¹ 1Kanak si Pedru no nig oyjon to soin sulat, Apustolis a ni Hisu Kristo. Ogpangumusta a kaniyo no inpili a to Diyos, no inat to lumalaag to mo lalawigan to Ponto. Galaeasya, Asya, hoy Bitanya. ² Inpili kow sumalo to tood to Diyos no Amoy hoy piggiymono Balaan no kautawan ponabayjo to Espiritu oyjow kow ki Hisu Kristo hoy ogkalimpyuhan kow to langusa rin. Ogka kaniyo puron ka Graya hoy palog sima sima to Diyos. ³ Ogdayanon ka Magbabayjo hoy Amoy to Magbababyjo ta no si Hisu Kristu! Su tongod to dakol no koyid-u rin, imbohayan ki nikandin to iyam no umul pinaahi to pog-uyag ki Hisu Kristu. Purisu mapahotpot ki no ogpallatong ne og-uyahon ki rod dogma kouromo. ⁴ No ka intahaho to Manama kaniyu diyo to langit, kono sika ogkamowu, kono ogkabiluwan, woy kono ogkaawo. ⁵ Tongod to pogsalig niyu to Manama, ogtamongan kow nikandin pinaahi to goom din, taman to ogkarawat niyu ka kaluwasan no igpakita to katammanan no timpu. ⁶ Koy naan kaangayjan now igkaholo soin agad to pog ka kuntoon kinangulan nog antos kow to majupot no panawon tungod to Dakol no bagla kaniyo. ⁷ Ka tuod to soin iyan ka Bala ko tutu-u kaniyo no pog tuuso agad ka bulawan og antihan pinabayjo to hapoy. Ka kaniyo nu pog too no moyinongdanon pad kono to bolawan og antihan daa. Tongod to soin ogkadaw-wat now ka mo pog dayjan, himaya ho dongog to aladow igpanlalag on ni Hisu Kristo. ⁸ Niggoynawa now kandin agad to waro kow ad nakakita kandin, hoy nig too kow kandin agad to waro kow pad nakakita kandin taman kontoon no konog kalitok ka lalag ⁹ So nakadawat kow too unud to pogtuu no to iyan ka kalipwasan. ¹⁰ Ka mo purupita no nig panagno moyitongod to karojow hoy koyid-o to Diyos no inbogoy kaniyu. ¹¹ Nig maan-maan kandan ko kagan-o hoy nokoy no paagi nog moko uma soin. Soin panawon iyan pig anad to Espirito ni Kiristo no doon to kaniyo, sumalo to pigtagno to Espirito. Moyitongod to mo pog antos ni Kristo hoy to Himaya nog ikol to soin. ¹² In pataga to Diyos to mo purupita noka oighisgutan dan kono no para to ogalingon no karoyjow ko kono para kaniyo. Soin mo botang narinog now ligkat to nig panon to maroyjow no lalag pinabayjo to gawom to Espiritu Santu no nig paalap ligkat to langit soin ka mo botang no karoyjow kog kasabutan now agad to mo diwwata. ¹³ Koy naan ka in andam now ka umansuman now oyjow to poggiyimo to igkaholo to Diyos, hoy koilangan noka pog iman toa no panalangin no inbogoy kanta to pog uli ni Hisu Kristo to horiyan no Aldow. ¹⁴ Og matinomanon kow no anak to Diyos. Koilangan no kono kow pa duma-ruma to maroot no igkaholo to lawa now, inat innimo now nahun-a no waro kow pad na taga to tutu-u. ¹⁵ Di kinaanglan nog tularong kowvinat Diyos nog nigtularong kaniyu no nigpili kaniyu. ¹⁶ Tungod to nasulat on to Kasulatan, “kinonglan nog tularong kow tungod to matularong a,” ¹⁷ Ka Diyos no am-amoyon now ko ig ampo kow, ka oglugpad to waro pogdapig to tibu no mo otow sumalo to hinimuwan dan. Tahura now kandan togood nigtogood kow pad nig ogpo kayi to ampow to tano. ¹⁸ Nataga kow on ko nokoy ka ingamit to Diyos to poglikat kaniyo oyjow poglipwas kaniyu ligkat to karuotan pogkinabuyi no na sunud to mo kaap-apuan, kono no butang no warod pulus inat dipalata o bulawan. ¹⁹ Ko kunu, sikan no mahal no langusa ni Kristu ka ingamit din. Inat nati to karniru no waro mansa. ²⁰ Pig pili kandin to Diyos to waro pad ig giyuoka ingod hoy inkagi din on to kaupusan no mo aldow tungod kaniyo. ²¹ Pinabayjo kandin nig tuu kow to Diyos no iyan nig oyjag hoy nig pabantog kandin koy naan ka pog tuu hoy pog iman no diyo to Diyos. ²² Kuntuun no malimpyo on ka suman suman now pinabayjo to pog tuman pog tuman hoy duon tutuu. No gugma para to ugtuu, dinakula kow to guynawa no ligkat to pusong now. ²³ So kaniyo na otow kow on tog isab kunu no pig otowan no paagi to pog ka oyjag hoy waro katapusan no kalag to Diyos. ²⁴ So nigkagi ka kasulatan, “ka tibo no mo otow inat hilamunon, hoy ka tibo no karoyjow inat bulak ka hilamunon ogka gangu ka hilamunon hoy ogkangatagat ka mo bulak din. ²⁵ Di ka lalag to Magbabayjo, ogparayjon to waro ogtumanan.” kasikan no lalag, maroyjow no lalag no pig pan lalag diyo to kaniyo.