¹ Sen menge egpealeg te kagi se menge timoay nge meama aw kena imandayi pegtolada nge iling te kamno keogalingon amay. Imandayi sen menge keling otaw nge meama megtolada ka iling heman iyan te kamno keogalingon nge kedowa. ² Sen menge lokes nge beyi illing heman te keogalingon nikaw inay, imandayi heman sen menge kaling bayi megtolada illing heman iyan te kamno atebay amon nge wedad palos medaet nge meikagi sen menge otaw tepad kandin. ³ Pegtahad kaw aw tebangi sen menge balo nge wedad palos menogpo kandan. ⁴ Meneng aw doen bata aw apo te bayi balo, kailangan sikan dan se meg-atiman kandin, kaw aw sikandan egpenimanem, sen mona dan nge obligasyon yan sen menogpo te kandan pamilya aw memegay te ontong diya te kandan inay aw amay, kay iyan sen mekebegay te keluba te Timanem. ⁵ Sen bayi balo nge weda den palos menogpo kandin, migsalig din olo te Timanem. Eldew aw delem egtawal-tawal sikandin aw egpemoyo tabang te Timanem. ⁶ Menneg sen bayi balo nge egkeibeg te keluba te keneyonan yan sen illing den te nematay tengteng te Timanem kandin pengkey weda pa sikandin kematay. ⁷ Sen impumi iyan kamno kailangan itolada no diya te kedita te otaw egpeminal amon weda meikagi nge medaet tepad kandan. ⁸ Pengkey sinu nge egpemenal nge weda peg-atiman te kandin keepedan, pengkey te kandin pamliya, onto kaw migpeila nge wedad ontong din te pegpemenal din te Timanem. ⁹ Sen menge balo nge bayi kenyo egtabangan yan sidekey minapet den te keneman se omay pelangkaw, weda sikandin peg-meama. ¹⁰ Kinilala sikandin nge mepiya sen kandin menge eg-inangen, mepiya egsagman se kandan menge mengisu, mepiya egsagman te menge otaw gimemaw, pegsagman te keotawon te Timanem, matinabangon te menge kidoen te kelimahan, aw measeb ka meg-inang te mepiya te kedita te menge otaw. ¹¹ Meneng ika niyo eg-apil te ngadan te kaling bayi balo diya te lista te menge balo egtebengan niyo, so aw domateng sen ibeg den mengognan toda, lominga dan pag-alagad ki Cristo. ¹² Nayan nekesala dan tepad kay wedad polos sen kandan inpakang nge meg-alagad olo ki Cristo. ¹³ Lowa niyan, megketeka dan iyan kwani sen kalingg balo nge bayi aw gayed dan meglegeb-legeb te doma balay, sen medaet pa kidoen, megkebelikbikun aw meg-inabut dan te doma aw meg-indan-indan ka te eked kepakey i indan. ¹⁴ Nayan aw siak olo, aw iyan man se nedengatan, mepiya pa niyan mengkaling balo bayi mengngnan dan toda aw megbata amon doen megsagman te pamilya din amon wedad ikelindo se menge otaw tepad kanitadon. ¹⁵ Nekeikagi a kenyan pengkey sen doma nge menge balo bayi simoway den te peg-alagad aw timaking dan ki Satanas. ¹⁶ Se doen bayi nge balo egpemenal te kandin gaked sikandin olo sen dapat nge megsegman kandan amon eked dan kebegati sen Iglesia te menogpo kandan, aw megsegman pa te Iglesia sen doma menge balo bayi wedad palos kepesalohan. ¹⁷ Tepad te menge kelangkewan te menge egpemenal nge mepiya egpengibing, keilangan sildohan dan te insakto, labi no gayed kon egkepegad dan te pegwali aw pegtolada. ¹⁸ So doen kagi se Timanem insaolat, "Ika niyo egpongos te baka talobo meglegiyek iyan." Aw doen kagi heman, "Sen egtarbaho dapat gayed nge sildohan." ¹⁹ Ika niyo tegmon egpemenal te indan tepad te pengolo, singed aw doen den dowa otaw aw kena talo mikagi te benal iyan. ²⁰ Meneng pegsagda ka kandin te pegketipon te kedita te otaw egpemenal, amon melemitan se menge doma otaw meg-iling kandin. ²¹ Egtengtenan ki te Timanem aw si Jesu-Crsito aw diya te menge Anghi peg-imbita te sikona kailangan tomolo ka kenyan nge egpunu nge wedad pedigselan. Kailangan gayed se kamno eg-inangen te kedita otaw, patag nikaw sen pegsagman te kedita otaw. ²² Ika egkesesaw te pegtedong te kemno belad ki pengkey sinii amon pegbegay kandin te ketongdanan te pegpengibing te menge egpemenal, aw kena pegtonggo nge eked a madalahig te menge sala te doma, peg-aha ka nge wedad ikelindo kamno tepad kenyan. ²³ Tepad kay gayed ka eg-alegen te getek, olo wayeg se eg-inemen no, inom ke heman aw deitek nge binu para te kamno getek. ²⁴ Doen menge otaw nge kandan egpekesala sikil egketegahan pengkey weda pa sikandan pelumun, meneng sen menge sala te doma otaw singed ketegahan menamay. ²⁵ Iling heman kenyan, doen menge otaw eg-inang te mepiya. Doenmenge eg-inangen tadon nge sikel egketegahan te doma otaw. Meneng pengkey eked iyan tagmon ketegaho te doma otaw, eked iyan keeles te weda temanan.