¹ Siak si Simon Pedro nga elagad aw Apostol i Jesu-Cristo. Nengumusta a kenyo nge egpengintoo ki Jesu-Cristo nga Timanem tadon aw menlolowas. Aw tepad kay sikandin metinaw se kandin imbegay kenyo nga pengintoo iling heman kebililhon te kandin imbegay kenami nga pengintoo. ² Hinaot nga meteg-apo niyo se dugang pa gayed nga grasya aw kelinaw te kenyo deleg nga pegkilala te Timanem nga yan si Jesus nga Timanem tadon. ³ Se tolos te Timanem egpemegaykinitadon te kelahat kepelekan tadon te pegkinabuhi nga diosnon kinitadon pegkilala kandin nga egtawal kinitadon. Pigtawan kidon din pineokit te kandin kepelahan nga tolos. ⁴ Aw pineokit heman kani binegayan kidon dini te bililhon gayed nga menge pakang, amon pineokit kani nga menge pakang mesaway tadon se menge keibegan dini te keneyonan nga mekedaet kenitadon aw mekeambit kidon te diosnon nga oldin. ⁵ Nayan, peningkamoti gayed niyo nga idugang te kenyo pegtoo se mepiya betasan te kenyo mepiya pemetasan se ketaga. ⁶ Te ketaga, se pegpogong te keotawen: te pegpogong te keotawen, se pegmeantosen; se pegmeantos; se pegkena diosnon. ⁷ Te pegkediosnon te peghigugman te kenitadon menge kedowa ki Cristo, se peghigugma te kenitadon menge kedowa ki Cristo; se peghigugma te kelahat. ⁸ Kon sini kelahat hiyas kidoen kenyo aw nagadagaya, mepolos se kenyo menge ininang te kenyo pegkilala te kenitadon Ginoong Jesu-Cristo. ⁹ Meneng si bisan sine nga wedad kani nga menge hiya, bota te kebenalan, nelibelan din nag netigmesan den sikandin te Timanem te kandin menge sala gebii. ¹⁰ Nayan menge kedowa ko ki Cristo, peningkemoti gayed nga mesiguro niyo nga sikeyo benal nga menge tinawal aw menge pinemalli te Timanem kay kon inangen niyo sini nga menge keduni eked kaw gayed kepokan. ¹¹ Kon kena meinang abli se pegdawat kenyo doton te wedad temanan nga gingharian te kenitadon Timanem aw menlolowas nga si Jesu-Cristo. ¹² Sian iyan nga gayed ko sikeyo peengeng-enengan bahin kani nga keduni, bisan netegahan niyo den ini aw magsen kaw din kidoen te kebenalan nga kenyo nedawat. ¹³ Alang kanak, angay onto nga peeneng-enengan ko sikeyo gayed tilobo bugi a pa. ¹⁴ Kay netegahan ko nga eked a den kenamay dini te keneyonan tepad kay igpetaga-taga onto ini te kenitadon Ginoong Jesu-Cristo kenaken. ¹⁵ Nayan peningkemotan ko nga bisan kon wedad a den, meeneng-enengan pa gihapon niyo sini kanak igtolada. ¹⁶ Se kenami inikagi kenyo bahin te tolos te kenitadon Ginoong Jesu-Cristo te dini pa sikandin te keneyonan kena kebobolaw olo nga menge ondanen, kon kena neseksihan day onto se kandin tolos nga lekat te Timanem. ¹⁷ Kay sian indeyen aw igpesidengeg si Jesu-Cristo te Timanem, dinineg day te kagi te mekegegahom ng Timanem nga nekeikagi, "Sini ini se kanak ighigugma nga bata, neluba a onto kandin." ¹⁸ Sini daging nga lekat te langit dineneg day te sida doma day si Jesus doton te balaan nga bontod. ¹⁹ Sini ini se lekatan nga nedogangan pa onto se kenami pegtoo te menge pegtulun-an nga igtolada te menge propita. Nayan angay niyo patalenghogan se kandan igtolada tepad kay iling ini te sebad ke solo nga negeiwag te mengitngit nga dapit hangtod te aldaw nga domateng si Cristo. Iling sikandin te kabugwason nga meglamdag te kenyo aneng-aneng. ²⁰ Labaw te kedita timan-i onto niyo ini: Se kelahat nga nekesolat te penu kena kaogalingon nga pegkelabet te menge propita. ²¹ Tepad kay weda dan peg-ikagi somala te kandan keogalingon nga aneng-aneng kon kena ng tolosan dan te Espirito Santo te peg-ikagi te penu te Timanem.