¹ Siak si Apostol Pablu. Se kanak pegke-apostol kena lekat te otaw o pineokit te otaw, kon kena pineokit ki Jesu cristo aw te Timaneme nga Amay nga neg-antay kandin lekat te kemetayen. ² Siak aw se kelahat dini nga menge telekedowa ki Cristo nengemusta kenyo nga menge egpemenal ki doen te menge lungsud te Galasya. ³ Hinaut nge mekinawa niyo se Grasya aw kelinaw lekat te Timanem nga kinitadon amay aw ki Timanem Jesu-Cristo. ⁴ Imbegay ni Crsito se kandin pekeotawen amon mepesaylo ki te kinitadoen menge sala aw amon meluwas ki din te kededatan nga neghari dini te keneyonan. Ininang din ini tongod kay yan ini se plano te kinitadon Timanem aw amay. ⁵ Iduyun se Timanem te wedad temanan! Amin. ⁶ Nepela a onto nga mola den onto alang kenyo se pegtinggetan lekat te Timanem nga timawal kenyo pineokit te grasya ni Cristo aw se pegpemenal te lain nge pig-ikagi dan mepiya indan. ⁷ Se benal weda den lain pa nga mepiya indan. Nehisgutan ko ini tongod kay doen menge otaw nga negsamok kenyo, kay ebeg dan nga toisen se mepiya indan tepad ki Cristo. ⁸ Meneng aneng-anengi niyo ini: Bisan pa se anghil nga lekat te langit aw bisan pa kenami se egsangyaw te mepiya indan nga lahi kay te mona day, insangyaw kenyo Tollonen te Timanem! ⁹ Nekeikagi kay den kedengan, aw seini todaen ko nga se bisan sinu nga negtolada kenyo te Mepiyan Indan nga lahi kay te kenyo nekinawa lekat kenami, tollonen te Timanem. ¹⁰ Eka niyo eg-aneng-aneng nga ebeg ko olo nga iduyun a te otaw. Kena! Eleg ko nga se Timanem yan se domeyun kanak. Eka kaw heman peg-aneng-aneng nga ebeg ko olo negpeuyun-uyun te ebeg te menge otaw, kay kon iling kenyan se kanak pig-inang, kena a benal nga suguonon ni Cristo. ¹¹ Ebeg ko nga ketegahan niyo menge kedewa, nga se Mepiya Indan nga kanak pigsangyaw kenyo kena inang-inang olo te otaw. ¹² Weda ko ini kinawai lekat te otaw, aw wedad otaw nga negtolada nini kanak, kon kena se Jesu-Cristo onto se negpadayag nini kanak. ¹³ Dinineg niyo sa kanak manga pig-inang te dalem negsunod a pa te rilihiyun te menge Judio. Piglutos ko te wedad keido se menge memenal te Tmanem, aw pigpeningkemotan ko nga laglagen se kelahat dan. ¹⁴ Aw kon tepad te pegtoman te kenami menge tulumanon te rilihiyun te menge Judio, nelepasan ko se keditaan te kanak unawa edad nge menge Judio, kay pegpeningkamotan ko onto nga tomanen se menge tulumanon te kenami menge kemonaan. ¹⁵ Meneng pigkeidohan a te Timanem, kay te weda a pa keotaw pinemalli a din den daan aw pigtawal nga suguonon din. ¹⁶ Aw te dalem pigpedayag te Timanem kanak se kandin bata nga si Jesu Cristo amon iwali sikandin doton te menge kena Judio, weda a pegpetambag ki bisan sinu. ¹⁷ Weda a heman doton te jerusalem amon peglagbak te menge suguonon nga nekeuman kanak, hinuon, dimoton a dayan te arabya,aw pegkepenga limiko a te Damasco. ¹⁸ Pegkepenga te telo si omay, dimiton a te Jerusalem amon peglagbak ki Pedro duwa siman ko nigdoma kandin. ¹⁹ Wedad a lain nge kinita doton nga menge suguonon gawas olo ki Santiago nga kedowa te Timanem. ²⁰ Benal se kelahat pig-indan-indan ko seini nga sulat, aw neketaga-taga se Timanem nga weda a pegkebolalaw. ²¹ Penga niyan dimoton a te probinsya te Sirya aw Silisya. ²² Sida nga higayon weda a pa kitai te menge nemenal te Judiya. ²³ Dinineg dan olo nga se neglotos kandan kedengan, negsangyaw den seini te pegpemenal nga kedengan pigpeningkamotan din nga pigweda den. ²⁴ Nayan pigduyun dan se Timanem tongod te ininang din kanak.