¹ Nayan menge kedowa, onto se keido te timanem kanitadon, mepunu a den kenyo nge ihalad niyo se kenyo pegkeotawun isip pedowan nge ihalad alang te Timanem. Kinewaen din se kenyo pegkeotawon te pog-alagad kandin sumala te kandin nahimut-an, yan ini se taman nge pegsimba te Timanem. ² Ika niyo egtaking te menge ketanem te menge otaw dini te kenayonan kaibega niyo se timaenm nge metolid se kenya aneng-aneng, amon ketegahan niyo se kabubut-on te timanem ko eden se mepiya hingpit aw se kelubahan din. ³ Ingon nge apostol, nge yan se grasya nge inbegay te Timanem kenaken, kagihan ko sekeyo kelahat nge eked kaw angay peg-aneng-aneng aw labaw kay te benal sekenyo pegkasawol, koneked aneng-anenge niyo onto kon eden se kenyo menge katakos sumala te pegpamenal nge inbegey te Timanem kenyo. ⁴ Kay pesalo nge se kanita pegkeotawon doen mideta nge bahin aw se keda bahin doen seba-sebad ka inangen. ⁵ Yan heman sekenita dan menge egpemenal, pengkey heman medita kidon, sebad lang kidon ka lawa te kanitadon pegsebad Cristo aw kabahin kidon te sebad-sebad. ⁶ Aw onto kay se metag sebad kanitadon doen kandin gasa nge nedawat sumala te grasya te Timanem, gamiten tadon ini se kandin inbegay kon doen inbegay aw gasa te pogsugilon ta kagi te Timanam, gamiten din iyan sumala te kandin pegpemenal. ⁷ Aw kon doen binegayan aw gasa te pegtelaban te kandin pegkeotawon keilangan megtelaban kaw te pegtolada keilangan sikandin negtolada. ⁸ Kon doen gasa te pagdasig, keilangan sikandin modasig te doma, aw te pemegay te menge kabos memegay dan nge wedad tihik-tihik aw te pagdumala sikandin nge doen keasab, aw kon te pegtabang te menge neglisod, tumabang sikandin nge doen keluba. ⁹ Keilangan nge benal onto se kenitadon paghigugma likayen tadon se medaet aw enangen kanunay se mepiya. ¹⁰ Isip menge kedowa ki Crsito maghinigugmaay onto kidon aw magtinahoray te sebad-sebad. ¹¹ Ika niyo egkataka imag-alagad kidon te Timanem te kinasingkasing onto. ¹² Aw onto kay doen kenitadon paglaom nge mepiya se kenitadon dumadatengay keilangan meluba kidon antosen tadon se menge egpelimanen aw megtawal -tawal kidon gayed. ¹³ pegtabang tadon te menge bata te Timanem te kandan ebeg aw dawaton tadon te kanitadon balay se menge mepanaw. ¹⁴ Pemoyo kaw te Timanem nge keidowan din se menge otaw nge epemilang kenyo. Ika niyo egpemoyo nge silotan dan te timanem. ¹⁵ Keluba kaw doma te menge neluba aw pagsubo doma te menge nangasubo. ¹⁶ Keilangan onawa te kenyo pegtagad te matag sebad. Ika niyo pagmahitas-an hinoon pakighigala kaw te menge otaw nge mebaba aw pegkesewol. Ika niyo eg-aneng-aneng nge te kebenalan onto sekiyo. ¹⁷ Pengkey doen meg-inang te medaet kenyo ika niyo egbalos aw medaet. Hinoo aneng-anengi niyo kon eden nge pemaokit keyo makainang te mepiya muna te menge otaw. ¹⁸ Taman te kenyo me-inang likayi niyo se kesamok te kenyo pakigdoma te kelahat menge otaw. ¹⁹ Menge hinigugma, ika niyo egmalit, kon kena pebeyai niyo sikandan te Timanem nge yan se megpelumun kandan kay te insolat mikagi te Timanem nge yan se megpelumun, kenak se megmalit kandan. ²⁰ Meneng sonoden tadon se inkagi te kesolatan, aw se kamno kebolaw belosen, pekani, aw melao peinemi, niyo so pineokit dan ini meyaya dan te kandan eg-inang kamno. ²¹ Ika niyo egpadaeg te medaet, kon kena pedeoge niyo se medaet pineokit te peg-inang aw mepiya.