¹ To iling duon nu paagi, kaniyo so na asaw on no mu Malitan, kinangulan no og paruma ruma kow to asawa now, so soyjow ko doon man diyo to kandan nu ogtuo to lalag to Diyos. Kono ko ogpaka palitutu-u rod kandan ko ogkakita nu maroyjow nu batasan now. No kono no kinangulan nu oglalagon now pad kandan. ² Tongod so ogkakita ran ka maroyjow no pog babatasan now hoy ka pog tahod now to Diyos. ³ Kono kow iyan igkasasow ka poghimmimasad to lawa now, iling to pog ayad-ayad to bubul. Pogsaluub to mahalon nu mu dayan-dayan to lawa hoy pog saluob to maroyjow nu kinabo, ⁴ Ku kono, iyan now himasari ka diyo to pusong now, su ka kuhun-inan to otow nu kono ogkabalbawalan no amana mahal diyo to Diyos, sika so mapariralom hoy matam-is. ⁵ Iling duon ka poghimmimasad nohon-a to mohon-in no mo malitan nu nigsalig to Diyos. Mapa ruma ruma kandan to mo asawa ran, ⁶ Iling ki Sara to nig palintutu to asawa ri nu si Abraham hoy iyan din igngaran ka “Agalon,” ni kaniyo naan on kuntuon ka mu anak din ku oghimo kow to maroyjow hoy ku kono kow ogkahaldok to agad nokoy. ⁷ No iling dod kaniyo no nig aasawa on no mo lukos, kinangulan nu ogtahuron now ka mu asawa now. Maroyjow now kandan tagaud to ogpalumongoy kow. So malotoy kandan kuntra kaniyo hoy nukog iling kow ru diyo to tangkaan to Diyos tungod so ogpakaangkon daan to kuhoy-o to Diyos nu sikan nu kinabuhi no waro ogtamanan. No himuwa now sikan oyjow waro ogpakabalabag to pog ampo now. ⁸ To katammanan. Kaniyo tibo,kinangulan ogsagbukahon now ka suman-suman now hoy kahimunawi now ka duna. No paul-ologay kow isip patahari, pogkahuy-oway kow hoy pariralom kow. ⁹ Kono now atuhi to maroot ka oghimo to maroot diyo to kaniyu, hoy kono now atuhi to ogdilus to ogdilus sooyjo so ogdilus kaniyu ku kono, atuhi now pinabayjo to pog panalangin kandin tongod so in alam kow to Diyos oyjow ogpakaangkon kow to panalangin. ¹⁰ So nasulat to kasulatan, “Aman ko doon otow ogpahimulus to kinabuho hoy nangandoy to Maroyjow so pog ugpo din. Kinangulan kono kandin oglalag to maroot hoy og uubat. ¹¹ Kinangula nu og-iniyugan din ka maroot hoy oghimo on kandin to maroyjow: kinangula nu ogpakannukal kandin nu duon kaliyagan dan to mo duma ran. ¹² So ogbantayjan to Diyos ka mo matarong hoy ogpaminugon din ka pog ampo dan, di ogsupak kandin to sooyjo so oghimo to maroot.” No huntaw naan ka ogkadoroot kaniyo ko mabaghut kow no oghimo to maroyjow? ¹³ No huntaw naan ka ogkadoroot kaniyo ko mabaghut kow no oghimo to maroyjow? ¹⁴ Di agad pad ko og antus kow tungod to pog now to maroyjow, og panalanginan kow. No kono kow kangahaldok to mo otow hoy kow kaaras. ¹⁵ Ko kono, tahura now iyan si Kristu isip Magbabayjo now. No pangandam kow layjon ka og pangatarungan to sooyjo to ig-inso kaniyo mayitungod ogpallatugon to niglamin tutu-u. ¹⁶ Di tabaka to kuna no malangit hoy duon pog tahud. Kinangulan nu layjon malimpiyo ka kunsinsya now. So sooyjo ko duon lalag no maroot kanyo, ogkasipuran kandan to maroot no inlalag dan ku ogkapitow ran nu maroyjow ka posbabatasan now isip nig palintutu-u ki Kiristu. ¹⁷ Ko pog buot man to Diyos, maroyjow pad ka ug antos tungod to pog himo to maroyjow du tu pog himo to maroot. ¹⁸ So nig nig antos daan si Kristo to sagbuka ru para to salo to mo otow, nu waro iyan kandin naka salo, di inhimatayjan kandin para to makasasalo oyjow to pog alap kanta diyo to Diyos. Nig antos kandin to kamatayjan to lawa rin. Di nauyjag ka Espirito din. ¹⁹ Nighundiyo ka Espiritohanon din nu namabtbat to mu Espirito no napiriso. ²⁰ Ka sikan nu mo Espiritu ka waro nigpa lintutu-u nohon-a tagaod to nigpangimu pad si Nuwi to Arka, no waro napura ka Diyos nu ogtatagad kandan, no doisok do ka diyo to Arka nu naluwas to wuyig so walu ra iyan no otow. ²¹ No sika nu wuyig, iyan inpoilingan kabuwutismo no iyan nakaluwas kaniyu kuntuon pinabayjo to gahum to pog oyjag ni Hisu Kristo. Ka buwutismo. Kono nu pog awwo to bili to lawa, ko kono, ka poghangyo diyo to Diyos nu oglimpiyohan din ka konsinsya ta. ²² No kuntuon, diyad on si Hisu Kristo to langit diyo to ogkakawan to Diyos. No kandan ka nigmando to tibo nu mo diwata, to duon mu katungod hoy mo gahom nu kono ogkakita.