¹ Mo sulod, ko duon sagbuka kaniyu no makasalo, kaniyu no dakol on ka pogtuu iyan makapalibud kaniyu, di humaan now duma to kahid-u. Dow bantayi no kono kow daan ogkatintal. ² Mabubuliga kow to pogbaba to mgo alantusanon, to soini no paagiha ogkatuman now ka sugo ni Kristu. ³ Ko duon ugsuman-suman ko importe kandin, agad ko iyan tutuu no waro pulus. Dow pig holosan din do kaugalingon din. ⁴ To tagsagbuka no ogsumit-sumit to kaugalingon din hinimuwan. Ko maroyjow soini, makapasigarbu kandin to hinimuwan din, no waro og-iilingan ka pigimu to duma. ⁵ Ko matag sabuka ita kinahangulan ogbabahon ta ka kaugalingon no alantusun. ⁶ Ka pigtuloan to lalagon to Kristuhanon no angayjon no ogpaambit to kandin no magtutudlu no tibo no maroyjow no butang diyo tibo to kandin. ⁷ Kono nu ubati ka kaugalingon pinabayjo to pogtuu no moko-uubat kow to Diyus ka igpamula to otow iyan din on og-gaanihon. ⁸ Ko ogpamula kandin diyo to kamot pinabayjo to dosondin, ligkat to soini nakagaani kandin to kamatayjon din, ko ogpamula kandin duma to Ispiritu, maka gaani kandin ligkat to Ispiritu to kinabuhi no warog katamanan. ⁹ Kono ki ogpapogulpogul to poghimu to maroyjow ko makaparayjon ki to soini mokouma ka timpu makagaani ki to onud-onud to soi. ¹⁰ Hoy naan ko mokohimu ki oghimuon ta ka maroyjow diyo to mo otow, hoy to mo sulod ta no magtutuu. ¹¹ Pitawa nu ko iling kangadakol ka litra no inpanulat ku! ¹² Ka sikan iibugon no ogpaayjat-ayjat no ka mo butang no ogkakita, iyan soikan no namugos kaniyu no ogpauli. Inhimu dan soi oyjow kono kandan ogpabaybayjaran to krus ni Kristu. ¹³ Su agad sooyjo no nigpamatuli waro nigtuman to balaud. Di ogkaliyag kandan no ogpatuli kow oyjow ogpasigarbu kandan no migdawat kaniyu to sirimunyas to pogtuli. ¹⁴ Di para koddi ogpasigarbu o ro to krus to Magbobayjo ta no si Hisu-Kristu pinabayjo to kandin no krus namatoy on ka kalibutan para koddi. ¹⁵ Kono no mohinongdanon ko natuli ka dow ko kono, ka mohinongdanon kanta no in bag-u to Diyus. ¹⁶ Poron ko no tibo no otow no pinili to Diyus, no nigtuman din no iyan soini ka nigtuman to soini no mo inpanulu ku. ¹⁷ No hangtud kuntoon, kono kow bogoy koddi to kagulub. Ka mongo katig to lawa ku nigpamatuod ko in suno ku ka mo sugo ni Hisus. ¹⁸ Mo sulod, poron no panalanginan kow to Magbobayjo no si Hisu-Kristu. Amin.