¹ Binagayan ki i Cristo te keluwaan te sala amon eked kiden pegpeallang te punu. Lig-onen tadon se kinitadon pegpemenal aw eked kiden pegpeallang peman toda. ² Aneng-anengi niyo ini aw siak mismo, si Pablo, se mig-indan nini kenyo. Aw megpetuli kaw pa isip pegtuman te punu, egwedad niyo se ininang i Cristo amon meketuwa kaw te sala. ³ Aw mikagi a peman toda te menge otaw nemenal keilangan megtul amon mekeluwa, keilanga tumanen dan se kelahat kidoen te punu! ⁴ Kon sumalig kaw toliden kaw te Timanem pineokit te kenyo pegtuamn te punu, siini negkehulugan ulo nga nahimulag kaw ki Cristo, aw weda kaw den mahilakip te keido te Timanem. ⁵ Meneng sikitadon nga kidoen ki Cristo simalig aw negtagad nga toliden. ⁶ Aw kon kidoen kidon den ki Cristo Jesus kana den impurtanti aw tinuli kiden aw kana, se kinitadon pegpemenal yan se impuratnti, se pegpemenal kitaen pineokit te kinitadon peghigugma te kinita duma otaw. ⁷ mepiya se kenyo ininang kedengan sine man se simagda kenyo te pegtoltol te kebenalan? ⁸ Eked kepakay se Timanem tumawal kenyo so yan peman se simagda kenyo te pegpenoltol te kebenalan. ⁹ Se menge otaw nga nehisalaag kidoen kenyo iling te yiot pegpelly pengkey deitek olo, mekepelebag te kedakel pigmasa harina. ¹⁰ Meneng doen onto pegsalig ko te Timanem nga se kanak egtulada kenyo yan se kenyo toltolen. Kena menge otaw kidoen migsamok kenyo, pengkey sine dan pa yan, silotan dan te Timanem. ¹¹ Doen minikagi nga megtulada a ekon te otaw keilangan tulien amon mekeluwa te sala. Menge keduwa, eka niyo egpemenal niyan. Kay aw benal iyan, nenga gilutos a dan pa? Aw migtulada a pa niyan, wedad a peden kekemuwan se kanak pegtulada nga se otaw mekeluwa lekat te sala pineokit te kemetayen i Cristo te krus. ¹² mepiya se menge otaw nge negsamok kenyo pineokit te pegtulada keilangan kaw megpetuli kana ulo megpetuli aw kena kapnon dan onto se kandan pegkeotawen! ¹³ Menge keduwa, tinawal kaw te Timanem amon mapakay kaw makaluwa lekat te sala. Meneng eka niyo eg-aneng-aneng nga mekeluwa kaw den siini te pegtuman te kenyo kineiya. Se angay niyo inangen meghigugmaay kaw aw megtinelabanay. ¹⁴ Kay se dedakel nga punu netingob te sibad ulo ke sug, "Higugmai se kamno duma otaw iling te kamno peghigugma te kamno pegkeotawen." ¹⁵ Meneng aw gayed kaw megbolaw iling te mebolok nga menge ayam-ayam, pegbantay kaw kay besi megubal niyo se pegpemenal te meteg-sebad. ¹⁶ Se kenak pesabot, toloi niyo se Espirito Santo amon eked niyo keinang se medaet nga aneng-aneng te kenyo tawhanon nga kineiya. ¹⁷ Kay se aneng-aneng te kenita tawhanon kineiya supak te aneng-aneng te Espirito Santo. Aw se aneng-aneng te Espirito Santo supak peman te kenitadon tawhanon nga kineiya. Siini duwa negselumpaki, so nayah eked kidon kepakay se kenitadon ibeg inangen. ¹⁸ Aw kon megpeallang kidon te Espirito Santo, eked kidon ilalom te puno. ¹⁹ Se menge otaw timoltol ulo te kandan kelibulanon keneiya kilalen onto te kandan ininang, eglayok te kana kandan esawa, melipa aw malaw-ay se kandan menge ininang, ²⁰ nenemba dan te menge dios-dios, menge egbabarang, megdumot, metiotik, eg-inga dali meopal, demeten yan se lenekat din te pegtenga-tenga te pegtipon-tipon, ²¹ egkeibeg te kedonan te duma otaw meteinem, gayed eg-inang te kelibotanen nang nga keleba, aw duma pa ininang dan melipa pig-indanan ko den sikeyo kedengan so nayan siini pesidan-an ko sikiyo peman toda, se menge otaw mig-inang nini eked peketoltol te balay te Timanem. ²² Meneng siini se kitaen te kinabuhi te otaw aw se Espirito Santo yan se makagagahom kandin: Mahigugmaon sikandin, melipayon, doen kelinaw, meinantoson, mepiya kandin pegkeotawen, kene demeten, keseligan, ²³ buotan aw mekepugong te kandin pegkeotawen. Aw yan ini se kenitadon inangen eked tadon lapasi se menge insugo te Timanem kenitadon. ²⁴ Piglansang den te menge otaw i Cristo Jesus se kandan tawhanon nga menge keneiya aw ibeg doton te krus. ²⁵ Aw tanda te binagayan kiden din te kaling den se pedowan te Espirito Santo, keilangan tomoltol kidon kandin. ²⁶ Eked kidon pegpelangkaw-langkaw eked pegbolaw: Aw likayan tadon se peg-ingaay.