¹ Nluku, n;hikhale oomaala! N'hinikhotte, wala n'hikhale oweemela, ooh Nluku. ² Mwaawehe, awananiinhu, anawoohanhurihani ni yaale ahinootthunani an'nuulumatja tjoohikhala. ³ Ayenatja ahaarussihatja atthweenhu, ni nkhayi, an'notthonkomaniha waatthu oolipihiya. ⁴ Ayenatja ahiiratja: Nkawaatjani, naakwanhulatje phanka elapo. Vano, ntjina naIsrael khanin'hala wuupuweliya. ⁵ Nkhayi, ayenatja yaahopankatja tjitthutjaya ni yaahopanka waataana niNhu. ⁶ Waari wamotja n'heemani mwa Edom ni atthu ooMoabe anpanka nkhayi wa ⁷ Gebal, Amom, Amaleque; ni tootho vamotja i Filistia ni atthu ankhala oTiro. ⁸ Ossiria tootho ori naayenatja; aniira yaathukumanihaka amutj aLo. ⁹ Mwaapankatje phanka tjipankaleenhu oMidia; phaka tjipankaleenhu Sisera ni Jabim muro Quisom. ¹⁰ Ayenatja arimeelatjale o En-dor ni yaahohin'nha yunttaka vathi. ¹¹ Atthwaayo mwaapanke phanka Orebe ni Zeebe, naahoolelyaaa ooteene, phanka Zeba ni Zaimuna. ¹² Ayeatja yaahiiratja: "N'nihiye Nluku akhale n'hakheliihu" ¹³ Nlukwaaka, n'nikhalihe phanka ookussiya niiphyoo, ¹⁴ phanka mooro onpaha etakhwa ni phanka mooro onpaha nmamyaako. ¹⁵ Moomolanihe niiphyeenhu yuulupale ni mwaamwaressatje niiphyoo yuulupale. ¹⁶ Mwaakhuneele ekhovetjaya niihaaya wiira arweele ntjinaninhu, Apwiya. ¹⁷ Yoonihatjiye ehaaya noomorissatjiya woomalela; amore moohuvani. ¹⁸ Vano, anaahala otjuwela wiira Nhu, Apwiya, owiirimu elapo ooteene!