¹ Menge hinigugma tungod nini nge menge inikagi te Timanem kenitadon, tenananden tadon se kelahat nekepelipa te kenitadon tibook, nge pedowan aw tinguhaon tadon nge meinang limpyo se kenitadon pedowan nge doen pegtahod te Timanem. ² Aw poydi, begaye kay niyo luna te kenyo kasing-kasing weda kay peg-inang aw madaet te bisan sine kenyo, weda heman kay pegdaet o mamintaha kenyo. ³ Weda a ikagi niya te peghokom kenyo so iling te kenak inikagi sedakey, gihigugma onto day sikeyo aw pengkey eden se mehitabo, buhi aw nematay megsebad onto kidon. ⁴ Dakel se kenak pegsalig kenyo aw ipegduyun a onto sikeyo. Pengkey medita nge kelimahan se kenami nesinatean onto se kenak keluba te kidoen`dinineg a tepad kenyo. ⁵ So pengkey te pegdateng day te masidonya, weda gayed peg-atod se kenami lawa tungod so pengkey kenan nelimahan kay, egbolay kay te menge nagbatok kenami, aw nebalaka heman kay tungod te pegkesawol te menge egpemenal. ⁶ Meneng se Timanem nge negedayeg te menge masulob-on yan se negdayeg kenami pineokit te pegdateng itito. ⁷ Weda olo se kandin pegdating se nekebegay aw kedasig kenami, kon kena se kandin heman nge inindan nge gedeyeg niyo sikandin, inindenen kay din dimela sikeyo kenaken aw negool sikiyo te nehitabo aw igdapetan niyo a meneng neluba onto a seini. ⁸ Pengkey aw nekeandos dakey kenak insolat kenyo, weda a pegmahay nge insolat ko sekadey te mona benal nge negmehay a so kinita nge nasubo sikiyo, pengkey te alok-alok olo. ⁹ Meneng songkani neluba a kena tungod so nesubo sikiyo, kon kena tungod so nadakey se neinang asonto nge migselsel sikiyo so gipasubo sikiyo sumala te pegboot te Timanem, meneng weda pegbegay aw mekedaet kenyo sedakey kenami insolat. ¹⁰ So se kasub-anan nge sumala te pegboot te Timanem neg-ated te otaw doton te peselsel aw siyan negresulta te kelowasan aw ini kena angey pegmahayan meneng se kesuba te menge otaw nge weda kilala te Timanem nengibing kandan doton te kemetayen. ¹¹ Tengtengi niyo se resulta dakey kesubo nge dimateng kenyo sumala te pegboot te Timanem, neinang sikiyo interisado te pegkita kenami nge melinis sikiyo lekat dakey sala nge kenak inikagi kenyo, neopal onto sikiyo te nekeinang dakey nge sala aw nelamitan sikiyo aw eden se meinang sangpotanan doton, ibeg onto niyo nge lomiko a heman se kenitadon tapay nge relasyon impelumun pa onto niyo se nekainang dakey. Aw te kelahat botang ipekita niyo nge sikiyo wedad gayed tolobagen dakey nge sala. ¹² Meneng dakey kenak insolat kena olo te nekeinang aw madaet se ininangen aw madaet, kon kena labi den onto para kenyo kelahat amon te mona te Timanem mapadayag onto niyo se kenyo pegkematinod-anen kenami. ¹³ Aw pineokit nini negdayeg kay aw kena so siyan olo, nedugangen pa onto se kenami neluba te kideon pegkita day nge neluba si tito, so weda den kandin kabalaka mehitungod kenyo. ¹⁴ Induyun ko sikiyo doton ki Tito te kideon neg-estoryahanay kayden kebahin kenyo. Aw weda a keyaya so netegahan din nge benal se kenami peg-indan kandin. ¹⁵ Aw keda meaneng-anengan i tito nge sinonod day kelahat te kandin inikagi aw dakel se kenyo pegtahod, e nedugang pa onto se kandin pedowan kenyo. ¹⁶ Aw neluba heman saken so keseligan a onto sikiyo.