¹ Meng kedowa ko ki Cristo, ibeg ko nga melebetan niyo onto ang tepad te menge hiyas nga igbegay te Espirito Santo. ² Neketagataga kaw nga te weda kaw pa kilala te Timanme pigtanding kaw amon menimba te mge dios-dios nga eked pekeikagi. ³ Nayan ibeg ko nga metegahan niyo nga wedad otaw nga pigtolosan te Espirito te Timanem nga makapanghimaraot ki Jesus. Aw wedad heman otaw nga mekeikagi nga si Jesus se Timanem kon weda tolosi te Espirito Santo. ⁴ Doen ki negkelainlain nga menge hiyan, meneng sebad olo ke Espirito se piglekatan sini kelahat. ⁵ Megkelainlain si pemeolit te peg-alagad, meneng sebad olo ke Timanem se kenitadon pig-alagad. ⁶ Negkelainlain se ipeinang te Timanem kenitadon, meneng sebad olo ke Timanem se negetolos kenitadon amon meinang tadon ini. ⁷ Se kada sebad binegayan te hiyas nga negpekita nga se Espirito Santo kedoen kandin, amon meketabang sikandin te kandin isig ke egpemenal. ⁸ Se doma binegayan te Espirito Santo te hiyas te peg-indan tepad te kaalam te Timanem aw se doma binegayan te Espirito Santo te hiya te peglabet niyan. ⁹ Duen binegayan te dakel onto nga pegpemenal aw doen binagayan te hiyas te pegbolong te menge ineleg aw kelahat seini lekat te Espirito Santo. ¹⁰ Se doma binegayan te Espirito Santo te tolos te peg-inang te menge kepelehan; se doma te peg-indan te penu te Timanem aw se doma niya te pegkilala kon se negetolos te sebad ke otaw yan ba se Espirito Santo o kena. Doen binegayan heman te hiyas te peg-ikagi te doma nga menge inekegihan nga weda dan sukad matun-i, aw doen binegayan te hiyas te peglebad te kedegdagan nida nga menge inekegihan. ¹¹ Meneng sebad olo ke Espirito se nemegay te kelahat seini, aw peg-apod apod din ini te kada sebad pineokit te kandin ibeg. Se kenitadon panig-ingnan ingon nga mge bahin te sebad ke lawa. ¹² Se lawa doen medita bahin meneng se mge bahin nini kebahin te sebad ke lawa. Iling heman kani se menge egpemenal bisan negkalain-lain se menge hiyas nga igbegay te kada sebad kenitadon sebad kidon olo ke lawa kidoen ki Cristo. ¹³ Kay kelahat tadon Judio man o kena olipon man o gawasnon, pegbawtismohan ke doen te sebas olo ke Espirito amon meinang sebad ke lawa. Aw sebad heman ka Espirito se kenitadon. ¹⁴ Se lawa te otaw sebad olo meneng doen medita bahin. ¹⁵ Kon mikagi se besin tepad kay siak kena belad, kena a bahin lawa.' Kena niyan se besihan nga kena sikandin kabahin te lawa. ¹⁶ Aw kon mikagi se telinga," Tepad siak kena mata, kena a bahin lawa, " kena heman niyan se besihan nga kena sikandin bahin te lawa. ¹⁷ Kay kon se tibok nga lawa te otaw polos olo mata, menonen din se pegdineg? Aw kon se tibok nga lawa polo telinga, menonen din te peg-adek? ¹⁸ Meneng weda ki inangi te Timanem nga iling niyan, kon kena igsaol ki te negkelainlain nga bahin te kenitadon lawa sumala te kandin ibeg. ¹⁹ Kon se lawa doen sebad olo ke bahin, eked den iyan ketawal nga lawa. ²⁰ Se benal, medita se mge bahin te kenitadon lawa, meneng sebad olo onto ke lawa. ²¹ Sian yan nga menge mata eked pekeikagi te belad," Weda ko sikona keilangan," Aw se olo eked heman pekeikagi te benis," Weda ko sikona kieligani" ²² Se benal, se menge bahin te lawa nga pig-isip tadon nulomay keilanganen tadon onto. ²³ Se menge bahin te lawa nga pig-isip tadon kena onto kekemowan ampingan tadon heman te kepiyaan. Aw se menge bahin tega iling te medaet tengtengan kenitadon heman se gihapon imendayan. ²⁴ Meneng eked ini keilangan inangen pa se menge bahin nga mepiya baua den lamig. Yan ini se ininanng te Timanem te lawa tadon, amon megegayan te pegtagad aw dengeg se menge bahin nga iling te kena onto kekemowan. ²⁵ Ininang te Timanem se sebad ke bahin se kenitadon menge lawa amon megtinabangay, aw kena amon negkebahinbahin. ²⁶ Nayan kon se sebad ka bahin meg-antos, se kelahat nga bahin meg-antos heman. Aw kon se sebad ke bahin indeyen se kelahat nga bahin meleba heman. ²⁷ Se book ko nga ipalabet sini ini kenidon menge egpemenal yan se lawa i Cristo. Aw se kada sebad kenitadon kebahin te kandin lawa. ²⁸ Aw kini nga lawa se kada egpemenal binegayan te kandin inangenen. Mona te kelahat menge Apostoles: Ikadowa, menge propeta, menge meglolodaay; deleg se menge nege inang te menge kepeleha, menge negebolong te menge ineleg, menge negetabang te mge negkeilangan, menge megtetambag, aw menge negkeikagi te inikegihan nga wada dan ke bansay. ²⁹ Neketaga-taga kaw heman nga kena kelahat tadon menge Apostoles. Kena heman kelahat tadon menge Propeta te Timanem o menge megtolodaay. Kena heman kelahat mekeinang te kepelehan. ³⁰ Kena se kelahat neketig-apo te tolos te pegbolong te menge ineleg o neketig-apo te hiyas te peglebad te kedegdagan nida nga inekegihan. ³¹ meneng peningkamoti niyo nga medawat kaw lekat te Timanem te menge mehinongdanon onto nga menge hiyas. Aw siini se itolada ko kenyo se mepiya onto te kelahat.