¹ Ligkat ki Pablu no apustulis, no apustulis no Kristu-Hisus tongod to pogboot to Diyus, hoy igpa-alap oyjow to pamatbat to pigsa-ad no kinabuyi no nayimo ta pinabayjo to pogsagboka ta ki Kristu-Hisus. ² Para ki Timutiyu, ka pinaalanggo ko no anak: Ka Diyus no amoy hoy si Kristu-Hisus no amoy no Magbabayjo ta no nigbugoy purun koykow to grasya. Koyid-u hoy kalinaw. ³ Ogpasalamat a to Diyus no kanak no pigdayjan to malinis no kunsinsya inat pogdayjan to mo kaap-apuan ko maaldow hoy marusilom nigpasalamat a kandin tongod to kunlayjon a nigsuman-suman koykow diyo to mo pog-ampu ko. ⁴ Ogkasumansuman a ko ka pogsinogow no to pogligkat ko, amana a og kahulu no ogpakigkita a koykow. ⁵ Ogkasuman-suman ko ka malig-on no pogtu-u iling to pogtu-u to ampu no si Luyda hoy to inoy no si Eunice no nakahun-a koykow to pogtu-u to hugot no iling to pogtu-u no to kandan. ⁶ Tongod to soin, kona ka kalingow no og hugot no og gamit to gasa no pigbugoy to Diyus koykow to duon pigpadunggan ko koykow to mo bulad ko. ⁷ Su ka Ispiritu no nigbugoy to Diyus kanta waro nigyimu kanta no holakon ko kono nigbugoy kanta to gawun hoy gugma hoy pogpugung to kougalingon. ⁸ Koy na-an ka kono ka kasipod no oghugot diyo to duma moyitongod to Magbabayjo ta. Kono mando no koykow kag kasipud so nopirisu tongod to pogtu-u ko kandin. ⁹ Inluwas ki to Diyus hoy in-alam ki kandin, ogkoyimu no kaotawan din, kono no tonngod to noyimu ta ko kono tongod to ugalingon no tu-ud hoy grasya. Pigbugoy din kanta soin grasya diyo ki Kiristu-Hisus to sinugdanan. ¹⁰ Di kuntoon pigpapitow on kanta pinabayjo topog pogginguma to manluluwas ta no si Hisu-Kiristu. In awo din ka gawom to kamatayjon hoy pinabayjo to maroyjow no lalag pigpakita din ka kinabuwi no waro katamanan. ¹¹ Pigsugu a to Diyus to pogpamatbat hoy pog-anad to maroyjow no lalag iling to apustulis. ¹² Hoy katongod to soi nig antus a di waro ko soin inkasipod so nokoila a ko hontow ka intu-uhan ko hoy malogot a no duon gawum to pogtamong to inpiyal din kanak taman to aldow to poglibod din. ¹³ Sunura no panag-ilingan no ka tutu-u no mo inanad ko kaniyo hoy pa-ungkod ka to pogtu-u diyo gugma no inbugoy kanta tongod to pogkasagboka diyo ki Kristu-Hisus. ¹⁴ Tularonga ka maroyjow no mo butang salig koykow pinabayjo to gawum to Ispiritu Santu no nig-ugpo dinit kanta. ¹⁵ Nataga ka no pig ungkoran a to tibo njo nigtu-u no diyo to purubinsya to Asya, agad si Pigilu hoy si Hirmmuhinis. ¹⁶ No moyitongod ki Unisipura, ka Magbabayjo ka og koyid u kandin duma to pamilya rin tongod su pigdasig a kandin to kohon-in hoy waro din ikasipod ka pogkapirisu kio. ¹⁷ Ko lunus duon inpapitow a din to pog ginguma rin kayi to Ruma taman to nakita adin. ¹⁸ Ka Magbabayjo ogkayid-u ki Unisiporo to aldow to pog libod din. Nataga ka ko nokoy ka kadakol to inkabulig din kanak diyo to Ipisu.