¹ No moyitongod koykow anggot, pakannokal ka pinabayjo to gahom no igbugoy to Magbabayjo to sooyjo so nasagboka diyo ki Kristu-Hisus. ² Sikan so narinog nu no inpanulu ko diyo to tangkaan to masalig no talagpamalogot, ipanulu no dodma diyo to mo otow no ogkasaligan oyjow igpanulu dan o dodma diyo to duma. ³ Antusa nu ka mo koyirapan duma kanami isip maroyjow no sundalu ni Kristu Hisus. ⁴ Ka sundalu no oghimu to kandin no katungdanan, konad ogkatinglingoy to tapoy no himu din so ogkoroyjawan sikandin no ogpakapahalo to agalon din. ⁵ No sooyjow so og apil to poglingkoso, kono ogpakuwa to unag din to kono sikandin ogtuman to balud to poglingkoso. ⁶ No ka otow no mabasok, kinangolan su sikandin ka ogpokohun-a og abin to pinamola din. ⁷ Sumsumana no ka inlalag ku, tongod so ogbuligan ka to Magbabayjo oyjow ogkasabut no sikan tibo. ⁸ Kono ka kalingow no si Hisu-Kiristu no kabugalan no panugtulon no inwali ko. ⁹ No tongod to pogwali ko to sikan maroyjow no panugtulon, inbaybayjaran a hoy inbako a iling to ogpanghinang to madoot. Koy naan ka lalag to Magbabayjo, kono ogkabako. ¹⁰ Koy naan og antoson ko ka tibo no koyirapan oyjow ogkaluwas ka mo otow no in alam to Magbabayjo pinabayjo ki Kiristu-Hisus hoy ogpakaglagkos to bantog din to waro ogtamanan. ¹¹ Lologoti iya ka lalagon no oghondiyo. Omon ko nigpatoy ki duma ki Kristu, ogko-oyjag ki dod ma duma kandin. ¹² Omon ko ogpabulos ki og antos, ogpakahari ki duma kandin. Nokoy naan ko kono ta og angkonon si Kiristu, kono ki dodma nikandin og angkonon. ¹³ Koy naan ko kono ki no matinumanon, ogpabulus do sikandin no matinumanon, su ka batasan din hoy ka oglalagon din, kono ogkabalbalawan.” ¹⁴ Ipasumansuman no naa sikan to nigpalintutu-u, hoy panpanayji no sikandan diyo to tangkaan to Magbabayjo no ogpoonong-onong o ka ogpaap-apuloy moyitongod to kaluwasan to mo lalag so waro katoowan duo hoy ogpakadoroot do sikan to ogpaminog kandan. ¹⁵ Pakannokal ka taman to ogkoyimu no to pogtuman to Magbabayjo, oyjow ogkaholo sikandin koykow. Ipanulu no naa ayjad-ayjad ka kamalogotan oyjow waro ogpokosipod to hinang nu. ¹⁶ Pakadiyo so sooyjo so oghinang to iling duo, ogpakapadiyo to Magbabayjo. ¹⁷ Ka sikan no guhuron, honduon to kogang no og-ot-ot. Iyan ogkoilingan to sikan no pogpanulu on si Himiniyu ki Pilitu. ¹⁸ Nigsuwoy o sikandan to kamalogotan. Nigpanulu sikandan no nigligad kono ka pogkouyjag to mo minatoy, hoy ogdorootan dan man o ka pogpalintutu-u to duma no otow. ¹⁹ Nokoy naan kamalogotan no duon to Magbabayjo, ogpokoiling to pabunsoran, kono ogkabalbaawan, hoy insulatan to iling kayi, “Nokoila ka Magbabayjo no Magbabayjo to koot otawan din, hoy sooyjo so og angkon no sakup o sikandan to Magbabayjo no Magbabayjo, kinangolan no og innilog o to agad nokoy no madoot.” ²⁰ Diyo to tutulosi no baloy, duo mo kasangkapan no inhinang duon to bulawan hoy plata. No duo dodma inhinang duon to kayjo hoy to tano. No hoy do oggamit ka mahal ko duo impurtanti no oggamiton, nokoy naan ko waro, iyan do oggamiton ka mo baratu. ²¹ Ka otow no ogdiyo-diyo to maddoot, ogpokoiling to mahal no kasangkapan no ogkagamit to Magbabayjo tongod su matulus sikandin, hoy ogkagamit to agalon din no Magbabayjo su andam o sikandin no oghinang to maroyjow. ²² Pakadiyo ka to maddoot no igkaroyjow to mo kanakan. No pakannokal no ka karoyjawan, duma to sooyjo so tibo no ogpangananoy to Magbabayjo duma to malinis no pusung. ²³ Pakadiyo ka man-o to waro katoowon no apulanan, su nakanongnong kad no diyo ogpangkos sikan to samuk. ²⁴ No ka suluguanon to Magbabayjo, kinangulan no kono ogpangogot, ko kono, maroyjow sikandin diyo to tibo no otow. Kinangolan dodma no ogkatoo sikandin no ogpanulu, mapadiralomon. ²⁵ Hoy kono no malangit ka pogpanulu din to mo otow no og apul kandin. No ko ma ko ogtogotan sikandan to Magbabayjo no og inniyog to salo dan hoy ogpakanongnong to kamalogotan. ²⁶ No duon duo, ogkaalimokawan a sikandan hoy ogpakaawo o ka nasahilot to agalon to mo busow, no iyan nigdakop kandan oyjow oghinang to igkoroyjow din.