^{1 2} Dini to tangkaan to Magbabayjo woy ni Kiristu Hisus, ogsugoon ku koykow to poggugud to lalag to Magbabayjo. Ogpakadayjow ka mo lalag to agad nokoy no timpu, ogpamminog man do so kono. So oglibod man si Hisus kouromo oyjow to poghari woy oghukum to tibow no otow, agad naikal pad woy ko namatoy on. Sapari no ka mongo otow. To pogpakasalo. Sapari no kandin to pogparayjun to oghimu to salo. Woy baghuti no kandan. No kinangolan no tibow mapariralom ka pogpanulu dan. ³ Su oghinguma ka timpu mo kono on ogdawat to mongo otow no natirot ka pogpanulu. Di talagpanulu. Di tongod to maroot no igkoupii ran. Ogpangita kandan to mongo talagpanulu no ogpanulu to kanta mismu no igkoupii to ogpamminog. ⁴ No dutu, og-inniyugan dan ka tumanan woy iyan o og ikulon ka mongo hinimow. ⁵ Di sikoykow Timutiyu layjon mahagtong to pogkootow no woy antusa nu ka mongo kalisogan. Parayjon ka panggugud to maroyjow no panugtulon, hoy himuwa nu ka tibo no igpohimu to Magbabayjo koykow. ⁶ Su moyitongod kodi. Nakaimu on ka timpu no igpaagas ka langosa ku no og iling to igpanubad hoy timpu no ogkawaro a dini to ampow to tano. ⁷ Ogpokoiling a to niglingkoso no inhimu ku ka taman to ogkoyimu ku, hoy naimpsan ku ka poglingkoso ku. Migdosdosonan ku mando ka karoyjawan. ⁸ No kuntoon, duon on intimus to Magbabayjo koddi no igbalos. To soon no mongo matularong. Kandin ka matularong nohun-a hoy og-uhan o kandin to mo hari no aldow. Di kono do no kanak do ka ogtatagad ko kono ka tibo no kono no ma bagadbagad no nigtatagad to pogpookouma din. ⁹ Igpalugos-lugos igpohondiyo to kandin no ogdagdagow do. ¹⁰ Nig ongkuran a ni Dimas tongod to pogsuman-suman din dini to kalibutan. Hoy nighondiyad on to Tisalunika, hoy si Krisinti nighondiyo to Galasiya. Si Titu nighondiyod to Damasku. ¹¹ Si Lukas do naan ka nigduma kanak. Puruto si Markus dow Alapa dini to kanak su ogmakabulig kanak. ¹² No su Tikiti, inpohondiyo ko to Ipisu. ¹³ Ko oghondoni kad, alapa no ka malayjat mo kampit no inguyat ko diyo ki Truwas, alapa no kayi la libyo ko hoy labow to tibo ka inpanulat ku no linohon. ¹⁴ No si Alihandru no nigpasayjo nigdoroot kanak. No ka Magbabayjo da naan ka ogbalus to mongo hinimu rin. ¹⁵ Likayji kandin su supak kandin to mgo pogwali ta. ¹⁶ Su sikan nigpangatarungan a diyo to hukuman. Waro iyan nigbulig kanak su in ongkoran a to tibo hinaut poron nigbulig kanak su in-ongkoran a to tibo hinaut poron no kono kandin ogpakasalo to Magbabayjo to soin. ¹⁷ Di waro a balagara to Magbabayjo, hoy inbuligan a to kosog no ogpanwali to tibow no maroyjow no Pamatbaton diyo to kono no mongo Hudiyu . Nigluwas a kandin tongod to nakapuun at kamatayjon. ¹⁸ Su ka Magbabayjo ogluwas kanak to tibo no maroot hoy ogtantanuran a nikandin taman to og uygamowan ad nikandin diyo to langit no pigharian din. Ogsulom on kandin to waro ogtamanan. Tutuu iyan mo maroyjow iyan. ¹⁹ Ipangumusta a ro ki Prisila hoy ki Akiw, hoy to pamilya ni Unisipuru. ²⁰ No si Irastu nigpoongkod diyo to Kurintu, no si Trupinu ingalat ko diyo to militu so maraluwan kandin. ²¹ Panaman ka hondini ko kono pad ogmahagsil ka timpu. Nigpangumusta koykow si Iyubulu, si Pudinti, si Linu, si Kluadiyu, hoy ka tibo no sulod ta kayi. ²² Ka Magbabayjo ko ogduma koykow. Dow ka karoyjow hoy kohid-u rin, ogkatanul now.