¹ Aman o nautow ki pag usab, oyjowi now on ka madduot. Ko kow ug mauubat hoy ugpa limo-limo. Ko kow ugkoima to maroot diyo to mo duma now. ² Anat to batu nog susu to inoy din, namantamani now ka Espirituhanung gatas. No waro sagul oyjow ugtulin kow hoy ugdawat now ka hingpit no kaluwasan. ³ So naguram now ka Magbabayjo moaroyjow iyan. ⁴ Kandin ka nuoyjag no koiling to Bato no inbalagad to mo otow. Di alan to Diyos hoy kinaagnlan to kandin. Tagaud nakarani kow on kandin. ⁵ Ko ug kagi kow to mo nauyjag no bato no inpasasindog to Diyos suman-suman to sabuka no Espirito nahanong baloy. Hoy suman-suman to inalam to Diyos, tala pag kow kandin to ispirituhanong no talapag nog koholo kandin tungod so in talapag pinaagi ki Hisu Kristo. ⁶ So nigkagi ka Diyos to kasulatan, duon in alam ku nog hari diyo to soin. Iling kandin to maroyjow no bato no kanak no inhimo no inposokan. Ka nig tuu kandin kono ugkasipuran. ⁷ Hoy naan iyo no nig tuu no ogpabantogan to Diyos. Di ka mo otow no waro nig tuu ugka tuman ka kasulatan no nigkagi, ka batu no insamsam ilig to mo talgbantoy nasi noyimo no naka hiruson no pabunsuran. ⁸ No duon pad man do diyo to kasulatan no nig kagi, soin ka batu no ogpakasaligkat to mo otow hoy naka patakmo kandan. Ogkasaligkat kandan tongod to waro kandan nig tuu to Diyos. No iyan kakabubut-on to Diyos parakandan. ⁹ Di kaniyu ka in alam no mo otow, ka mo pari to hari, hoymo otow to Diyos. In alam kow kandan oyjow ogpangguhod to totolosi no hinimuwan dan. Kandan ka nig umow kaniyo ligkat to karusikuman puhondiyo to koin inuwan no kalayjag dan. ¹⁰ Dunga pad, kono kow no kuut-utawan to Diyos, di kuntuon, kuut-utwan kow on kandin. ¹¹ Mo sulod, puun su migtalagtuud kow ro nig ugpo hoy langyaw to kalibutan, ogbag guton kaniyo no pariyo kow to maroot no kono igkaliyag now no makasasalo no layjon ogpakig-ugat to gimukod niyo. ¹² Maroyjow niyo ka pog babatasan dan taliwaro to mo otow no waro nig tuu to Diyos, ugka kita dan ka kaniyo no maroyjow no hinimo, ogsayjo kandan to to Diyos to Aldow to pog libod dan. ¹³ Tungod to Magbabayjo, tahura now ka tibo no Agalon: ka Empirador so kandin ka labow no pangulo, ¹⁴ Ka mo Gobernador ka og suguon to Empirador to pog parusa to sooyjo to og pokoyimo to maroot, hoy ka ogparoyrayjon to suyjo so iggimo to maroyjow, ¹⁵ So soini ka kabubut-on to Diyos ima rin no ogka saparan now ka waro pulos no mo lalag to sooyjo ugkaclangog pinabayjo to hinimuwan now no maroyjow. ¹⁶ Ugpo kow iling to mo otow no duon duon kagawasan, di kono now gamita ka naniyo no kagawasan to pog bonbon to maroot no hinimuwan, ko kono ugpo kow iling to Uripon to Diyos. ¹⁷ Tahura now ka tibo no mo otow, ginawai now ka duma now no nig tuu, kahaldok kow to Diyos hoy tahura now ka Empirador. ¹⁸ Iyon mo suluguanon, kinahanglan no paruma ruma kow to mo Agalon now duma to pogtahod kandan. Kuno do raan to muhihid-uwon to maroyjow kuno to maraog daog. ¹⁹ Iyo panalanginan ko to Diyos tungod to pog sumansuman now kandin, og antuson now ka mo pogbayjad bayjad no hoy maraog daog. ²⁰ Kono kow og kasayjo ko og panlampusan kow tungod to maroot no hinimuwan now. Di ka maroyjow ka hinimuwan now hoy og antos kow tongod doon, og kaholo ka Magbabayjo kaniyo. ²¹ In pangumow kow to Diyos oyjow og antus so Kristu no og antus tungod kaniyo hoy migbogoy kandin kaniyu to pogkagi oyjow sundula now. ²² Waro kandin makasalo hoy waro nig uubat. ²³ No indaug daug kandin, waro kandin migsuli no indoog-doog no naraluan kandin, ko kono, migsalig kandin to Diyos, no ka matularong no Maghuhukom. ²⁴ Si Kristo ka mig oyjon to mo salota pinabayjo to pog lansang to lawa rin diyo to Kurus oyjow kono kid ogpakasalo, ko kono, og kamatarong on ka pog ugpo ta. No pinabayjo to mo pali din, no no ulian kow on. ²⁵ So kaniyo kahun- a nokoiling ko to mo karniru no nanlaag, di kuntuon nakalibod kow on diyo to talag tumong hoy talag tanggu to kaniyo no mo kalag.