Hisus to simbaan to mo Hudiyu hoy nan-anad. ¹¹ Duon malitan diyo nabuktot tongod to maroot no Ispiritu sulod to sampulu hoy walo no tuig kono din ogka kutong. ¹² To duon no nakita kandin ni Hisus, pig-omow din hoy pigkagiyan, “Ayjo, ogkaoli-an lkad to dalo no.” ¹³ Hoy pigdampon din ka bulad diyo to malitan, hoy duon-duon nakutung ka korul din hoy nigsayjo kandin to Magbabayjo. ¹⁴ Di nabulo ka agalon to simbaan, so nanambal si Hisus to aldow to tinghimoloy. Nigkagi kandin to mo otow, “To pito no aldow duon hun-om no aldow to tingtrabaho. Sulod to sikan no aldow hondini kow hoy patombal, di kono kow to aldow to tinghimoloy.” ¹⁵ Nigtabak ka Magbabayjo kandin, “Mo tigbal dog patotoo! Ko duon baka hoy kuddu iyu, hukaron now soin hy toyjoka diyo to inumanan balagad pad to aldow to tinghimoloy. ¹⁶ Ko’g himowon now sikan to ayjam, mani to kono ko;g himowon to soin no malitan no sagboka to kabuwaran ni Abraham? Pigbako kandin no tanas sulud to sampulu hoy walo no tuig, nokoy na-an ka kinaanglan no’g makalipwas kandin to gawom ni tanas agad aldow no tinghimoloy. ¹⁷ Tongod to tabak ni Hisus nasiporan kanigpakig-osig kandin. Songo baywoy, nahulo ka mo otow to pigpanghimo no kabulbulungan. ¹⁸ Nigparayjon si Hisus no nigkagi, “Nokoy buwa ka kopo-ilingan ko topog pangulu to Magbabayjo? ¹⁹ Kapog pangulu to Magbabayjo ogkoyling t buni to mustasa no pigpamula to mo otow diyo to kamot. Nigtibungog kandin no malayjat nog koyling to kayjo, hoy pigsalagan to bayjako ka sugpang.” ²⁰ Nigkagi nigdayjon si Hisus maytongod to pog pangulu to Magbabayjo. Nigkagi kandin, “Nokoy kag kopo-ilingan ko to pog pangulu to Magbabayjo? ²¹ Koy-iling soin to harina no pig-amut to patulin diyo to palanggana hoy himowon to ka malitan, hoy nigtulin.” ²² Omba nog hondiyo si Hisus diyo to Hirusalim, nan-anad kandin diyo to mo banwa to lunsud no pigbayjaan din. ²³ Hoy, duon nanginso kandin, “Magbabayjo, doisok do ba kag kaluwas?” Pigtabak kandan ni Hisus pinabayjo to sagboka no pamasanggiloy. ²⁴ “Paniguro kow iyan to pogsulud to malig-ot no gumawan, so katutu-u, mohon-in kag kaliyag nog sulud, di kono’g makasulud. ²⁵ Ko ogmakalulukob on ka tagbanwa og sasindog kow ro na-an diyo to libwasan nog tutuotok hoy ogkagi, “Magbabayjo, pasulura koy.’ Hoy tabak kandin iyu, ‘waro a noko-ila iyu.’ ²⁶ Hoy ogkagi kow, ‘Kono ba no nokog luyjod ki man topog pangu-on, hoy nan-anad kapad diyo dalan to lunsod? ²⁷ Hoy nigtabak si Hisus kaniyo, waro a moko-ila kaniyo. Padpariyo kow kanak, so maroot kow no mo otow! ²⁸ Hoy kog kakita now si Abraham, Isaak, Hakub hoy ka tibo no Purupita diyo to kapanguluwan to Magbabayjo, hoy siwsinogow kow hoy kigot kamo ngipon now so waro kow pasulura. ²⁹ Hoy ogkakita now ka kono no Hudiyu no ligkat to tibo no kalibutan, pinu-o kow hoy pangu-on diyo to kapangluwan to Magbabayjo. ³⁰ Duon mo otow kuntoon no mokohoy-o, di tomalugoy no panawon ogkahinang kandin no halangdon. Duon mo halangdon kuntoon, di to kalugajan nahinang no mokohoy-o.” ³¹ Nahun-a no panawon duon mo Parisiyu no nigdalapak ki Hisus no nigkagi, “Kinanglan no’g awo dini so kahulo si Hirudis no’g himatayjan ka.” ³² Di nigtabak kandan ni Hisus, “Hipanow, kagihi now soyjo obaton no Hirudis no nangdugil to maroot no busow hoy nanombal ato’g kangaraluwan taman asulom, hoy to tatulo no aldow kapungaan kod ka hinang ko. ³³ Kinaanglan no’g parayjon ato’g hipanow kuntoon, asulom, hoy to sunud no aldow, so kono no angayjan nog himatayjan ka mo Purupita to loin no banwa ko kono diyo to Hirusalim. ³⁴ “Kaniyu matig-Hirusalim, mani to pigpamanggal now hoy pigpanghimatayjan kamo Purupita to Magbabayjo no pigpahondiyo diyo to kaniyo? Nalugoy aro nig amus-amus nog libulongon ko kaniyo hoy tularungon ko iling duon to mamiyakan nog kopkupon, di kono now sikan igkahulo. ³⁵ Kuntoon, balagad kow unto ko ogalingon now kono anow on ogkakita poyling tog kagikow, ‘Pigpanalangin to Magbabayjo kapigpadaa din.”