Ekapiitulo 98
1
Mwiipeleke Apwiya ntjipo nophiyaaru, kontha ayena an'nopankaka tjitthu tjomiiriirya. Ntatanawe noolopwana nimoonuaawe ttakattiifu tjihonvaha otthema.
2
Apwiya ahokhala ootjuwanyaa mwaha wowoopolawaya; Ayena, ahothoonhera essariyaaya wolapo tjooteene.
3
Ahuupuwela nfentwaawe nin'nemanawe etthoko ya Israel; nmalenle elapo mooteene ohoonyaa woopola waNlukweehu.
4
Muupuwenleke nootteliya Apwiya, elapo yooteene; nkhuweleke, ntthapeke, mwiipeke etjipo!
5
Mwiipeleke Apwiya nitjooruma, ni tjooruma tjooreerela.
6
Nimapenka nintju nooruma, muupuweleke ohoolo waamwene, Apwiya.
7
Npahari nitjitthu tjooteene tjirinaaya, olumwenku naatthu ooteene ankhala!
8
Mwaamuro tjoopaka ekuphi, ni myaako tjiipeke nootteeliya.
9
Apwiya aniira awaaka olamula elapo; Ayena an'hala olamula olumwenku niissaariya ni elapo ninttittimiho.