¹ Pegtolada ka te kadita allang, kailangan onto dan tomolo te amo dan, amon nge wedad otaw megtampuyos te Timanem, aw wedad heman otw mekesila te ipegtolada tadon. ² Aw kon sen kandan menge amo egpemenal heman aw telekedowa dan kidoen ki Cristo, eked kepakay aw eked tolo se allang kandin, keilangan pa gani nge meg-alagad sikandan te mepiya kay sen mekeontong te kandan kepagod te egpemenal heman se egkedekelan pedowan te Timanem. ³ Aw doen megtolada aw tani ini nge pegtulun-an aw weda tol-tol te insakto nge pegtolada lekat te kenitadon Ginoong Jesu Cristo, kagi te menge pegtulun-an tepad te pegsunod te Timanem. ⁴ Yan nge otaw egpelangkaw-langkaw meneng wedad netagahan, ibeg din olo nge pegdindil te wedad polos nge kedonan, aw iyan sen pigleketan te peg-i9nga, pegbolow, pegbaet-baet aw weda pegsalig. ⁵ Aw gayed dan egpedendilay, iling kenyan sen batasan te menge otaw nge wedad insakto nge peg-aneng-aneng aw eked dan peketaga-taga aw eden sen metoled. Mig-aneng-aneng dan nge megyaman dan pineokit te kandan pegkediosnon pegpenimanem. ⁶ Kon se begay, sen otaw egpenimanem aw kontento dan te kandin pegkesawol, sobra pa sikandin te meyaman. ⁷ Sen benal, te pegkeotaw tadon dini te keneyonan wedad meibing tadon, aw memetay kidon wedad heman meibing tadon lekat te keneyonan. ⁸ Nayan, aw doen kinan tadon aw doen penenekton botong den iyan te keluba te pedowan tadon. ⁹ Meneng sen menge otaw nge egkeibeg megkeyaman mapukan te menge tentasyon. Melitagan dan te menge wedad ontong aw medaet nge menge pengandoy nge yan sen mekebebet aw mekeibing kandan doton te kededetan. ¹⁰ Aw egkeibing se otaw nengiwanta, yan se egleketan te peg-inang din te medita kemolo te medaet. Sen dooma heman nge menge otaw. Doen den menge simoway lekat te kebenalan tanda te ibeg dan egpengiwarta, aw onto den nepuluk se pedowan dan tanda te kelimahan dan. ¹¹ Meneng sikona, aneng-anengi suguonon ka te Timanem, pegpediyo ka lekat te kedita medaet siyan. Pegpekeasen ka sen aw sen pegkinabuhi meg-inang ka te metolid aw toman ka te ibeg te Timanem, aw salig ka kandin. Kailangannemenal ka awdakel se pedowan no diya te menge otaw. Aw keilangan nge medelem ka aw mepiya se pedowan nikaw doton te kamno doma otaw. ¹² iling te lomba, inangi gayed sen inangan nikaw kailangan sen para te kebenalan nikaw te Timanem. Pegkinawa ka te kaling pedowan wedad tomanan, so yan se doun te tinawal ka te Timanem amon begayan ka te kenyan, aw mig-indan ka diya te medita ataw te nemenal ka ki Cristo. ¹³ Kidoen te sinelowan te Timanem nge nemegay te penginabuhi te kedita te otaw aw se sinelowan i Crsito Jesus nge mig-indan te kebenalan doton ki Poncio Pilato, seini sen punu ko kamno, ¹⁴ talo ka te impunu kamno amon wedad palos kemali no aw wedad igila kamno lanug domateng sen kenitadon Ginoong Jesu-Cristo. ¹⁵ Tepad te pegdateng i Jesu-Criso, nge onto metolos aw dakel se keluba din te menge otaw yan sen impekita ki Jesu-Cristo aw domateng se aldaw pinamalli. Sen Timanem yan sen Hari nge melangkaw te kedita menge hari aw Timanem se melangkaw te kedita menge Timanem. ¹⁶ Sikandin olo sen pegkinabuhi nge wedad palos kematayen doton siakndin peg-ogpa te kelowahan eked kedepagi te otaw. Wedad palos otaw sinita kandin, aw eked palos sikandin kitai te otaw. Iduyun te se Timanem nge onto metolos te weda temanen. Metoman iyan. ¹⁷ Tepad te menge meyaman dini te keneyoana, kegihi dan nge eked dan pegpelangkaw-langkaw o eked kepakay aw kedonan dan se seligan dan se eked te ketegahi aw kano iyan pegkewedad. Kailangan nge kedonan dan sen kandan seligan doton te Timanem nge egpemegay kenitadon te kedita amon meluba kidon. ¹⁸ Pegpunu ka kandan meg-inang te mepiya amon meyaman dan te mepiya nge menge inang. Punu i dan heman nge keilangan meagka te pedowan den megtabang te menge doma otaw aw pegtegad te pegpeketagad te kandan menge kedonan. ¹⁹ Aw iyan sen inangen dan, megtipon dan aw ontong imbegay kandan doton te langit nge eked gayed ketalon. Aw kinewaen dan se onto benal pedowan wedad temanan. ²⁰ Timoteo, peg-aha ka pegtolada no nge metolid imbegay kamno te Timanem, ika eg-ianbut te menge pegtolada nge wedad ontong aw weda lekat te Timanem, pengkey sen menge pegdindilay tepad te inikagi te doma nge doen kebiyasa imbegay te Timanem kandan, meneng kena benal. ²¹ Se doen menge doma otaw eg-ikagi te doen kebiyasa dan, meneng pineokit te kandan inikagi nge "Kebiyasa" sinoway dan lekat te kebenalan nge pinemenalan te Timanem tadon. "Ibeg ko tebangan ka temanem se kedita niyo."