¹ Benal sen inikagi aw doen buot aw meinang egpengibing te menge egpemenal, mepiya aw katungdanan sen kandin gitinguha. ² Kailangan aw sen egpengibing te menge egpemenal maama kansang kinabuhi wedad ikalindo, sebad ulo sen kandin esawa, mekepugong te kandin pegkeotawan, mepiya egpetenga-tenga, tinahud, maabi-abihon te menge dumuduong aw metega-taga pegtulada. ³ Kailanga kena sikandin egkelasing, kena mapasipalahon aw kena egpenetuk, aw egkeido, keilangan kena sikandin domutan te kwarta. ⁴ Tepad te kandin balay, kailangan mepiya sikandin egpengibing gitahod aw egtumanen sikandin te kandin menge mengeyso. ⁵ Pengkey menenon man sikandin egpengiling te menge egpemenal aw sikandin gani kena egpetaga-taga egpengibing te kandin pegkeotawon nga balay. ⁶ Keilangan kena sikandin kaling egpemenal kay basin kwani aw magpasigarbu sikandin aw tepad nin ipelumun sikandin unawa ki Satanas. ⁷ Keilangan hema nga tinahod sikandin bisn te menge kena egpemenal amon kena sikandin egkeyaya aw medagdag te laang i Satanas. ⁸ Iling te mnge diyakono te simbahan, kailanga metinuud sikandan, kesiligan sen kandan inikagi, kena magpalabig meinum te mekehubug, kena hakog, ⁹ aw ginahoptan dan aw doen melinis aw konsensya sen kebenalan tepad te pegpemenal ki Cristo, aw weda isugilon te Timanem kedengan. ¹⁰ Keilanga susihon una sen kandan bet, aw kon wedad ikalindo kandan, makaalagad na dan isip diya kano. ¹¹ Sen kandan esawa kailangan tinahod heman, kena egbaet, mependay egpugong te kandan pegkeotawon, aw egseligan te kelahat butang. ¹² Kailangan sebad ulo sen kandan esawa, aw mepiya heman kandan egpengibing te kandan menge mengeyso aw te kandan kelahat butang. ¹³ Sen menge diyakono te simbahan, aw mepiya pegpemenal tahuren te menge otaw aw mekeabat dan te dugang kebelot te pegkagi tepad te kandan pegpemenal ki Cristo Jesus. ¹⁴ Pegpuano a aw kimindoen kidoen te kena menamay amon mekigkita kamno. Meneng insulat ko gayed ini. ¹⁵ Amon aw kon malangan a, metaga-taga kanaken munenen paggawi te menge egpemenal isip pamilya te Timanem. Kinitadon aw menge egpemenal nayan sen simbahan te neantay Timanem, sen kandin enseligan aw temendog aw egdapit te kebenalan. ¹⁶ Kena ikalalis aw kahibulungan gayed sen menge kebenlana te kenidaon relihiyon: Nagpadayag sikandin kagi te menge otaw, gipamatud-an te Espirito Santo aw sikandin mepiya. Kinita sikandin te menge Anghil, inindan doten te kanasuran, pegpemenal te menge otaw aw inengal doen te langit.