¹ Mona te kelahat, neghangyo a kenyo nga iampo niyo se kelahat menge otaw. Ibingi niyo te Timanem se kenyo menge hangyo alang kandan tinekengan te pegpesalamat. ² Iampo niyo se menge hari aw se kelahat nga doen melangkaw nge ketungdanan te Gubiru aman meinang hapsay se kenitadon peg-ugpa aw gawasnon kidon te pegsunod te Timanem insubay te benal nge pemetasan. ³ Mepiya ini ininang aw meleba se Timanem nga egpeluwa kitadon. ⁴ Kay ibeg din se kelahat menge otaw mekeluwa te sala aw metagahan te kebenalan. ⁵ Kay doen sebad ulo ke Timanem aw doen sebad ulo ke tigpataliwala tali te Timanem aw te menge otaw siini wedad lain aw kena se otaw nga si Cristo Jesus, ⁶ nga migtugyan te kandin pegkeotawen amon te pegtubos te kelahat menge otaw. Yan ini se nagpamatuod nga ibeg luwasen te Timanem se kelahat, aw siini impekita din te penahon te kandin gitakda. ⁷ Se nayan egpeibing a din iling te epostol aw migtulada te menge kena Judio amon ipetaga-taga te pegpemenal te kebenalan. Minikagi a kenyo te benal aw weda a pegkebolalaw. ⁸ Ibeg ko te menge maama meg-ampu nga doen melinis nga podowan te kandan menge belad, nga wedad onto keopla aw peglalis. ⁹ Bahin te mene beyi, ibeg ko nga magmaligdong dan, menoot dan te saol nga kaha law-ay teng-tengan, kana sobra te kandan pegpengarte te kandan lugay, aw peggamit te menge alahas nga bulawan aw perlas, te mehalen nga menge saol. ¹⁰ Hinonoa, nig-inang dan te mepiya nga yan angay te menge baye nga negpekita dan nga kana dan egpemenal te Timanem. ¹¹ Aw kon doen megtulada, keilangan se menge baye menalan ulo nga doen metingen dan ulo. ¹² Eked a tugot te menge baye megtulada aw meibing te menge maama, keilangan metingen dan ulo. ¹³ Kay mona ininang si Adan aw si Eva. ¹⁴ Aw kana si Adan se nelimbongan i Satans, aw kana se bayi yan neglimbong aw nekelapas te sugo te Timanem. ¹⁵ Meneng se menge baye mekeluwa pineokit te pegbata, aw megpedeleg dan te pegpemenal, te peghigugma, te pegkadiosnon aw te kandan mepiya bet.